8th Pay Commission: ଅଷ୍ଟମ ବେତନ ଆୟୋଗକୁ ନେଇ କେନ୍ଦ୍ର କର୍ମଚାରୀଙ୍କ ପାଇଁ ଆସିଲା ବଡ଼ ଅପଡେଟ୍; ମୋଦି ସରକାର ନେବାକୁ ଯାଉଛନ୍ତି ଏହି ନିଷ୍ପତ୍ତି, ଦରମାରେ ହେବ ବମ୍ପର ବୃଦ୍ଧି

Fitment Factor: ବର୍ତ୍ତମାନ ସାରା ଦେଶରେ କର୍ମଚାରୀମାନେ ସପ୍ତମ ବେତନ ଆୟୋଗ ଅଧୀନରେ ବେତନ ପାଉଛନ୍ତି । କିନ୍ତୁ କର୍ମଚାରୀଙ୍କ ଠାରୁ ଏପରି ଅନେକ ଅଭିଯୋଗ ଦେଖାଯାଉଛି ଯେ ସେମାନେ ସୁପାରିଶ ଅନୁଯାୟୀ ବେତନ ପାଉନାହାଁନ୍ତି । ଅର୍ଥାତ ସେମାନେ ଯେତିକି ବେତନ ପାଇବା କଥା ତାହାଠାରୁ ଅଧିକ କମ୍ ଟଙ୍କା ପାଉଛନ୍ତି । ଏହି ସବୁ ପରିସ୍ଥିତିକୁ ଦୃଷ୍ଟିରେ ରଖି ସରକାରଙ୍କ ଆଗରେ ଅଷ୍ଟମ ବେତନ ଆୟୋଗର ଦାବି କରାଯାଉଛି ।

7th Pay Commission, Fitment Factor: ସପ୍ତମ ବେତନ ଆୟୋଗ (7th Pay Commission) ଅଧୀନରେ କେନ୍ଦ୍ର ସରକାରୀ କର୍ମଚାରୀ (Central Government Employees) ଙ୍କ ପରବର୍ତ୍ତୀ ମହଙ୍ଗା ଭତ୍ତା (Dearness Allowance) ଜୁଲାଇ ୧ରୁ ଲାଗୁ ହେବ । କିନ୍ତୁ ଏହା ପୂର୍ବରୁ ଲକ୍ଷ ଲକ୍ଷ କେନ୍ଦ୍ର କର୍ମଚାରୀଙ୍କ ପାଇଁ ଏକ ଖୁସି ଖବର ଅଛି । ସୂତ୍ରରୁ ପ୍ରକାଶ ଯେ କେନ୍ଦ୍ର କର୍ମଚାରୀଙ୍କ ସର୍ବନିମ୍ନ ବେତନ (Basic Salary) ରେ ଏକ ବଡ଼ ବୃଦ୍ଧି ଘଟିବ । ପ୍ରକୃତରେ, ଆସନ୍ତା ବର୍ଷର ଲୋକସଭା ନିର୍ବାଚନ ପୂର୍ବରୁ ସରକାରୀ କର୍ମଚାରୀଙ୍କୁ ଖୁସି କରିବା ପାଇଁ ଏହି ଯୋଜନା କରାଯାଉଛି । ଯଦିଓ ଏହା ମଧ୍ୟ ଆଲୋଚନା ହୋଇଛି ଯେ ଅଷ୍ଟମ ବେତନ ଆୟୋଗ (8th Pay Commission) ଆସିବ ନାହିଁ ।

ଅଷ୍ଟମ ବେତନ ଆୟୋଗ (8th Pay Commission) ଅଧୀନରେ କର୍ମଚାରୀଙ୍କ ବେତନରେ ସର୍ବାଧିକ ବୃଦ୍ଧି (Salary Hike) ଘଟିବ । ଲୋକସଭା ନିର୍ବାଚନ ପରେ ବେତନ ଆୟୋଗ ଗଠନ ଉପରେ ଆଲୋଚନା ହେବାର ସମ୍ଭାବନା ରହିଛି । ଏହା ଉପରେ କଥା ଆଗକୁ ବଢ଼ୁଛି ବୋଲି ସୂତ୍ରରୁ ପ୍ରକାଶ । ଅଷ୍ଟମ ବେତନ ଆୟୋଗର ଉଲ୍ଲେଖ କେନ୍ଦ୍ର ଅର୍ଥ ରାଜ୍ୟମନ୍ତ୍ରୀ ଭାଗବତ କରଦ ସଂସଦରେ ମଧ୍ୟ କରିଛନ୍ତି । ଅଷ୍ଟମ ବେତନ ଆୟୋଗ ଗଠନ ପରେ କେନ୍ଦ୍ରୀୟ କର୍ମଚାରୀଙ୍କ ବେତନରେ ବହୁତ ବୃଦ୍ଧି ଘଟିବ । ପୂର୍ବ ବେତନ ଆୟୋଗ ତୁଳନାରେ ଏହା ଗଣନା କରାଯିବ ।

