IAF Agniveer Recruitment 2023: ୩୫୦୦ ପଦବୀ ଖାଲି, ଏମିତି କରନ୍ତୁ ଆବେଦନ

Agniveer Recruitment 2023: ବାୟୁସେନାରେ ଯୋଗଦେବାକୁ ସ୍ୱପ୍ନ ଦେଖୁଥିବା ପ୍ରାର୍ଥୀମାନେ ୨୭ ଜୁଲାଇ ୨୦୨୩ ରୁ ଅନଲାଇନ୍ ମାଧ୍ୟମରେ ଆବେଦନ ପ୍ରକ୍ରିୟାରେ ଅଂଶଗ୍ରହଣ କରିପାରିବେ । ଆଗ୍ରହୀ ତଥା ଯୋଗ୍ୟ ପ୍ରାର୍ଥୀମାନେ ୧୭ ଅଗଷ୍ଟ ୨୦୨୩ ସୁଦ୍ଧା IAF ର ଅଫିସିଆଲ୍ ୱେବସାଇଟ୍ agnipathvayu.cdac.in ଭିଜିଟ୍ କରି ଆବେଦନ ଫର୍ମ ପୂରଣ କରିବାକୁ ସୂଚନା ଦିଆଯାଇଛି ।

Agniveer Recruitment 2023: ଭାରତୀୟ ବାୟୁସେନାରେ ସାମିଲ ହୋଇ ଦେଶ ସେବା କରିବାକୁ ଇଚ୍ଛା ରଖିଥିବା ଥିବା ପ୍ରାର୍ଥୀଙ୍କ ପାଇଁ ଏକ ସୁବର୍ଣ୍ଣ ସୁଯୋଗ (Golden opportunity) ଅଛି । ଅଗ୍ନିବୀର ବାୟୁ (୦୧/ ୨୦୨୪) ଅଧୀନରେ ଭାରତୀୟ ବାୟୁସେନା ଦ୍ୱାରା ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ କରାଯିବା ସହ ଆବେଦନ ତାରିଖ ମଧ୍ୟ ଘୋଷଣା କରାଯାଇଛି। ଏହି ନିଯୁକ୍ତିରେ ଯୋଗଦେବାକୁ ଚାହୁଁଥିବା ପ୍ରାର୍ଥୀମାନେ ଜାଣିରଖିବା ଉଚିତ ଯେ, ଏଥିପାଇଁ ଅନଲାଇନ୍ ଆବେଦନ ପ୍ରକ୍ରିୟା (Application Process) ପାଇଁ ଖୁବ୍ କମଦିନ ସମୟ ଅଛି । ଆସନ୍ତା ୨୭ ଜୁଲାଇ ୨୦୨୩ ରୁ ଏହାର ଆବେଦନ ପ୍ରକ୍ରିୟା ଆରମ୍ଭ (start) ହେବାକୁ ଯାଉଛି । ଯୋଗ୍ୟ ତଥା ଆଗ୍ରହୀ ପ୍ରାର୍ଥୀମାନେ ୧୭ ଅଗଷ୍ଟ ୨୦୨୩ ସୁଦ୍ଧା agnipathvayu.cdac.in ରେ ଭାରତୀୟ ବାୟୁସେନାର ଅଫିସିଆଲ୍ ୱେବସାଇଟ୍ (Official Website) ପରିଦର୍ଶନ କରି ତଥ୍ୟ ପଢିବା ସହ ଆବେଦନ ଫର୍ମ ପୂରଣ କରିପାରିବେ ।

Agniveer Recruitment 2023: ଭାରତୀୟ ବାୟୁସେନା ନିଯୁକ୍ତି ଗ୍ରହଣ ୦୧, ୨୦୨୪ ରେ ଅଂଶଗ୍ରହଣ କରିବା ପାଇଁ ପ୍ରାର୍ଥୀଙ୍କୁ ଆବେଦନ ଫର୍ମ ପୂରଣ (Form filling) କରିବାକୁ ପଡିବ । ଆବେଦନ ଫର୍ମ ପୂରଣ କରିବାର ଗୁରୁତ୍ୱପୂର୍ଣ୍ଣ ପଏଣ୍ଟ ଗୁଡିକ ଆମେ ଆପଣଙ୍କୁ କହିରଖୁଛୁ । ଏହାକୁ ଅନୁସରଣ କରି ଆପଣ ସହଜରେ ଆବେଦନ ପ୍ରକ୍ରିୟା ସଂପୂର୍ଣ୍ଣ କରିପାରିବେ ।

