Credit Card ପାଇଁ ଦେଉଛନ୍ତି କି ଏହି ଡକ୍ୟୁମେଣ୍ଟ୍? ସାବଧାନ

Credit Card: କ୍ରେଡିଟ୍ କାର୍ଡ ସାହାଯ୍ୟରେ ଆପଣ ଅନେକ ଲାଭ ପାଉଥିବେ । କାରଣ ଏହାଦ୍ୱାରା ଆପଣଙ୍କୁ ଅତିରିକ୍ତ ସୁଧ ଦେବାକୁ ପଡିନଥାଏ । ପାଖରେ ଟଙ୍କା ନଥିଲେ ମଧ୍ୟ ଆପଣ ନିଜ ମନ ପସନ୍ଦର ଜିନିଷ ସହଜରେ ପାଇପାରନ୍ତି । ପରେ ୫୦ ଦିନ ମଧ୍ୟରେ ଟଙ୍କା ଡିପୋଜିଟ୍ କରନ୍ତି ।

Credit Card: ବର୍ତ୍ତମାନ ଅଧିକାଂଶ ବ୍ୟକ୍ତି କ୍ରେଡିଟ୍ କାର୍ଡ ବ୍ୟବହାର କରୁଛନ୍ତି । କ୍ରେଡିଟ୍ କାର୍ଡ ପାଇଁ ଆବେଦନ କରିବା ସମୟରେ ଆବଶ୍ୟକୀୟ ଡକ୍ୟୁମେଣ୍ଟ (Document) ଗୁଡିକ ବ୍ୟାଙ୍କ କିମ୍ବା ଆର୍ଥିକ ପ୍ରତିଷ୍ଠାନ ଉପରେ ନିର୍ଭର କରିଥାଏ । କିନ୍ତୁ ସାଧାରଣତଃ ଆପଣ କେଉଁ ଡକ୍ୟୁମେଣ୍ଟ ଗୁଡ଼ିକୁ ପ୍ରସ୍ତୁତ ରଖିବା କଥା ସେ ବିଷୟରେ ଆମେ ଆଜି ଆପଣଙ୍କୁ ଜଣାଇବୁ । କ୍ରେଡିଟ୍ କାର୍ଡ ପାଇଁ ଆବଶ୍ୟକୀୟ ଡ୍ୟୁମେଣ୍ଟ ମଧ୍ୟରେ ଆଧାର କାର୍ଡ, ପାନ୍ କାର୍ଡ (Pan card), ଡ୍ରାଇଭିଂ ଲାଇସେନ୍ସ, ପାସପୋର୍ଟ (passport) କିମ୍ବା ଭୋଟର ଆଇଡି କାର୍ଡ ହୋଇପାରେ । ଆପଣଙ୍କ ସ୍ଥାୟୀ ଠିକଣା ପ୍ରମାଣ ହିସାବରେ ଆପଣଙ୍କୁ ଘରର ବିଦ୍ୟୁତ୍ ବିଲ୍, ଟେଲିଫୋନ୍ ବିଲ୍, ଆଧାର କାର୍ଡ (adhar card) କିମ୍ବା ଆପଣଙ୍କ ଆବାସିକ ଠିକଣାର ଅନ୍ୟାନ୍ୟ ଆଇନଗତ ଡକ୍ୟୁମେଣ୍ଟ୍ ଆବଶ୍ୟକ ହୋଇପାରେ ।

ଏହି ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ପ୍ରସ୍ତୁତ ରଖିବା ଉଚିତ
ଆପଣ ଯଦି ସରକାରୀ କିମ୍ୱା ବେସରକାରୀ ଚାକିରୀ କରିଛନ୍ତି ତେବେ ଆପଣ ବାର୍ଷିକ ଆୟକର ରିଟର୍ଣ୍ଣ (Annual Income Tax Return) ମଧ୍ୟ ପ୍ରସ୍ତୁତ ରଖିବା ଉଚିତ୍ । ଯଦି ଆପଣଙ୍କର ନିଜର କୌଣସି ପ୍ରକାରର ବ୍ୟବସାୟ ରହିଛି ତେବେ ଆପଣ ଏହାକୁ ଆପଣଙ୍କର ଆର୍ଥିକ ସ୍ଥିତିର ପ୍ରମାଣପତ୍ର ଭାବରେ ଉପସ୍ଥାପନ କରିପାରିବେ । ଯଦି ଆପଣ ଚାକିରୀ କରିଛନ୍ତି ତେବେ କ୍ରେଡିଟ୍ କାର୍ଡ ପାଇଁ ଆପଣଙ୍କ ସାଲାରୀ ସ୍ଲିପ୍ ଆବଶ୍ୟକ ହୋଇପାରେ । ଯେତେବେଳେ ଆପଣ ଏକ କ୍ରେଡିଟ୍ କାର୍ଡ ପାଇଁ ଆବେଦନ କରୁଛନ୍ତି ସେତେବେଳେ ଆପଣଙ୍କ ନିକଟରେ ଏକ ପୂର୍ଣ୍ଣ ଆବେଦନ ଫର୍ମ ମଧ୍ୟ ରହିବା ଆବଶ୍ୟକ । କାରଣ ଉକ୍ତ ଫର୍ମରେ ଆପଣଙ୍କର ବ୍ୟକ୍ତିଗତ ବିବରଣୀ ଏବଂ ଏକ କ୍ରେଡିଟ୍ କାର୍ଡ ପାଇଁ ଅଫିସିଆଲ୍ ରିକ୍ୟୁଏଷ୍ଟ ରହିଛି ।

