Coromondel Express Accident: କରମଣ୍ଡଳ ଏକ୍ସପ୍ରେସରେ ଟ୍ରେନ ଦୁର୍ଘଟଣାଗ୍ରସ୍ତରେ ୫୦ରୁ ଅଧିକ ଯାତ୍ରୀଙ୍କ ମୃତ୍ୟୁ; ୩୫୦ରୁ ଅଧିକ ଆହତ

Odisha Train Accident: ଓଡ଼ିଶାର ବାଲେଶ୍ଵର ଜିଲ୍ଲା ବାହାନଗା ରେଳ ଷ୍ଟେସନରେ ଠିଆ ହୋଇଥିବା ଏକ ମାଲବାହୀ ଟ୍ରେନକୁ କରମଣ୍ଡଳ ଏକ୍ସପ୍ରେସ ଧକ୍କା ଦେଇଥିଲା । ଏହି ର୍ଘଟଣାଗ୍ରସ୍ତରେ ୫୦ରୁ ଅଧିକ ଯାତ୍ରୀଙ୍କ ମୃତ୍ୟୁ ହେବ ସହ ୩୫୦ ଅଧିକ ଯାତ୍ରୀ ଆହତ ହୋଇଛନ୍ତି ।

Odisha Train Accident: ବାଲେଶ୍ୱର ଜିଲ୍ଲାର ବାହାନାଗା ରେଳ ଷ୍ଟେସନ ନିକଟରେ କରମଣ୍ଡଳ ଏକ୍ସପ୍ରେସ ଟ୍ରେନ ଦୁର୍ଘଟଣାଗ୍ରସ୍ତ ହୋଇଛି । ଏହି ଦୁର୍ଘଟଣାରେ ୫୦ ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବାବେଳେ ୩୫୦୦ ରୁ ଅଧିକ ଯାତ୍ରୀ ଆହତ ହୋଇଥିବା ଖବର ରହିଛି । ଓଡି଼ଶାର ମୁଖ୍ୟ ସଚିବ ଶ୍ରୀ ପ୍ରଦୀପ କୁମାର ଜେନା କହିଛନ୍ତି ଯେ ୧୩୨ ଆହତ ଯାତ୍ରୀଙ୍କୁ ସୋରୋ ଓ ଗୋପାଳପୁର CHC କୁ ସ୍ଥାନାନ୍ତର କରାଯାଇଛି । ଗୁରୁତର ଆହତ ଯାତ୍ରୀଙ୍କୁ ବାଲେଶ୍ୱର ଓ କଟକ ହସ୍ପିଟାଲ ଚିକିତ୍ସା ପାଇଁ ପଠାଯାଇଛି । ସେ ଆହୁରି ମଧ୍ୟ କହିଛନ୍ତି ଯେ ଆହତଙ୍କ ସଂଖ୍ୟା ଅଧିକ ଥିବାରୁ ଆମ୍ବୁଲାନ୍ସ ସହିତ ବସ୍ ମଧ୍ୟ ଡକାଯାଇଛି । ଆଜି ସନ୍ଧ୍ୟା ପ୍ରାୟ ୭.୧୫ ମିନିଟ୍‌ରେ ଏହି ମର୍ମନ୍ତୁଦ ଦୁର୍ଘଟଣା ବାଲେଶ୍ୱର ଜିଲ୍ଲା ବାହାନଗା ରେଳ ଷ୍ଟେସନ୍‌ ନିକଟରେ ଘଟିଛି । 

ଉଦ୍ଧାର କାର୍ଯ୍ୟ ପାଇଁ ଦଳ ଘଟଣାସ୍ଥଳରେ ପହଞ୍ଚିଛନ୍ତି । SDRF ଦଳ ମଧ୍ୟ ଘଟଣାସ୍ଥଳରେ ଉପସ୍ଥିତ ଅଛନ୍ତି । ଅଧିକାରୀଙ୍କ କହିବାନୁସାରେ, କରମଣ୍ଡଳ ଏକ୍ସପ୍ରେସର ଚାରିଟି କୋଚ୍ ଓଲଟି ପଡିଥିଲା । ସେ କହିଛନ୍ତି ଯେ ରାତି ପ୍ରାୟ ୭.୨୦ ସମୟରେ ବାହାନାଗା ବଜାର ଷ୍ଟେସନ ନିକଟରେ ଏହି ଦୁର୍ଘଟଣା ଘଟିଛି । ଏହାସହ ୫୦ଟି ଆମ୍ବୁଲାନ୍ସ ମୁତୟନ ରଖାଯାଇଛି । ଦୁର୍ଘଟଣାସ୍ଥଳରେ ଆସ୍କା ଲାଇଟ୍ ଲଗାଯାଇଛି । ସ୍ବତନ୍ତ୍ର ରିଲିଫ କମିଶନର ଓ ଅନ୍ୟାନ୍ୟ ବରିଷ୍ଠ ଅଧିକାରୀ ଘଟଣାସ୍ଥଳକୁ ଯାତ୍ରା କରିଛନ୍ତି । ବାଲେଶ୍ବର ଓ କଟକ ମେଡିକାଲ କଲେଜରେ ଚିକିତ୍ସା ପାଇଁ ବ୍ୟବସ୍ତା କରାଯଇଛି ।

