ହାତ ଯୋଡ଼ି ଗୋଡ଼ ତଳେ ପଡିଲେ ବାପା... ତଥାପି ତରଳିଲାନି ପୁଅର ହୃଦୟ

Father Touching His Son Feet: ରବିବାର ଦିନ ପିତାଙ୍କ ଦିବସ ଅବସରରେ ସୋସିଆଲ ମିଡିଆ (social media)ରେ ହୃଦୟସ୍ପର୍ଶୀ ବାର୍ତ୍ତା ଓ ଚିତ୍ର ଭରି ରହିଥିଲା। ସାରା ବିଶ୍ବରେ ଲୋକମାନେ ପିତାଙ୍କ ସହ ଫଟୋ ଓ ପିତାଙ୍କ ଦିବସ ପାଳନ କରିବାକୁ ସେମାନଙ୍କ ସମ୍ମାନରେ ଏକ ବାର୍ତ୍ତା ସେୟାର କରିଥଲେ । ଆଉ ମାତୃ ଦିବସରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳେ । ତେବେ ଭାରତରେ ବୃଦ୍ଧାବୃଦ୍ଧଙ୍କ ସଂଖ୍ୟା ବୃଦ୍ଧି ଏକ ଭିନ୍ନ ଚିତ୍ର କହୁଛି। ଅନେକ ବୃଦ୍ଧ ପିତାମାତା ସେମାନଙ୍କ ଭବିଷ୍ୟତ (future)କୁ ନେଇ ଭୟ କରନ୍ତି । କିଛି ପିତାମାତା, ଯେଉଁମାନେ ସେମାନଙ୍କ ପିଲାମାନଙ୍କଠାରୁ ଆଶା ରଖନ୍ତି କି ବୃଦ୍ଧ ବୟସରେ ସେମାନଙ୍କ ସହିତ ରହିବେ, କିନ୍ତୁ ଶେଷରେ ସେମାନେ ନିରାଶ ଅନୁଭବ କରନ୍ତି । ଏହିପରି ଏକ ଭିଡିଓ ଲୋକଙ୍କୁ ଚିନ୍ତାରେ ପକାଇଛି।

ପୁଅ ବୋହୂଙ୍କୁ ହାତ ଯୋଡ଼ିଲେ ଗୋଡ଼ତଳେ ପଡ଼ିଲେ ଗରିବ ପିତାମାତା 

କେତେକ ନିଷ୍ଠୁର ବ୍ୟକ୍ତି ସେମାନେ, ଯେଉଁମାନେ ନିଜ ପିତାମାତାଙ୍କୁ ଘରୁ ବାହାର କରିଦେଉଛନ୍ତି, ନଚେତ ବୃଦ୍ଧାବସ୍ଥା (Old age)ରେ ପରିତ୍ୟକ୍ତ ଭାବେ ଛାଡ଼ି ଦେଈ ଚାଲିଯାଆନ୍ତି । ବୃଦ୍ଧ ପିତାମାତାଙ୍କୁ ଛାଡି ଅନ୍ୟତ୍ର ଘର ନେଇ ରୁହନ୍ତି । ଏଠାରେ ଏମିତି ଏକ ଭିଡିଓ ଆପଣଙ୍କୁ ଦେଖାଇବୁ, ଯେଉଁଥିରେ ବୃଦ୍ଧ ପିତାମାତା ପୁଅ ବୋହୂଙ୍କ ପାଦତଳେ ପଡ଼ିଥିବାର ନଜର ଆସୁଛନ୍ତି ଓ ସେମାନଙ୍କୁ ଘର ଛାଡ଼ି ନଯିବାକୁ ଅନୁରୋଧ କରୁଛନ୍ତି । ହାତ ଧରି ଅନୁରୋଧ କରୁଛନ୍ତି, ଗୋଡ଼ ତଳେ ବି ପଡିଯାଇଛନ୍ତି। 

https://www.instagram.com/p/CtegZu-NF0B/?utm_source=ig_embed&utm_campaig...

ଭିଡିଓରେ ଏହା ଦେଖିବାକୁ ମିଳିଛି ଯେ, ଜଣେ ବୃଦ୍ଧ ଯୁବକଙ୍କ ପାଦତଳେ ପଡ଼ିଯାଉଥିବାବେଳେ ଜଣେ ବୃଦ୍ଧ ମହିଳାଙ୍କୁ ହାତ ଧରି ଠିଆ ହୋଇଥିବା ଦେଖିବାକୁ ମିଳିଛି। ବୃଦ୍ଧ ଜଣକ ଯୁବକଙ୍କ ଗୋଡ଼ ତଳେ ପଡ଼ିଗଲେ ଓ ପାଦ ଧରି ନେହୁରା ହେଉଛନ୍ତି ଏହି ବୃଦ୍ଧା ବୟସରେ ଆମକୁ ଛାଡ଼ିକି ଯାଆନି, କିନ୍ତୁ ବୋହୁ ତାଙ୍କୁ ସେଠାରେ ଘଉଡାଇ ଦେଉଥିବା ଦେଖାଯାଇଛି  । 