ଯେଉଁ ପ୍ରାର୍ଥୀମାନେ ଆବେଦନ କରିବାକୁ ଇଚ୍ଛୁକ ସେମାନଙ୍କୁ ପ୍ରଥମେ ଅଫିସିଆଲ୍ ୱେବସାଇଟ୍ agnipathvayu.cdac.in କୁ ଯିବାକୁ ପଡିବ । ୱେବସାଇଟର ହୋମ ପେଜ (Home page)ରେ ନିଯୁକ୍ତି ସମ୍ବନ୍ଧୀୟ ଲିଙ୍କରେ କ୍ଲିକ୍ କରନ୍ତୁ । ଏହା ପରେ, ପ୍ରାର୍ଥୀ ଅନୁରୋଧ କରାଯାଇଥିବା ସୂଚନା ପ୍ରଦାନ (Registration) କରି ପଞ୍ଜିକରଣ କରିବା ଉଚିତ୍ । ପଞ୍ଜୀକରଣ ପରେ, ପ୍ରାର୍ଥୀ ଲଗଇନ୍ ପ୍ରମାଣପତ୍ର ପ୍ରବେଶ କରି ସମ୍ପୂର୍ଣ୍ଣ ବିବରଣୀ ଅପଲୋଡ୍ (Upload) କରନ୍ତୁ । ନିର୍ଦ୍ଧାରିତ ଆବେଦନ ଶୁଳ୍କ (Application Fee) ପ୍ରଦାନ କରନ୍ତୁ ଏବଂ ଫର୍ମ ଦାଖଲ କରନ୍ତୁ ।
ଶେଷରେ, ସଂପୂର୍ଣ୍ଣ ଫିଲଅପ ହୋଇଥିବା ଆବେଦନ ଫର୍ମର ପ୍ରିଣ୍ଟ ଆଉଟ୍ (print out) ବାହାର କରନ୍ତୁ ଏବଂ ଏହାକୁ ନିଜ ପାଖରେ ସୁରକ୍ଷିତ ଭାବରେ ରଖନ୍ତୁ ।

ଆବେଦନ ଶୁଳ୍କ 

ଭାରତୀୟ ବାୟୁସେନା ନିଯୁକ୍ତି ୨୦୨୩ରେ ଆବେଦନ ପାଇଁ ସମସ୍ତ ବର୍ଗର ପ୍ରାର୍ଥୀଙ୍କୁ ୨୫୦ ଟଙ୍କା ଦେୟ (payment) ଦେବାକୁ ପଡିବ । ଅନଲାଇନ୍ ମୋଡ୍ ଡେବିଟ୍ କାର୍ଡ (debit card), କ୍ରେଡିଟ୍ କାର୍ଡ (Icredit card), ନେଟ୍ ବ୍ୟାଙ୍କିଙ୍ଗ୍ (net banking) ମାଧ୍ୟମରେ ପ୍ରାର୍ଥୀମାନେ ଆବେଦନ ଶୁଳ୍କ ଜମା କରାଯାଇପାରିବେ ।

ଭାରତୀୟ ବାୟୁସେନା ନିଯୁକ୍ତି ୨୦୨୩: ପ୍ରାର୍ଥୀମାନଙ୍କର ଯୋଗ୍ୟତା କ’ଣ ହେବା ଆବଶ୍ୟକ?

ଭାରତୀୟ ବାୟୁସେନା ଅଗ୍ନିବୀର ନିଯୁକ୍ତିରେ ଅଂଶ ଗ୍ରହଣ କରିବାକୁ ଆଗ୍ରହୀ ଥିବା ପ୍ରାର୍ଥୀମାନେ ନିଶ୍ଚିତ ଭାବରେ ବିଜ୍ଞାନ, ଗଣିତ ଏବଂ ଇଂରାଜୀ ବିଷୟ ସହିତ ଏକ ସ୍ୱୀକୃତିପ୍ରାପ୍ତ ବୋର୍ଡ / ଅନୁଷ୍ଠାନରୁ ଦ୍ୱାଦଶ ଶ୍ରେଣୀ ପାସ (12th pass) କରିଥିବା ଆବଶ୍ୟକ । ଏଥିସହ ପ୍ରାର୍ଥୀମାନେ ନିଶ୍ଚିତ ଭାବରେ ୨୭ ଜୁନ୍ ୨୦୦୩ ପୂର୍ବରୁ ଏବଂ ୨୭ ଡିସେମ୍ବର ୨୦୦୬ ଠାରୁ ବିଳମ୍ବରେ ଜନ୍ମ ହୋଇନଥିବେ । ନିୟମ ଅନୁଯାୟୀ ସଂରକ୍ଷିତ ବର୍ଗର ପ୍ରାର୍ଥୀଙ୍କୁ ବୟସ ସୀମାରେ କୋହଳ ପ୍ରଦାନ କରାଯିବ ।

ସୂଚନାଯୋଗ୍ୟ, ଆଜିକାଲି ଅନେକ ଫେକ୍ ୱେବସାଇଟରେ ନିଯୁକ୍ତି ସମ୍ପର୍କିତ ତଥ୍ୟ ଉପଲବ୍ଧ ହେଉଛି । ଅନେକ ପ୍ରାର୍ଥୀ ଉକ୍ତ ୱେବସାଇଟ ତଥା ସୋସିଆଲ ମିଡିଆ ପ୍ଲାଟଫର୍ମ ଦ୍ୱାରା ଠକାମୀର ଶିକାର ହେଉଥିବା ଦୃଷ୍ଟିଗୋଚର ହେଉଛି । ତେଣୁ ଆପଣ କୌଣସି ସ୍ଥାନରେ ଟଙ୍କା ପୈଠ କରିବା ପୂର୍ବରୁ ସଠିକ ଭାବରେ ଯାଞ୍ଚ କରନ୍ତୁ ।