Viral News: ବିମାନରେ ମହିଳାଙ୍କ ଅଜବ କାରନାମା , ଏହି କାରଣରୁ ସର୍ବସମ୍ମୁଖରେ ନିଜର ଡ୍ରେସ ଖୋଲିଦେଲେ

Viral News: ବିମାନରେ ଅଭାବନୀୟ ଘଟଣା । ଅଭଦ୍ରାମୀର ସୀମା ଟପିଲେ ଋଷିଆର ମହିଳା ।  ଋଷିଆର ଜଣେ ମହିଳା (russian woman )ବିମାନ ଯାତ୍ରା ବେଳେ  ବିମାନରେ ହଙ୍ଗାମା କରିଛନ୍ତି।  ସିଗାରେଟ ଟାଣିବା ସହ ନିଜ ଡ୍ରେସ ଖୋଲି ବିମାନ ମଧ୍ୟରେ ଚାଲିଥିଲେ । ଯାହାକୁ ନେଇ ବିମାନରେ ବିଶୃଙ୍ଖଳା ପରିସ୍ଥିତି ଉପୁଜିଥିଲା। ମହିଳାଙ୍କୁ ନିୟନ୍ତ୍ରଣକୁ ଆଣିବା ପାଇଁ ବିମାନର କ୍ରୁ ସଦସ୍ୟମାନେ ତାଙ୍କୁ ବାନ୍ଧି ପକାଇଥିଲେ। ତଥାପି ମାମଲା ଥଣ୍ତା ପଡିନ ଥିଲା। ଏହି ଘଟଣା ବର୍ତ୍ତମାନ ସୋସିଆଲ ସୋସିଆଲ ମିଡିଆରେ ବେଶ ଭାଇରାଲ(Viral on Internet) ହେଉଛି।

ମହିଳା ବିମାନରେ ଟପଲେସ୍ ହୋଇ ବୁଲିବା ଆରମ୍ଭ କଲେ : ତେବେ ବିମାନରେ ଏଭଳି କାଣ୍ତ ଭିଆଇଥିବା ମହିଳାଙ୍କ ନାଁ (Anzhelika Moskvitina) ଆଞ୍ଜେଲିକା ମସ୍କଭିଟିନା ବୋଲି ଜଣାପଡିଛି ।  ହଠାତ୍  ଜିଦଖୋର ମହିଳା ଜଣକ ବିମାନରେ ପାଇଲଟଙ୍କ ପାଖକୁ ଯିବାକୁ ଜିଦ୍ କରିବା ସହ ଧୂମ୍ରପାନ କରିବାକୁ କହିଥିଲେ। ଏବଂ ଯାହାକୁ ବାରଣ କରିଥିଲେ ବିମାନରେ ଥିବା କ୍ରୁ ସଦସ୍ୟ । ଏହାପରେ ମହିଳା ଜଣକ ବିମାନରେ ଥିବା ଶୌଚାଳୟକୁ ଯାଇ ସେଠାରେ ସିଗାରେଟ ଟାଣିଥିଲେ।  ଅନ୍ୟଯାତ୍ରୀମାନେ ମଧ୍ୟ ମହିଳାଙ୍କ ଏଭଳି କାରନାମା ଦେଖି ବିମାନର କ୍ରୁମେମ୍ବରଙ୍କୁ ଅଭିଯୋଗ କରିଥିଲେ। ପରେ କ୍ରୁ ମେମ୍ବର ମଧ୍ୟ ଋଷିୟ ମହିଳା ଜଣକୁ ସିଗାରେଟ ଟାଣିବାକୁ ମନା କରିଥିଲେ। 