କ୍ରେଡିଟ୍ କାର୍ଡ ପାଇଁ ଆବଶ୍ୟକୀୟ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଗୁଡିକ ମଧ୍ୟରେ ଆପଣଙ୍କୁ ପାସପୋର୍ଟ ସାଇଜ୍ ଫଟୋ ଦେବାକୁ ପଡିପାରେ । ନଚେତ୍ ଆପଣ ଅନଲାଇନରେ ଫଟୋ ଉଠାଇ ଦେଇପାରିବେ । କିଛି ବ୍ୟାଙ୍କ୍ ଆବଶ୍ୟକୀୟ ଡକ୍ୟୁମେଣ୍ଟ ହିସାବରେ ତିନିରୁ ଛଅ ମାସର ବ୍ୟାଙ୍କ ଷ୍ଟେଟମେଣ୍ଟ ମଧ୍ୟ ମାଗିଥାନ୍ତି । ଏହି ଡକ୍ୟୁମେଣ୍ଟ ଗୁଡିକ ଆପଣଙ୍କର ଆର୍ଥିକ କାରବାରର ଯାଞ୍ଚ କରିବାରେ ସାହାଯ୍ୟ କରେ । ଯଦି ଆପଣ ଚାକିରୀ କରିଛନ୍ତି, ତେବେ ଆପଣଙ୍କ କମ୍ପାନୀ କିମ୍ବା ନିଯୁକ୍ତିଦାତାଙ୍କ ଦ୍ୱାରା ଜାରି ହୋଇଥିବା ଫର୍ମ ୧୬କୁ ଆପଣ ପ୍ରସ୍ତୁତ କରିପାରିବେ । ଏଥିରେ ଆପଣଙ୍କର ଦେୟଯୁକ୍ତ ଟ୍ୟାକ୍ସ ଏବଂ TDS ରିହାତିର ପ୍ରମାଣ ରହିଥାଏ । ଏହା ବ୍ୟତୀତ ଯଦି ଆପଣଙ୍କୁ ଅନ୍ୟ କୌଣସି ଡକ୍ୟୁମେଣ୍ଟ ଦେବା ପାଇଁ ବାଧ୍ୟ କରାଯାଉଥାଏ ତେବେ ଆପଣ ସେ ବିଷୟରେ ଯାଞ୍ଚ କରିବା ଆବଶ୍ୟକ । କାରଣ ଆଜିକାଲି ଅନଲାଇନ ମାଧ୍ୟମରେ ବିଭିନ୍ନ ପ୍ରକାରର ଠକାମୀ କରାଯାଉଥିବା ନଜରକୁ ଆସୁଛି ।

କ୍ରେଡିଟ୍ କାର୍ଡର ଲାଭ ଓ କ୍ଷତି
କ୍ରେଡିଟକାର୍ଡ ବ୍ୟବହାରକାରୀ ଓ ବ୍ୟାଙ୍କ ଅଧିକାରୀଙ୍କ ମତରେ ଯଦି ଆପଣ ଶୃଙ୍ଖଳିତ ଢଙ୍ଗରେ କ୍ରେଡିଟ୍ କାର୍ଡ (salary slip) ବ୍ୟବହାର କରୁଛନ୍ତି, ତେବେ ଏହା ଆପଣଙ୍କୁ ଠିକ୍ ସମୟରେ ସାହାଯ୍ୟ କରିଥାଏ । ଏହି କାର୍ଡ ଆପଣଙ୍କ ପାଇଁ ଅନେକ ଲାଭଦାୟକ ଅଟେ । କିନ୍ତୁ ଯଦି ଆପଣ ଆର୍ଥିକ ଦୃଷ୍ଟିରୁ ସ୍ୱଚ୍ଛଳ ନଥାଇ କ୍ରେଡିର୍ଟ କାର୍ଡ ବ୍ୟବହାର କରୁଛନ୍ତି ତେବେ ଏହା ଆପଣଙ୍କୁ ଅନେକ ଅସୁବିଧାରେ ପକାଇପାରେ । କାରଣ ଯଦି ଆପଣ ସଠିକ ସମୟରେ ଟଙ୍କା ଜମା କରିନପାରିବେ ତେବେ ଆପଣଙ୍କ ପାଇଁ ବଡ଼ ଫାଇନ୍ କିମ୍ୱା ଜରିମାନା ପଡିପାରେ । ସେଥିପାଇଁ ଭିନ୍ନ ଭିନ୍ନ ବ୍ୟାଙ୍କର ଭିନ୍ନ ଭିନ୍ନ ନିୟମ ରହିଛି । ତେଣୁ ଆପଣ ସବୁବେଳେ ସମୟସୀମା ପୂର୍ବରୁ ଏହାକୁ କ୍ଲିୟର କରିବା ଆବଶ୍ୟକ ।