Accident News: ମଦ ପିଇ ନାବାଳକଙ୍କ କାର୍ ଦୁର୍ଘଟଣାରେ ୨ଜଣଙ୍କର ମୃତ୍ୟୁ! ଅଜବ ଶାସ୍ତି ଦେଇ ଜାମିନ୍ ଦେଲେ କୋର୍ଟ

Accident News: ଦୁର୍ଘଟଣା ପରେ ବେଦାନ୍ତ ଘଟଣାସ୍ଥଳରୁ ପଳାଇବାକୁ ଚେଷ୍ଟା କରୁଥିଲା ବେଳେ ଉପସ୍ଥିତ ଲୋକମାନେ ତାଙ୍କୁ ଧରି ପିଟିଥିଲେ। ପୋଲିସ ଅଭିଯୁକ୍ତକୁ ଗିରଫ କରିଥିଲା ​​ମାତ୍ର କିଛି ଘଣ୍ଟା ମଧ୍ୟରେ କୋର୍ଟର ଅଜବ ସର୍ତ୍ତ ସହିତ ତାଙ୍କୁ ଜାମିନ ମିଳିଯାଇଛି। ଗୋଟିଏ ପଟେ ଅଭିଯୁକ୍ତଙ୍କ ମଦ ପିଇଥିବାର କୌଣସି ପ୍ରମାଣ ମିଳିନଥିବା କହିଛି ପୋଲିସ। ମାତ୍ର କିଛି ଲୋକ ଦାବି କରୁଛନ୍ତି ଯେ ଡାକ୍ତରୀ ରିପୋର୍ଟରେ ଅଭିଯୁକ୍ତଙ୍କ ମଦ୍ୟପାନ ରିପୋର୍ଟ ସହିତ ହେରାଫେରି କରାଯାଇଛି।

Pune Accident Accused Viral Video: ପୁଣେରେ ଏକ ମର୍ମନ୍ତୁଦ ଦୁର୍ଘଟଣା ସମସ୍ତଙ୍କୁ ଚକିତ କରିଛି। ଜଣେ ନାବାଳକଙ୍କ କାର୍ ଧକ୍କାରେ ୨ ଜଣ ପ୍ରାଣ ହରାଇଛନ୍ତି। ଦୁର୍ଘଟଣା କରିଥିବା ନାବାଳକ ଜଣଙ୍କ ମାତ୍ର ୧୭ ବର୍ଷର ହୋଇଥିବା ବେଳେ ନିଶା ସେବନ କରି ସେ ଗାଡ଼ି ଚଳାଉଥିବାରୁ ଏହି ଦୁର୍ଘଟଣା ଘଟିଥିବା କୁହାଯାଉଛି। ଦୁର୍ଘଟଣା ଘଟାଇଥିବା ନାବାଳକଙ୍କ ନାଁ ବେଦାନ୍ତ ଅଗ୍ରୱାଲ ଏବଂ ସେ ପୁଣେର ଜଣେ ଜଣାଶୁଣା ବିଲଡରଙ୍କ ପୁଅ।

ତେବେ ଦୁର୍ଘଟଣା ପରେ ବେଦାନ୍ତ ଘଟଣାସ୍ଥଳରୁ ପଳାଇବାକୁ ଚେଷ୍ଟା କରୁଥିଲା ବେଳେ ଉପସ୍ଥିତ ଲୋକମାନେ ତାଙ୍କୁ ଧରି ପିଟିଥିଲେ। ପୋଲିସ ଅଭିଯୁକ୍ତକୁ ଗିରଫ କରିଥିଲା ​​ମାତ୍ର କିଛି ଘଣ୍ଟା ମଧ୍ୟରେ କୋର୍ଟର ଅଜବ ସର୍ତ୍ତ ସହିତ ତାଙ୍କୁ ଜାମିନ ମିଳିଯାଇଛି। ଗୋଟିଏ ପଟେ ଅଭିଯୁକ୍ତଙ୍କ ମଦ ପିଇଥିବାର କୌଣସି ପ୍ରମାଣ ମିଳିନଥିବା କହିଛି ପୋଲିସ। ମାତ୍ର କିଛି ଲୋକ ଦାବି କରୁଛନ୍ତି ଯେ ଡାକ୍ତରୀ ରିପୋର୍ଟରେ ଅଭିଯୁକ୍ତଙ୍କ ମଦ୍ୟପାନ ରିପୋର୍ଟ ସହିତ ହେରାଫେରି କରାଯାଇଛି। ସେପଟେ ତାଙ୍କର ସୋସିଆଲ ମିଡିଆରେ ଏକ ଭିଡିଓ ସାମ୍ନାକୁ ଆସିଛି, ଯେଉଁ ଭିଡିଓରେ ଦଖିବାକୁ ମିଳିଛି ଯେ ଅଭିଯୁକ୍ତ ସେହି ରାତିରେ ତାଙ୍କ ସାଙ୍ଗମାନଙ୍କ ସହ ପାର୍ଟି କରୁଛନ୍ତି ଏବଂ ମଦ୍ୟପାନ କରୁଛନ୍ତି।