Topless Russian woman on flight demands entry to cockpithttps://t.co/2tfzYX2qB3

— Independent Travel (@IndyTravel) February 16, 2023

ଏଥିରେ ରାଗିଯାଇଥିଲେ ମହିଳା । ପରେ ଋଷିୟ ମହିଳା ଜଣକ ସେଠାରେ ନିଜ ଡ୍ରେସ ଖୋଲିଥିଲେ। ଏବଂ ବିମାନରେ ଚାଲିବାକୁ ଲାଗିଥିଲେ। ମହିଳାଙ୍କ ଏଭଳି ଉତ୍ପାତ ଦେଖି ଜଣେ କ୍ରୁ ସଦସ୍ୟ ତାଙ୍କୁ ପୋଷାକ ପିନ୍ଧାଇବାକୁ ଚେଷ୍ଟା କରିଥିଲା । କିନ୍ତୁ ମହିଳା ଜଣକ ପୋଷାକ ପିନ୍ଧିବାକୁ ପ୍ରସ୍ତୁତ ନଥିଲେ। (Stavropol)ଷ୍ଟାଭ୍ରୋପଲରୁ ମସ୍କୋ ଯାଉଥିବା ଏକ ବିମାନରେ ଏହି ଘଟଣା ଘଟିଛି। ତେବେ,ମହିଳାଙ୍କ ଅଭଦ୍ରାମୀ ଅଧିକ ବଢିବାରୁ ବିମାନରେ ଥିବା ପାଇଲଟଙ୍କ ନିର୍ଦ୍ଦେଶ କ୍ରମେ ତାରରେ ବନ୍ଧା ଯାଇଥିଲା କିନ୍ତୁ ତାର ଖୋଲି ଦେଇଥିଲେ ମହିଳା,ପୁଣି ସେଭଳି ଉତ୍ପାତ ମଚାଇଥିଲେ । ଫଳରେ ବିମାନଟି ଅବତରଣ କଲାପରେ ମହଳାଙ୍କୁ ପୋଲିସର ହେପାଜତକୁ ପଠାଇଥିଲା। ଋଷିଆ ନ୍ୟୁଜ୍ ସାଇଟ୍ ମାସ୍(Russian news site Mash)ଏହି ଘଟଣାର ଭିଡିଓ ସେୟାର କରିଛି। ଏହା ସହିତ, ଦି ଇଣ୍ଡିପେଣ୍ଡେଣ୍ଟ୍ ଟ୍ରାଭେଲ୍ ମଧ୍ୟ ମହିଳାଙ୍କର ଭିଡିଓ ସୋସିଆଲ୍ ମିଡିଆ ପ୍ଲାଟଫର୍ମରେ ସେୟାର କରି ଏହି ଘଟଣା ବିଷୟରେ ଉଲ୍ଲେଖ କରିଛି।  ତେବେ, ଆଞ୍ଜେଲିକାଙ୍କୁ ମଧ୍ୟ ଗିରଫ କରାଯାଇଥିବା କୁହାଯାଇଛି।

ନିକଟରେ ନ୍ୟୁୟର୍କରୁ ଦିଲ୍ଲୀ ଆସୁଥିବା ଫ୍ଲାଇଟରେ ଅଭାବନୀୟ ଘଟଣା ଘଟିଥିଲା। ଜଣେ ମଦ୍ୟପ ବ୍ୟକ୍ତି ୭୦ ବର୍ଷ ବୟସ୍କା ମହିଳାଙ୍କ ଉପରେ ପରିସ୍ରା କରିଥିଲେ। ଘଟଣାଟି ଗତ ନଭେମ୍ବର ୨୬ତାରିଖରେ ହୋଇଥିବା ବେଳେ ବିମାନଟି ନ୍ୟୁୟର୍କରୁ ଦିଲ୍ଲୀ ଆସୁଥିଲା  । ସେହିସମୟରେ ଜଣେ ନିଶାସକ୍ତ ପାସେଞ୍ଜର ତାଙ୍କ ପାଖରେ ବସିଥିବା ମହିଳା କୋ ପାସେଞ୍ଜରଙ୍କ ଉପରେ ପରିସ୍ରା କରିଦେଇଥିଲେ । ଯାହାକୁ ନେଇ ମହିଳା ଜଣଙ୍କ ନିଶାସକ୍ତ ଯାତ୍ରୀଙ୍କ ଏଭଳି ବ୍ୟବହାର ବିଷୟରେ କ୍ରୁ ମେମ୍ବରଙ୍କୁ ଜଣାଇଥିଲେ । ତେବେ କ୍ରୁ ମେମ୍ବର ମହିଳାଙ୍କୁ ଡ୍ରେସ୍ ଏବଂ ସ୍ଲିପର ଦେଇ ତାଙ୍କୁ ତାଙ୍କ ସିଟକୁ ଫେରିଯିବାକୁ କହିଥିଲେ । ଏମିତିକି ମହିଳାଜଣକ ତାଙ୍କୁ ଅଲଗା ସିଟ୍ ଦେବାକୁ ଅନୁରୋଧ କରିଥିଲେ ମଧ୍ୟ କ୍ରୁ ମେମ୍ବର କିଛି ଶୁଣିନଥିଲେ । ଏହାସହିତ ମହିଳାଙ୍କ ଅଭିଯୋଗ ସତ୍ତ୍ବେ ମଧ୍ୟ ଅଭଦ୍ର ବ୍ୟବହାର ଦେଖାଇଥିବା ଯାତ୍ରୀଙ୍କ ବିରୋଧରେ ଏୟାରଲାଇନ୍ସ କର୍ତ୍ତୁପକ୍ଷ କିଛି କାର୍ଯ୍ୟାନୁଷ୍ଠାନ ନେଇନଥିଲେ  । ଯେଉଁଥିରେ କ୍ଷୁବ୍ଧ ହୋଇ ସଂପୃକ୍ତ ମହିଳା ଜଣକ ଟାଟା ଗ୍ରୁପ ଚେୟାରମ୍ୟାନଙ୍କୁ ଚିଠି ଲେଖିଥିଲେ । ବିମାନରେ ମହିଳା ଯାତ୍ରୀଙ୍କୁ ଦୁର୍ବ୍ୟବହାର ଦେଖାଇଥିବା ଯାତ୍ରୀଙ୍କୁ ନୋ ଫ୍ଲାଏ ଲିଷ୍ଟରେ ସାମିଲ କରିବାକୁ ଏୟାର ଇଣ୍ଡିୟା ପକ୍ଷରୁ ସୁପାରିସ କରାଯାଇଛି  ।