Patanjali Ads Case: 'ରାମଦେବ ସର୍ବସାଧାରଣରେ କ୍ଷମା ମାଗିବା ଉଚିତ'- ସୁପ୍ରିମକୋର୍ଟ

Patanjali Ads Case: ବିଭ୍ରାନ୍ତିକର ବିଜ୍ଞାପନ ମାମଲାରେ ଯୋଗ ଗୁରୁ ରାମଦେବଙ୍କ ସମେତ ତାଙ୍କ ସହଯୋଗୀ ବାଳକ୍ରିଷ୍ଣାଙ୍କୁ ମଙ୍ଗଳବାର ସୁପ୍ରିମକୋର୍ଟରୁ ଏକ ଝଟକା ଲାଗିଛି । ଆଜି ଶୁଣାଣି ସମୟରେ ରାମଦେବ ଏବଂ ବାଳକ୍ରିଷ୍ଣା ଉଭୟେ ଉପସ୍ଥିତ ଥିଲେ ଏବଂ ସେମାନେ ବ୍ୟକ୍ତିଗତ ଭାବେ ସର୍ବୋଚ୍ଚ ନ୍ୟାୟାଳୟରେ ଏକ ସର୍ତ୍ତମୂଳକ କ୍ଷମା ପ୍ରାର୍ଥନା କରିଥିଲେ।

ଜଷ୍ଟିସ୍ ହିମା କୋହଲି ଏବଂ ଜଷ୍ଟିସ୍ ଅହସାନୁଦ୍ଦିନ ଅମାନୁଲ୍ଲାଙ୍କ ଏକ ବେଞ୍ଚ ତାଙ୍କ କ୍ଷମା ପ୍ରାର୍ଥନାକୁ ଗ୍ରହଣ କରିଛି । କିନ୍ତୁ ଏହା ସ୍ପଷ୍ଟ କରାଯାଇଛି ଯେ, ଏହି ପର୍ଯ୍ୟାୟରେ ଆମେ କୌଣସି ରିହାତି ପ୍ରଦାନ କରିବାକୁ ନିଷ୍ପତ୍ତି ନେଇ ନାହୁଁ । ବାଳକ୍ରିଷ୍ଣାଙ୍କ ସହ କଥାବାର୍ତ୍ତା କରିବା ପରେ ବେଞ୍ଚ ମତ ଦେଇଛି ଯେ, ଆପଣ ଭଲ କାମ କରୁଛନ୍ତି କିନ୍ତୁ ଆପଣ ଏଲୋପାଥିକୁ ଖରାପ ବୋଲି କହିପାରିବେ ନାହିଁ । ବେଞ୍ଚ ସହ କଥା ହୋଇ ରାମଦେବ କହିଛନ୍ତି ଯେ, କୌଣସି ପ୍ରକାରେ କୋର୍ଟକୁ ଅସମ୍ମାନ କରିବାର ତାଙ୍କର ବ୍ୟକ୍ତିଗତ ଉଦ୍ଦେଶ୍ୟ ନାହିଁ।

ପତଞ୍ଜଳିଙ୍କ ବିଭ୍ରାନ୍ତିକର ବିଜ୍ଞାପନ ମାମଲାର ପରବର୍ତ୍ତି ଶୁଣାଣି ଏପ୍ରିଲ ୨୩ ରେ ହୋବ । ସେଦିନ କୋର୍ଟ ବାବା ରାମଦେବ ଏବଂ ପତଞ୍ଜଳି ଏମଡି ଆଚାର୍ଯ୍ୟ ବାଳକ୍ରିଷ୍ଣାଙ୍କୁ କୋର୍ଟରେ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି। ଏହାପୂର୍ବରୁ ମଙ୍ଗଳବାର ଦିନ ସୁପ୍ରିମକୋର୍ଟରେ ଏହି ମାମଲାର ଶୁଣାଣି ହୋଇଥିଲା। ଶୁଣାଣି ସମୟରେ ମୁକୁଲ ରୋହତଗୀ କୋର୍ଟଙ୍କୁ କହିଥିଲେ ଯେ, ରାମଦେବ ଏହି ମାମଲାରେ ସର୍ବସାଧାରଣରେ କ୍ଷମା ମାଗିବାକୁ ଚାହୁଁଛନ୍ତି। ଏହା ଉପରେ ଜଷ୍ଟିସ ହିମା କୋହଲି କହିଛନ୍ତି ଯେ, ରାମଦେବ ଏବଂ ବାଲକ୍ରିଷ୍ଣାଙ୍କର ମତ ସେମାନେ କୋର୍ଟରେ ରଖିପାରିବେ ।

ବାବା ରାମଦେବ ଏବଂ ଆଚାର୍ଯ୍ୟ ବାଳକ୍ରିଷ୍ଣା ଏହାର ଉତ୍ପାଦଗୁଡିକର ଔଷଧୀୟ ଫଳପ୍ରଦତା ବିଷୟରେ କମ୍ପାନୀ ଦାବି କରୁଥିବା ବିଜ୍ଞାପନ ଉପରେ ସର୍ବୋଚ୍ଚ ନ୍ୟାୟାଳୟକୁ ସର୍ତ୍ତମୂଳକ କ୍ଷମା ମାଗିଛନ୍ତି, କିନ୍ତୁ କୋର୍ଟ ସେମାନଙ୍କୁ ଏପର୍ଯ୍ୟନ୍ତ କୌଣସି ଆଶ୍ୟସ୍ତି ଦେଇନାହାଁନ୍ତି।

ପତଞ୍ଜଳି ଆୟୁର୍ବେଦକୁ ପ୍ରତିନିଧିତ୍ୱ କରୁଥିବା ଓକିଲ ଆଶ୍ୱାସନା ଦେଇ କହିଛନ୍ତି ଯେ “ବର୍ତ୍ତମାନଠାରୁ କୌଣସି ଆଇନର ଉଲ୍ଲଂଘନ ହେବ ନାହିଁ, ବିଶେଷକରି ଏହା ଦ୍ୱାରା ଉତ୍ପାଦିତ ଏବଂ ବିକ୍ରୟ କରାଯାଉଥିବା ଉତ୍ପାଦଗୁଡ଼ିକ ସଂପର୍କରେ । ଔଷଧୀୟ ଫଳପ୍ରଦତା କିମ୍ବା ଔଷଧର କୌଣସି ପ୍ରଣାଳୀ ବିରୁଦ୍ଧରେ ଆନୁସଙ୍ଗିକ ବିବୃତ୍ତି ଗଣମାଧ୍ୟମରେ କୌଣସି ବିଜ୍ଞାପନ ପ୍ରକାଶ ପାଇବ ନାହିଁ ।