 "Love Marriage: ନିଆରା ଏ ପ୍ରେମ କାହାଣୀ, ବିବାହ ବନ୍ଧନରେ ବାନ୍ଧିହେଲେ ଦୁଇ ଯୁବତୀ")
Two Girls Got Married in temple: ଉତ୍ତରପ୍ରଦେଶର ଦେଓରିଆର ଏକ ମନ୍ଦିରରେ ଦୁଇ ଝିଅ ପରସ୍ପରକୁ ବିବାହ (Marriage) କରିବା ଘଟଣା ବର୍ତ୍ତମାନ ସବୁଠି ଚର୍ଚ୍ଚାର ବିଷୟ ପାଲଟିଛି । ସ୍ଥାନୀୟ ଲୋକଙ୍କ କହିବାନୁଯାୟୀ ଉଭୟ ଝିଅ ଦେଓରିଆର ଚାନୁକିରେ ଥିବା ଏକ ଅର୍କେଷ୍ଟ୍ରା ରେ କାମ କରୁଥିଲେ। ସେହି ସମୟରେ ଦୁହେଁ ଏକାଠି ରହୁଥିଲେ । ୨ ବର୍ଷ ଏକାଠି ରହିବା ପରେ ମଜୁଲି ରାଜରେ ଥିବା ଭବାନୀ ମନ୍ଦିର (Maa Bhabani Temple)ରେ ଉଭୟେ ବିବାହ କରିଛନ୍ତି ।
ମିଳିଥିବା ସୂଚନା ମୁତାବକ ପଶ୍ଚିମବଙ୍ଗର ୨୮ ବର୍ଷୀୟ ଜୟଶ୍ରୀ ରାହୁଲ ଏବଂ ୨୩ ବର୍ଷୀୟ ରାକ୍ଷୀ ଦାସ ଗତ ଦୁଇ ବର୍ଷ ଧରି ଗୋଟିଏ ଘରେ ଏକାଠି ରହୁଥିଲେ। ଦୁହେଁ ପରସ୍ପର ସ୍ୱାମୀ-ସ୍ତ୍ରୀ (Husband and wife)ଙ୍କ ପରି ଚଳୁଥିଲେ । ବର୍ତ୍ତମାନ ସମ୍ପର୍କକୁ ଆହୁରି ଅଧିକ ମଜବୁତ କରିବା ପାଇଁ ସେମାନେ ପ୍ରଥମେ ଏକ ନୋଟାରୀକୁ ଯାଇ ଆଫିଡେଭିଟ୍ ପାଇଁ ଆବେଦନ କରିବା ପରେ ସେମାନେ ଆଫିଡେଭିଟ ପାଇଥିଲେ । ପରେ ସେମାନେ ଏକ ମନ୍ଦିରକୁ ଯାଇ ବିବାହ କରିଛନ୍ତି । ସାଧାରଣ ବିବାହ ପରି ଏହି ବିବାହରେ ମଧ୍ୟ ମନ୍ତ୍ରପାଠ କରାଯାଇଥିଲା । ସେମାନଙ୍କ ବିବାହ ସମୟର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ।
ବିବାହ ସମୟରେ ଜଣେ ବ୍ୟକ୍ତି ଏହି ଭିଡିଓଟିକୁ ସୁଟ୍ କରିଥିଲେ । ବର ଯେପରି ଶେରୱାନି ପିନ୍ଧନ୍ତି ଏବଂ କନ୍ୟା ଯେପରି ଶାଢୀ କିମ୍ୱା ଲେହେଙ୍ଗା ପିନ୍ଧି ସଜ ହୁଅନ୍ତି ଠିକ୍ ସେହିପରି ଦୁହେଁ ସଜାଇ ହୋଇଥିଲେ । ସାଲେମପୁର ଥାନା ଅଞ୍ଚଳରେ ଥିବା ମାତା ଭବାନୀଙ୍କ ମନ୍ଦିରରେ ଦୁହେଁ ସାତ ଘେରା ନେବା ସହ ମଙ୍ଗଳସୁତ୍ର ପିନ୍ଧାଇଥିଲେ । ବିବାହ ପରେ ଦୁହେଁ ଖୁବ ଖୁସି ଥିବା ଜଣାପଡିଛି ।
)