#WATCH | Balasore, Odisha: A passenger who was in one of the derailed trains tells about the moment when the horrific train accident took place leaving hundreds injured so far. pic.twitter.com/z9MWc0T5mA

— ANI (@ANI) June 2, 2023

ଟ୍ରେନ ଦୁର୍ଘଟଣାରେ ମୃତାହତଙ୍କ ପ୍ରତି ସହାୟତା ରାଶି ଘୋଷଣା କରାଯାଇଛି। ମୃତକଙ୍କ ପରିବାରକୁ ୧୦ ଲକ୍ଷ ଟଙ୍କାର ସହାୟତା ଦେବାକୁ ଘୋଷଣା ହୋଇଛି ଓ ଗୁରୁତର ଆହତଙ୍କୁ ୨ ଲକ୍ଷ ଓ ସାମାନ୍ୟ ଆହତଙ୍କୁ ୫୦ ହଜାର ଦେବାକୁ ଘୋଷଣା କରାଯାଇଛି ।

Ex-gratia compensation to the victims of this unfortunate train accident in Odisha;
₹10 Lakh in case of death,
₹2 Lakh towards grievous and ₹50,000 for minor injuries.

— Ashwini Vaishnaw (@AshwiniVaishnaw) June 2, 2023

ତିନିଟି ଜିଲ୍ଲାରେ ହସ୍ପିଟାଲଗୁଡ଼ିକୁ ଚିକିତ୍ସା ଲାଗି ବ୍ୟବସ୍ଥା କରିବାକୁ ନିର୍ଦ୍ଦେଶ ମଧ୍ୟ ଦିଆଯାଇଛି । ଆହତଙ୍କୁ ସୋର, ଗୋପାଳପୁର ଓ ଖନ୍ତାପଡ଼ା ହସ୍ପିଟାଲରେ ଭର୍ତ୍ତି କରାଯଇଛି । ଦୁର୍ଘଟଣାସ୍ଥଳରେ ୨୦ ଜଣ ଇଣ୍ଟର୍ଣ୍ଣ, ୨୪ ଜଣ ଡାକ୍ତରଙ୍କୁ ପଠାଯାଇଛି ।

ଟ୍ୱିଟ ମାଧ୍ୟମରେ ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ 

ବାଲେଶ୍ୱର ବାହାନଗାରେ କରମଣ୍ଡଳ ଏକ୍ସପ୍ରେସ ଦୁର୍ଘଟଣା ବିଷୟରେ ଜାଣି ମୁଁ ଚିନ୍ତିତ। ଏହା ବାସ୍ତବରେ ଅତ୍ୟନ୍ତ ମର୍ମନ୍ତୁଦ ଦୁର୍ଘଟଣା। ଘଟଣାସ୍ଥଳକୁ ରାଜସ୍ୱ ମନ୍ତ୍ରୀ ଓ ଏସଆରସି ଗସ୍ତ କରି ସମସ୍ତ କାର୍ଯ୍ୟର ତଦାରଖ କରିବାକୁ ନିର୍ଦ୍ଦେଶ ଦେଇଛି। ସମସ୍ତଙ୍କୁ ଉତ୍ତମ ଚିକିତ୍ସା ସୁନିଶ୍ଚିତ କରାଯିବା ସହ ଆହତଙ୍କ ଆଶୁଆରୋଗ୍ୟ କାମନା କରୁଛି।

— Naveen Patnaik (@Naveen_Odisha) June 2, 2023

ରେଳବାଇ ଜାରି କରିଛି ଜରୁରୀକାଳୀନ ନମ୍ବର
ଅଟକି ରହିଥିବା ଯାତ୍ରୀଙ୍କ ସମ୍ପର୍କୀୟଙ୍କୁ ଅଧିକ ସହାୟତା ପାଇଁ ଭାରତୀୟ ରେଳବାଇ ଏକ ନମ୍ବର ଜାରି କରିଛି । ଯଦି କୌଣସି ଯାତ୍ରୀ କିମ୍ବା ତାଙ୍କ ପରିବାର ସଦସ୍ୟଙ୍କ ବିଷୟରେ ସୂଚନା ଆବଶ୍ୟକ କରେ, ତେବେ ସେ +91 6782 262 286, 8972073925, 9332392339, 8249591559, 7978418322 ଏବଂ 9903370746 ରେ ଯୋଗାଯୋଗ କରିପାରିବେ ।

କହିରଖୁଛୁ ଯେ ୧୨୮୪୧ ଶାଲିମର - ମାଡ୍ରାସ କରମଣ୍ଡଳ ଏକ୍ସପ୍ରେସ ରାତି ୩.୨୦ ରେ ଶାଲିମାର ଛାଡି ସମୁଦାୟ ୧୬୫୬ କିଲୋମିଟର ଦୂରତା ଅତିକ୍ରମ କରେ । ପରଦିନ ଅପରାହ୍ନ ୪.୫୦ ରେ ରାମଚନ୍ଦ୍ରନ କେନ୍ଦ୍ରୀୟ ରେଳ ଷ୍ଟେସନ (ଚେନ୍ନାଇ) ରେ ପହଞ୍ଚିଥାଏ । ଟ୍ରେନ୍ ବାଲେଶ୍ୱର ନିକଟରେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲା ।