ନୂଆବର୍ଷ ପାର୍ଟିରେ ମଦ ପିଇ ହଙ୍ଗାମା କଲେ ମହିଳା, ଦେଖନ୍ତୁ ଭିଡିଓ

New Year Party: ନୂଆ ବର୍ଷ ୨୦୨୪କୁ ସମଗ୍ର ବିଶ୍ୱରେ ଧୁମଧାମରେ ପାଳନ କରାଯାଇଥିବା ସମୟରେ ବର୍ତ୍ତମାନ ଏକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । ଯେଉଁଥିରେ ଦେଖିବାକୁ ମିଳିଛି ଯେ, ଜଣେ ମହିଳା ମଦ୍ୟପାନ କରି ନିଶାସକ୍ତ ଅବସ୍ଥାରେ ହୋହଲ୍ଲା କରିଛନ୍ତି ।

New Year Party: ଗତ ରାତିରେ ବିଭିନ୍ନ ସ୍ଥାନରେ ଜିରୋ ନାଇଟ୍ ସେଲିବ୍ରେଶନ କରାଯାଇଛି । ବିଭିନ୍ନ ସ୍ଥାନରେ ଆୟୋଜିତ ଗ୍ରାଣ୍ଡ୍ ପାର୍ଟିରେ କିଛି ଲୋକ ପ୍ରଚୁର ମଦ୍ୟପାନ କରି ହୋହଲ୍ଲା ସୃଷ୍ଟି କରିଥିବା ଦେଖିବାକୁ ମିଳିଥିଲା । ବର୍ତ୍ତମାନ ସେମିତି କିଛି ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି ।

ଦେଶର ବଡ଼ ବଡ଼ ସହରରେ ଆୟୋଜିତ ନୂଆ ବର୍ଷ ଗ୍ରାଣ୍ଡ୍ ପାର୍ଟିରେ ପୁରୁଷଙ୍କ ସମେତ ମହିଳାମାନେ ମଧ୍ୟ ସାମିଲ୍ ହୋଇଥାନ୍ତି । ନିଜ ସାଙ୍ଗସାଥୀଙ୍କ ମେଳରେ ମଦ୍ୟପାନ କରି ନିଶାସକ୍ତ ଅବସ୍ଥାରେ ବିଭିନ୍ନ ଘଟଣାମାନ ଘଟାଇଥାନ୍ତି । ଦିଲ୍ଲୀର ଏକ ହୋଟେଲରୁ ଏପରି ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ଜଣେ ମହିଳା ନିଶାସକ୍ତ ଅବସ୍ଥାରେ ହୋହଲ୍ଲା କରିଥିବା ଦେଖିବାକୁ ମିଳିଛି । ମହିଳାଙ୍କ ଆଚରଣରେ ଅନ୍ୟମାନେ ବିରକ୍ତି ପ୍ରକାଶ କରିଥିବା ସମୟରେ ହୋଟେଲ କର୍ମଚାରୀମାନେ ମହିଳାଜଣଙ୍କୁ ବୁଝାସୁଝା କରିଥିଲେ । କିନ୍ତୁ ନିଶାରେ ଚୁର୍ ଥିବା ମହିଳାଜଣଙ୍କ କାହା କଥା ଶୁଣିବା ଅବସ୍ଥାରେ ନଥିଲେ । ଜଣେ ବ୍ୟକ୍ତି ସେହି ଦୃଶ୍ୟକୁ ନିଜ ମୋବାଇଲରେ ରେକର୍ଡ କରି ସୋସିଆଲ ମିଡିଆରେ ଅପଲୋଡ କରିଛନ୍ତି । ଯାହା ଏବେ ଖୁବ୍ ଭାଇରାଲ୍ ହେବାରେ ଲାଗିଛି ।

ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଜଣେ ମହିଳା ମଦ୍ୟପାନ କରିବା ପରେ ନିଜ ଉପରେ ସମ୍ପୂର୍ଣ୍ଣ ଭାବରେ ନିୟନ୍ତ୍ରଣ ହରାଇଛନ୍ତି । ସେ ସର୍ବସମ୍ମୁଖ ସ୍ଥାନରେ ଚଟାଣରେ ବସି ଚିତ୍କାର କରୁଛନ୍ତି ।

Video- 

New year party kalesh
(This lady was shouting non stop after overdrunk at new year's party. Finally hotel staff took her out by lifting her)
Delhi pic.twitter.com/d36EY2FepL

— Ghar Ke Kalesh (@gharkekalesh) January 1, 2024

ଏହି ଭିଡିଓଟି ସୋସିଆଲ ମିଡିଆ ପ୍ଲାଟଫର୍ମ X ରେ @gharkekalesh ଆକାଉଣ୍ଟରୁ ସେୟାର କରାଯାଇଛି । କ୍ୟାପସନରେ ଏହା ଦିଲ୍ଲୀର ଏକ ହୋଟେଲରେ ଘଟିଥିବା ଘଟଣା ବୋଲି ଉଲ୍ଲେଖ କରାଯାଇଛି । ତେବେ ଏହି ଘଟଣାର ସତ୍ୟତା କଣ ତାହା ସାମ୍ନାକୁ ଆସିନାହିଁ । ଏହି ଭିଡିଓଟିକୁ ଲକ୍ଷାଧିକ ଲୋକେ ଦେଖିସାରିଛନ୍ତି ।