Mysterious Shiva Temple in India: ଦେଶର ରହସ୍ୟମୟ ଶିବ ମନ୍ଦିର; ଯିଏ ଦିନକୁ ୨ ଥର ହୋଇଯାଏ ଅଦୃଶ୍ୟ

Stambheshwar Mahadev Mandir: ଦେଶରେ ଏପରି ଏକ ଶିବ ମନ୍ଦିର ଯିଏ ଦିନକୁ ୨ ଥର ସ୍ୱତଃପ୍ରବୃତ୍ତ ଭାବେ ଗାଏବ ହୋଇଯାଏ। କେବଳ ସେତିକି ନୁହେଁ ଏହି ମନ୍ଦିରରେ ନିଜେ ଶିବ ଲିଙ୍ଗରେ ଜଳାଭିଷେକ କରିଥାଏ।

Stambheshwar Mahadev Temple: ଦେଶରେ ଭଗବାନ ଶିବଙ୍କ ଅନେକ ପ୍ରାଚୀନ ମନ୍ଦିର ଅବସ୍ଥିତ ରହିଛି। ଏହି ସମସ୍ତ ମନ୍ଦିରର ନିଜସ୍ୱ ପୌରାଣିକ ଇତିହାସ ରହିଥିବାର କୁହାଯାଏ। ଆପଣ ନିଶ୍ଚିତ ଭାବେ ୧୨ ଜ୍ୟୋତିର୍ଲିଙ୍ଗ ବିଷୟରେ ଜାଣିଥିବେ। ହେଲେ ଆପଣ କେବେ ଭଗବାନ ଶିବଙ୍କ ଏପରି ମନ୍ଦିର ବିଷୟରେ ଶୁଣିଛନ୍ତି ଯାହା ଦିନରେ ସ୍ୱତଃପ୍ରବୃତ୍ତ ଭାବେ ଅଦୃଶ୍ୟ ହୋଇଯାଏ। କେବଳ ଏତିକି ନୁହେଁ ସମୁଦ୍ର ତରଙ୍ଗ ନିଜେ ଏହି ଶିବ ମନ୍ଦିରରେ ସ୍ଥାପିତ ଶିବଲିଙ୍ଗରେ ଜଳାଭିଷେକ କରିଥାଏ। ଏହି ମନ୍ଦିରର ଏପରି ବିଶେଷତା ସବୁବେଳେ ଚର୍ଚ୍ଚାର ପରିସରରେ ରହିଥାଏ। ଯେଉଁଥିପାଇଁ ଲକ୍ଷ ଲକ୍ଷ ଭକ୍ତ ଏହି ମନ୍ଦିର ପରିଦର୍ଶନ କରିବାକୁ ଆସିଥାନ୍ତି। ଏହି ମନ୍ଦିର ସ୍ୱତଃପ୍ରବୃତ୍ତ ଭାବେ ଅଦୃଶ୍ୟ ହୋଇଯିବା ପଛରେ ରହିଥିବା ରହସ୍ୟ ବିଷୟରେ ଜାଣନ୍ତୁ।

ସ୍ୱତଃପ୍ରବୃତ୍ତ ଭାବେ ଅଦୃଶ୍ୟ ହୋଇଯାଏ ସ୍ତମ୍ଭେଶ୍ୱର ମହାଦେବ ମନ୍ଦିର
ଏଠାରେ ଆମେ ଗୁଜୁରାଟ କାଭି କାମବୋଇ ସହରରେ ଅବସ୍ଥିତ ସ୍ତମ୍ଭେଶ୍ୱର ମହାଦେବ ମନ୍ଦିର ବିଷୟରେ କହୁଛୁ। ଏହି ମନ୍ଦିର ଦିନକୁ ୨ ଥର ନିଜ ସ୍ଥାନରୁ ଅଦୃଶ୍ୟ ହୋଇଯାଏ। ଯେଉଁ କାରଣରୁ ଏହି ଅନନ୍ୟ ମନ୍ଦିରକୁ ଅଦୃଶ୍ୟ ମନ୍ଦିର ମଧ୍ୟ କୁହାଯାଏ। ଏହି ମନ୍ଦିର ଅଦୃଶ୍ୟ ହେବା ପଛରେ କୌଣସି ଚମତ୍କାର ନାହିଁ। ବରଂ ଏହା ଏକ ପ୍ରାକୃତିକ ଘଟଣା। ପ୍ରାୟ ୨୦ ବର୍ଷ ପୂର୍ବେ ଆବିଷ୍କୃତ ହୋଇଥିଲା ସ୍ତମ୍ଭେଶ୍ୱର ଶିବ ମନ୍ଦିର। ସମୁଦ୍ର କୂଳରେ ଅବସ୍ଥିତ ହୋଇଥିବାରୁ ଏବଂ ସମୁଦ୍ରରେ ଜୁଆର ଭଟ୍ଟା ହେବା କାରଣରୁ ସ୍ତମ୍ଭେଶ୍ୱର ଶିବ ମନ୍ଦିର ସମୁଦ୍ର ଜଳରେ ଲୀନ ହୋଇଯାଏ। ଲୋକେ ସମୁଦ୍ରରେ ହେଉଥିବା ଜୁଆର ଭଟ୍ଟା ପକ୍ରିୟା ଶେଷ ହେବା ପରେ ଯାଇ ଏହି ମନ୍ଦିର ଦେଖିବାକୁ ପାଇଥାନ୍ତି। ଶହ ଶହ ବର୍ଷ ଧରି ଏପରି ପ୍ରାକୃତିକ ଘଟଣା ଚାଲିଆସୁଛି। ଉଚ୍ଚ ଜୁଆର ସମୟରେ ସମୁଦ୍ର ତରଙ୍ଗ ସ୍ତମ୍ଭେଶ୍ୱର ଶିବ ମନ୍ଦିରରେ ପୂଜା ପାଉଥିବା ଶିବଲିଙ୍ଗାର ଜଳାଭିଷେକ କରିଥାଏ। ଏହି ଘଟଣା ପ୍ରତ୍ୟେକ ସକାଳ ଏବଂ ସନ୍ଧ୍ୟା ସମୟରେ ହୋଇଥାଏ।