୨୦୨୪ ବର୍ଷ ଶେଷ ସୁଦ୍ଧା ଅଷ୍ଟମ ବେତନ ଆୟୋଗ ଗଠନ ହେବ ବୋଲି ଆଶା କରାଯାଉଛି । ଏହା ପରେ ଏହାକୁ ଏକରୁ ଦୁଇ ବର୍ଷ ମଧ୍ୟରେ କାର୍ଯ୍ୟକାରୀ କରାଯାଇପାରେ । ଅର୍ଥାତ ଏହା ୨୦୨୫ ଶେଷ କିମ୍ବା ୨୦୨୬ ପ୍ରାରମ୍ଭରେ କାର୍ଯ୍ୟକାରୀ ହୋଇପାରେ । ସପ୍ତମ ପେ କମିଶନ ତୁଳନାରେ ଅଷ୍ଟମ ବେତନ କମିଶନରେ କିଛି ପରିବର୍ତ୍ତନ ହେବାର ଅଛି । ଫିଟମେଣ୍ଟ ଫ୍ୟାକ୍ଟର୍ (Fitment Factor) ଆଧାରରେ ଦରମା ବୃଦ୍ଧି ହେବ ନାହିଁ, ବରଂ ଅନ୍ୟ କିଛି ସୂତ୍ର ମାଧ୍ୟମରେ ଦରମା ବୃଦ୍ଧି କରାଯିବ । 

କେତେ ବୃଦ୍ଧି ହେବ ଦରମା?

ଆମର ସହଯୋଗୀ ୱେବସାଇଟ୍ ଜୀ ବିଜନେସ୍ ଅନୁଯାୟୀ, କେନ୍ଦ୍ର କର୍ମଚାରୀଙ୍କ ସଂଗଠନ କହିଛି ଯେ ବର୍ତ୍ତମାନ ସର୍ବନିମ୍ନ ବେତନ ସୀମା ୧୮,୦୦୦ ଟଙ୍କା ରଖାଯାଇଛି । ଏଥିରେ ବେତନ ବୃଦ୍ଧିରେ ଫିଟମେଣ୍ଟ ଫ୍ୟାକ୍ଟରକୁ ଅନେକ ପ୍ରାଧାନ୍ୟ ଦିଆଯାଇଛି । ଏହି ଫ୍ୟାକ୍ଟର ୨.୫୭ ଗୁଣ ଅଟେ । ସେପଟେ ଅଷ୍ଟମ ପେ କମିଶନରେ ଏହାକୁ ୩.୬୮ ଗୁଣ ପର୍ଯ୍ୟନ୍ତ ରଖିବାକୁ ପରାମର୍ଶ ଦିଆଯାଇଛି । ଯଦି ସରକାର ଏଥିରେ ସହମତ ହୁଅନ୍ତି, ତେବେ କର୍ମଚାରୀଙ୍କ ସର୍ବନିମ୍ନ ଦରମା ୧୮ ହଜାରରୁ ୨୬ ହଜାର ଟଙ୍କାକୁ ବୃଦ୍ଧି ପାଇବ ।

କେବେ କେତେ ବଢ଼ିଥିଲା ଦରମା

ଚତୁର୍ଥ କମିଶନ

ବେତନ ବୃଦ୍ଧି: ୨୭.୬ ପ୍ରତିଶତ
ସର୍ବନିମ୍ନ ଦରମା: ୭୫୦ ଟଙ୍କା

ପଞ୍ଚମ କମିଶନ

ବେତନ ବୃଦ୍ଧି: ୩୧ ପ୍ରତିଶତ
ସର୍ବନିମ୍ନ ଦରମା: ୨,୫୫୦ ଟଙ୍କା

ଷଷ୍ଠ କମିଶନ

ଫିଟମେଣ୍ଟ ଫ୍ୟାକ୍ଟର: ୧.୮୬ ଗୁଣା
ବେତନ ବୃଦ୍ଧି: ୫୪ ପ୍ରତିଶତ
ସର୍ବନିମ୍ନ ଦରମା: ୭,୦୦୦ ଟଙ୍କା

ସପ୍ତମ କମିଶନ

ଫିଟମେଣ୍ଟ ଫ୍ୟାକ୍ଟର: ୨.୫୭ ଗୁଣା
ବେତନ ବୃଦ୍ଧି: ୧୪.୨୯ ପ୍ରତିଶତ
ସର୍ବନିମ୍ନ ଦରମା: ୧୮,୦୦୦ ଟଙ୍କା

ଅଷ୍ଟମ କମିଶନ

ଫିଟମେଣ୍ଟ ଫ୍ୟାକ୍ଟର: ୩.୮୬ ଗୁଣା
ବେତନ ବୃଦ୍ଧି: ୪୪.୪୪ ପ୍ରତିଶତ
ସର୍ବନିମ୍ନ ଦରମା: ୨୬,୦୦୦ ଟଙ୍କା