୧୭ ବର୍ଷର ନାବାଳକ ବାଳକ ମଦ୍ୟପାନ କରୁଥିବା ଅଭିଯୋଗ ହୋଇଛି। ଗାଡିରେ ଡ୍ରାଇଭିଂ ଲାଇସେନ୍ସ କିମ୍ବା ନମ୍ବର ପ୍ଲେଟ ନଥିବା ବେଳେ ସେ କିପରେ ସେ ଗାଡ଼ି ଚଳାଉଥିଲେ ତାହା ଏବେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି। କୁହାଯାଇଥିଲା ଯେ ୨୦୦ କିଲୋମିଟରେ ବେଗରେ ପୋର୍ସ କାରଟି ଆସୁଥିବା ବେଳେ ସାମ୍ନାରୁ ଆସୁଥିବା ବାଇକକୁ ଧକ୍କା ଦେଇଥିଲା ଯାହା ଫଳରେ ୨ ବାଇକ୍ ଆରୋହୀ ଘଟଣାସ୍ଥଳରେ ହିଁ ପ୍ରାଣ ହରାଇଛନ୍ତି।

Such A Shameful Indian Judiciary Collapsed! Vedant Agarwal had been drinking at pub and later killed two innocent IT Employee! after 15 hours Court granted him bail! Alcohol test was negative! Punishment was writing 300 words essay! #pune #PorscheCrash #Porsche pic.twitter.com/0Dn4AStyED

— Aarnav Sharma (@sunilaarnav) May 21, 2024

କୋର୍ଟଙ୍କ ନିଷ୍ପତ୍ତିରେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି!

ଯେତେବେଳେ ନାବାଳକକୁ ଗିରଫ କରାଯାଇ କୋର୍ଟରେ ହାଜର କରାଯାଇଥିଲା, କୋର୍ଟ ତାଙ୍କୁ ଅଜବ ସର୍ତ୍ତରେ ଜାମିନ ପ୍ରଦାନ କରିଛି। ଟ୍ରାଫିକ ପୋଲିସ୍ ସହିତ ୧୫ ଦିନ ଡ୍ୟୁଟି କରିବା, ପ୍ରବନ୍ଧ ଲେଖିବା ଏବଂ ମଦ୍ୟପାନ ଛାଡିବା ପାଇଁ ତାଙ୍କୁ ଏକ ନିଶା କେନ୍ଦ୍ରକୁ ପଠାଇବା ସର୍ତ୍ତରେ ଦୁଇ ଜଣଙ୍କୁ ହତ୍ୟା କରାଯାଇଥିବା ଅଭିଯୁକ୍ତଙ୍କୁ କୋର୍ଟ ଜାମିନ ପ୍ରଦାନ କରିଛନ୍ତି।

#WATCH | Maharashtra: Pune CP Amitesh Kumar says, "Police have taken yesterday's incident seriously. We have taken action under IPC 304 as it was a heinous crime. A drunk car driver was rashly driving on a narrow lane...We moved two applications in this case...We also took action… pic.twitter.com/zMvqkVpWUW

— ANI (@ANI) May 20, 2024

ପୋଲିସ ଅଭିଯୁକ୍ତଙ୍କ ବାପାଙ୍କୁ ଗିରଫ କରିଥିଲା:

ପୁଣେ ପୋଲିସ କହିଛି ଯେ ନାବାଳିକାର ବାପାଙ୍କୁ ଅଟକ ରଖାଯାଇଛି। ମାମଲା ପଞ୍ଜିକୃତ ହେବା ପରଠାରୁ ଅଭିଯୁକ୍ତଙ୍କ ବାପା ନିଖୋଜ ଥିଲେ, ତାଙ୍କୁ ଛତ୍ରପତି ଶିବାଜୀନଗରରୁ ଅଟକ ରଖାଯାଇଥିଲା ଏବଂ ବର୍ତ୍ତମାନ ପୁଣେକୁ ଅଣାଯାଉଛି। ସେପଟେ ଶିବସେନା ନେତା ସଞ୍ଜୟ ରାଉତ ପୁଣେ ପୁଲିସ କମିସନର ଅମିତେଶ କୁମାରଙ୍କୁ ବରଖାସ୍ତ କରାଯିବାକୁ ଦାବି କରିବା ସହ ଯୁବକଙ୍କୁ ଗିରଫ ପରେ ପୁଲିସ ଷ୍ଟେସନରେ ପିଜା ଏବଂ ବିରିୟାନି ଦିଆଯାଉଥିବା ବୋଲି ଅଭିଯୋଗ ଆଣିଛନ୍ତି।