Brazil: ଆରେ ବାପରେ! ଲାଞ୍ଜ ସହିତ ଜନ୍ମ ହେଲା ଶିଶୁ କନ୍ୟା, ଡାକ୍ତରମାନେ ମଧ୍ୟ ହେଲେ ଆଶ୍ଚର୍ଯ୍ୟ

Baby girl born with 6cm tail: ବ୍ରାଜିଲରେ ଏକ ଶିଶୁ କନ୍ୟା ଜନ୍ମ ହୋଇଛି, ଯାହାର ଲାଞ୍ଜ ଅଛି । ଯେତେବେଳେ ସେ ଜନ୍ମ ହୋଇଥିଲେ, ଡାକ୍ତରମାନେ ମଧ୍ୟ ତାଙ୍କର ଏହି ଅଜବ ରୂପ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ଖବର ଅନୁଯାୟୀ ଶିଶୁର ଲାଞ୍ଜର ଲମ୍ବ ୬ ସେମି, ଯାହାକୁ ଡାକ୍ତରମାନେ ଅସ୍ତ୍ରୋପଚାର ମାଧ୍ୟମରେ ବାହାର କରିଛନ୍ତି ।

Brazilian Baby girl born with 6cm tail: ଦୁନିଆରେ ଏପରି ଘଟଣା ପ୍ରାୟତଃ ଦେଖିବାକୁ ଓ ଶୁଣିବାକୁ ମିଳେ ଯେ ଏକ ଅଦ୍ଭୁତ ପ୍ରକାର ପିଲା ଜନ୍ମ ହୋଇଛି । ବାସ୍ତବରେ, ଏହା ସେତବେଳେ ଘଟେ ଯେ, ଯେତବେଳେ କିଛି ପିଲା ଅତିରିକ୍ତ ଅଙ୍ଗ ସହିତ ଜନ୍ମ ହୁଅନ୍ତି ଓ ଏପରି ପରିସ୍ଥିତିରେ ସେମାନେ ଦୁନିଆ ଆଖିରେ ଅଦ୍ଭୁତ ହୋଇଯାଆନ୍ତି । କେତେକଙ୍କର ତିନୋଟି ଗୋଡ ଥାଏ, ଆୟ କେତେକ ଅଧିକ ଆଖି ରହିଥାଏ ଓ କେତେକ ଯାଆଁଳା ଛୁଆ ଯୋଡି ହୋଇ ଜନ୍ମ ହୋଇଥାନ୍ତି । ବର୍ତ୍ତମାନ ଏପରି ଏକ ଅଜବ ମାମଲା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ନିକଟରେ ବ୍ରାଜିଲରେ (Brazil) ଏକ ଶିଶୁ କନ୍ୟା ଜନ୍ମ ହୋଇଛି, ଯାହାର ଏକ ଲାଞ୍ଜ ଅଛି । ଯେତେବେଳେ ସେ ଜନ୍ମ ହୋଇଥିଲେ, ଡାକ୍ତରମାନେ ମଧ୍ୟ ତାଙ୍କର ଅଜବ ରୂପ ଦେଖି ଆଶ୍ଚର୍ଯ୍ୟ ହୋଇ ଯାଇଥିଲେ ।

ପେଡିଆଟ୍ରିକ୍ ସର୍ଜରୀ କେସ୍ ରିପୋର୍ଟ ମେଗାଜିନରେ ପ୍ରକାଶିତ ରିପୋର୍ଟ ଅନୁଯାୟୀ ଶିଶୁ କନ୍ୟାଟିର ଲାଞ୍ଜ ୬ ସେମି ଲମ୍ବ । ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ଶିଶୁର ମେରୁଦଣ୍ଡ ଭୁଲ୍ ଭାବରେ ବିକଶିତ ହୋଇଥିଲା । ଏହାର ମେରୁଦଣ୍ଡରେ ଏକ ଫାଙ୍କ ସୃଷ୍ଟି ହେଲା, ଫଳସ୍ୱରୂପ ଲାଞ୍ଜର ବିକାଶ ହେଲା । ଯଦିଓ ଡାକ୍ତରମାନେ ଅସ୍ତ୍ରୋପଚାର ମାଧ୍ୟମରେ ଝିଅର ଏହି ଅଦ୍ଭୁତ ଲାଞ୍ଜକୁ ବାହାର କରି ଦେଇଥିଲେ । ବର୍ତ୍ତମାନ ଶିଶୁଟି ସମ୍ପୂର୍ଣ୍ଣ ସୁସ୍ଥ ଓ ମା ମଧ୍ୟ ଭଲ ଅଛନ୍ତି ।

ଅବଶ୍ୟ, ଯେତେବେଳେ ଲାଞ୍ଜ ସହିତ ଏକ ଶିଶୁ କନ୍ୟା ଜନ୍ମ ହେବାର, ଏହା ପ୍ରଥମ ଘଟଣା ନୁହେଁ । ଏହା ପୂର୍ବରୁ ୨୦୨୧ ମସିହାରେ ବ୍ରାଜିଲରେ ଏପରି ଘଟଣା ସାମ୍ନାକୁ ଆସିଥିଲା ​​ଯେତେବେଳେ ୧୨ ସେମି ଲମ୍ବା ଲାଞ୍ଜ ସହିତ ଏକ ଶିଶୁ ଜନ୍ମ ହୋଇଥିଲା । ଏହାର ଲାଞ୍ଜରେ ୪ ସେମିର ଏକ ବଡ ମାଂସ ଖଣ୍ଡ ମଧ୍ୟ ଲାଗିଥିଲା ​​। ଅବଶ୍ୟ, ପରେ ଡାକ୍ତରମାନେ ଅସ୍ତ୍ରୋପଚାର ମାଧ୍ୟମରେ ସେହି ଶିଶୁର ଲାଞ୍ଜକୁ ବାହାର କରି ଦେଇଥିଲେ ।

ଡାକ୍ତରୀ ବିଜ୍ଞାନ ଜଗତରେ ଏଭଳି ଘଟଣା ଚମତ୍କାରଠାରୁ କମ୍ ନୁହେଁ । ଜର୍ଣ୍ଣାଲ୍ ଅଫ୍ ପେଡିଆଟ୍ରିକ୍ ସର୍ଜରୀ କେସ୍ ଅନୁଯାୟୀ, ଲାଞ୍ଜରେ ଜନ୍ମ ହୋଇଥିବା ଶିଶୁର ପ୍ରଥମ ମାମଲା ଉନବିଂଶ ଶତାବ୍ଦୀରେ ଦେଖାଯାଇଥିଲା ଓ ସେହି ଦିନଠାରୁ ୪୦ ରୁ ଅଧିକ ମାମଲା ଦେଖାଯାଇ ସାରିଛି । ବିଶେଷ କଥା ହେଉଛି ବ୍ରାଜିଲରେ ଲାଞ୍ଜ ସହିତ ଜନ୍ମ ହୋଇଥିବା ପ୍ରଥମ ସନ୍ତାନ ସାଧାରଣ ପ୍ରସବ ମାଧ୍ୟମରେ ହୋଇଥିଲା ଓ ସାମ୍ନାକୁ ଆସିଥିବା ବର୍ତ୍ତମାନର ମାମଲା ମଧ୍ୟ ସାଧାରଣ ପ୍ରସବ ଅଟେ । ଡାକ୍ତରମାନେ ଏପରି ଘଟଣାକୁ 'ବିରଳ ସିଣ୍ଡ୍ରୋମ' ବୋଲି କହିଛନ୍ତି ।