ସ୍ତମ୍ଭେଶ୍ୱର ମହାଦେବ ମନ୍ଦିର ପଛରେ ରହିଥିବା ପୌରାଣିକ କାହାଣୀ  
ଏହି ମନ୍ଦିର ନିର୍ମାଣ ପଛରେ ରହିଥିବା କାହାଣୀ ସ୍କନ୍ଧ ପୁରାଣରେ ବର୍ଣ୍ଣନା କରାଯାଇଛି। କୁହାଯାଏ ଯେ ତାରାକାସୁର ଭଗବାନ ଶିବଙ୍କ ପାଇଁ ଅତ୍ୟନ୍ତ କଠୋର ତପସ୍ୟା କରିଥିଲା। ଯେଉଁଥିପାଇଁ ଭଗବାନ ଶିବ ଖୁସି ହୋଇ ତାରକାସୁରକୁ ନିଜର ଇଚ୍ଛା ଅନୁଯାୟୀ ବର ମାଗିବାକୁ ମାଗିଥିଲେ। ତାରକାସୁର ବର ମାଗିଥିଲା ଯେ ଭଗବାନ ଶିବଙ୍କ ୬ ମାସର ପୁଅ କେବଳ ତାକୁ ହତ୍ୟା କରିପାରିବ। ତାରକାସୁର ଭଗବାନ ଶିବଙ୍କ ଠାରୁ ବର ପାଇବା ମାତ୍ରେ ତାରାକାସୁର ସବୁଆଡେ ଆତଙ୍କ ବିସ୍ତାର କରି ସମସ୍ତ ଦେବାଦେବୀ ଏବଂ ସାଧୁସନ୍ଥଙ୍କୁ ଅସୁବିଧାରେ ପକାଇଲେ। ତାରାକସୁର ଆତଙ୍କରେ ଆତଙ୍କିତ ହୋଇଥିବା ସମସ୍ତ ଦେବାଦେବୀ ଏବଂ ସାଧୁସନ୍ଥ ଭଗବାନ ଶିବଙ୍କ ଶରଣାପନ୍ନ ହୋଇଥିଲେ। ଯାହା ପରେ ଭଗବାନ ଶିବଙ୍କ ପୁତ୍ର କାର୍ତ୍ତିକ ମାତ୍ର ୬ ଦିନ ବୟସରେ ତାରକାସୁରକୁ ବଦ୍ଧ କରିଥିଲେ।

ହେଲେ ଯେତେବେଳେ କାର୍ତ୍ତିକ ଜାଣିବାକୁ ପାଇଲେ ଯେ ତାରକାସୁର ହେଉଛି ଭଗବାନ ଶିବଙ୍କ ଜଣେ ବଡ଼ ଭକ୍ତ, ସେତେବେଳେ ସେ ବହୁତ ନିରାଶ ହୋଇଥିଲେ। ଭଗବାନ ବିଷ୍ଣୁ କାର୍ତ୍ତିକଙ୍କୁ କହିଥିଲେ ଯେ ଏହି ପାପରୁ ମୁକ୍ତି ପାଇବା ପାଇଁ ସେ ତାରକାସୁରକୁ ବଦ୍ଧ କରିଥିବା ସ୍ଥାନରେ ଏକ ଶିବ ମନ୍ଦିର ନିର୍ମାଣ କରିବା ଆବଶ୍ୟକ। କେବଳ ଏହା ପରେ ଯାଇ ସମସ୍ତ ଦେବାଦେବୀ ମିଳିତ ଭାବରେ ମହିସାଗର ସଙ୍ଗମ ତିର୍ଥରେ ବିଶ୍ୱନନ୍ଦକ ସ୍ଥମ୍ଭ ପ୍ରତିଷ୍ଠା କରିଥିଲେ। ଯାହା ଆଜି ପର୍ଯ୍ୟନ୍ତ ସ୍ଥମ୍ଭେଶ୍ୱର ତିର୍ଥ ନାମରେ ଜଣାଶୁଣା।