ସୋସିଆଲ ମିଡିଆରେ ଭିଡିଓଟି ଭାଇରାଲ ହେଉଛି ।

ବୟସ୍କ ଜଣଙ୍କ ପୁଅ ବୋହୂ ଚାଲିଯିବା ପରେ ମଧ୍ୟ ତାଙ୍କ ପଛେ ପଛେ ଧାଉଁଛନ୍ତି , ଆଣ୍ଠୁ ଭାଙ୍ଗି ଦୁଃଖରେ ତଳେ ପଡିଯାଉଛନ୍ତି। ସେ ତାଙ୍କ ହାତରେ ଯୋଗ କରି ଭୂମିରେ ଆଣ୍ଠୁଏ । ବୃଦ୍ଧ ମହିଳା ମଧ୍ୟ ଅସହାୟ ଭାବରେ ଉପସ୍ଥିତ ଲୋକଙ୍କୁ ନିବେଦନ କରୁଥିବା ଦେଖିବାକୁ ମିଳିଛି । ବୃଦ୍ଧା ଜଣଙ୍କ ସ୍ଥାନୀୟ ଲୋକଙ୍କୁ ସାହାର୍ଯ୍ୟ ମାଗୁଛନ୍ତି ସେମାନଙ୍କୁ ରୋକିବା ପାଇଁ । ଏଥିରୁ ଜଣାପଡିଛି ଯେ ବୃଦ୍ଧ ଓ ସ୍ତ୍ରୀ ନିଜ ପୁଅ ଓ ବୋହୂକୁ ଘର ଛାଡ଼ି ନ ଯିବା ପାଇଁ ନିବେଦନ କରୁଥିଲେ । ଜଣେ ବ୍ୟକ୍ତି ଏହି ପୁରା ଘଟଣାକୁ କ୍ୟାମେରାରେ କଏଦ କରିଥିଲେ । ଯଦିଓ ଭିଡିଓର ସତ୍ୟତା ଏବଂ କେଉଁଠାରୁ ଆସିଛି ନିଶ୍ଚିତ ହୋଇପାରି ନାହିଁ, କିନ୍ତୁ ଭିଡିଓଟି ସୋସିଆଲ ମିଡିଆରେ ପ୍ରବଳ ଭାଇରାଲ ହୋଇଛି। ଇନଷ୍ଟାଗ୍ରାମରେ yashofficialy20 ଦ୍ୱାରା ସେୟାର ହୋଇଥିବା ଏହି ଭିଡିଓ ଅନେକ ୟୁଜର୍ସ ଙ୍କୁଭାବପ୍ରବଣ କରକରିଥିଲା।

ଫାଦର୍ସ ଡେ ଓ ମଦର୍ସ ଡେରେ ପିତା ମାତାଙ୍କ ଫଟୋ ସେୟାର କରି ଅନେକ ଲୋକ ସୋସିଆଲ ମିଡ଼ିଆରେ ନିଜ ପିତା ମାତାଙ୍କ ପ୍ରତି ଭଲ ପାଇବା ବ୍ୟକ୍ତ କରନ୍ତି। କିନ୍ତୁ ଆମ ସମାଜରେ ଏବେ ବି ବୃଦ୍ଧାଶ୍ରମର କମି ନାହିଁ। ଦିନକୁ ଦିନ ବୃଦ୍ଧଶ୍ରମ ସଂଖ୍ୟା ଯେତେ ବଢ଼ୁଛ, ବୃଦ୍ଧ ବୃଦ୍ଧାଙ୍କ ଉପରେ ଅତ୍ୟାଚାର ସେତେ ବଢୁଛି। ପିଲାବେଳେ ବାପା ମା' ପିଲାର ସବୁ ଅଳି ଅଝଟି ସହି ବଡ଼ କରିଥାନ୍ତି। ମୁଣ୍ଡ ଝାଳ ତୁଣ୍ଡରେ ମାରି, ନିଜ ପେଟ କାଟି ଛୁଆ ମୁହଁରେ ଖାଦ୍ୟ ଦିଅନ୍ତି । ପୁଅ ବଡ଼ ଚାକିରୀ (job) କରିବା ପାଇଁ ଜମିବାଡ଼ି ବିକ୍ରି କରି ସର୍ବସ୍ବାନ୍ତ ହୋଇଯାଆନ୍ତି। କିନ୍ତୁ ସେହି ପୁଅ ବାହାହେବା ପରେ ବୃଦ୍ଧା ବସ୍ଥାରେ ବାପ ମାଙ୍କୁ ଅଲଗା କରି ଚାଲିଯାଆନ୍ତି । ଆଉ କେହି କେହି ସେବା ଶୁଶ୍ରୁଷା କରିପାରିବେନି ବୋଲି ନିଜେ ବୃଦ୍ଧା ଶ୍ରମରେ ଛାଡି ଦେଉଥିବାର ମଧ୍ୟ ନଜିର ରହିଛି । ଆଉ କେଉଁଠି ତ ନିଜ ପିତା ମାତାଙ୍କ ଉପରେ ଅତ୍ୟାଚାର କରିବାକୁ ମଧ୍ୟ ପଛାଉ ନାହାନ୍ତି।  ଦିନକୁ ଦିନ ଏହି ସବୁ ପରିସ୍ଥିତି ଯେମିତି ବଢ଼ିବାରେ ଲାଗିଛି। ତେବେ ଏହାକୁ କେମିତି ରୋକା ଯାଇପାରିବ ସେନେଇ ସଚେତନ ଜରୁରୀ ହୋଇପଡିଛି।