Time Travel: ୨୦୨୩ ବର୍ଷ ପାଇଁ ଏହି ୬ ତାରିଖ ତାରିଖ ମଣିଷ ପାଇଁ ଅତ୍ୟନ୍ତ ବିପଜ୍ଜନକ, ବିଶ୍ୱକୁ ଭୟଭୀତ କଲା ଏହି ବ୍ୟକ୍ତିଙ୍କ ଭବିଷ୍ୟବାଣୀ

Time Traveller News: ଏନୋ ଆଲାରିକ୍ ନାମକ ଜଣେ ବ୍ୟକ୍ତି ନିଜକୁ ଜଣେ ସମୟ ଭ୍ରମଣକାରୀ ଭାବରେ ବର୍ଣ୍ଣନା କରିଛନ୍ତି। କଥିତ ସମୟ ଯାତ୍ରୀ ଏନୋ ଆଲାରିକ୍ ପୂର୍ବାନୁମାନ କରିଛନ୍ତି ଯେ, ଚଳିତ ୨୦୨୩ ବର୍ଷ ଅନେକ ଅଜବ ଘଟଣାର ସାକ୍ଷୀ ହେବ।

Time Traveller From 2671: ଆଜିର ଦିନରେ ବିଜ୍ଞାନ ବହୁତ ଅଗ୍ରଗତି କରିସାରିଛି। ପ୍ରତି ଦିନ ପୃଥିବୀ ପୃଷ୍ଠରୁ ନେଇ ମହାକାଶକୁ ଆଶ୍ଚର୍ଯ୍ୟଜନକ ଘଟଣା ଘଟୁଛି। ବୈଜ୍ଞାନିକ ଟାଇମ୍ କ୍ୟାପସୁଲ ତିଆରି କରିବାକୁ ଚେଷ୍ଟା କରୁଛନ୍ତି। ବିଭିନ୍ନ ସମୟରେ ସମୟ ଯାତ୍ରାର କାହାଣୀ ମଧ୍ୟ ଶୁଣିବାକୁ ମିଳୁଛି। ହେଲେ ସମୟ ଯାତ୍ରା ସମ୍ବନ୍ଧରେ ଏପର୍ଯ୍ୟନ୍ତ କୌଣସି ପ୍ରକୃତ ଆବିଷ୍କାର ହୋଇନାହିଁ। ଅନେକ ଲୋକ ପ୍ରାୟତଃ ଦାବି କରିଥାନ୍ତି ଯେ ସେମାନେ ଭବିଷ୍ୟତରୁ ଫେରି ଆସିଛନ୍ତି। ଆଜି କାଲି ସୋସିଆଲ ମିଡିଆ ଦୁନିଆରେ ଏପରି ଜଣେ ବ୍ୟକ୍ତିଙ୍କ ଭବିଷ୍ୟବାଣୀ ଚର୍ଚ୍ଚାର ବିଷୟ ପାଲିଟିଛି। ଏନୋ ଆଲାରିକ୍ ନାମକ ଜଣେ ବ୍ୟକ୍ତି ଦାବି କରିଛନ୍ତି ଯେ ସେ ୨୬୭୧ ବର୍ଷରୁ ଫେରି ଆସିଛନ୍ତି।

ଏନେଇ ମିଳିଥିବା ଖବର ଅନୁଯାୟୀ ଏନୋ ଆଲାରିକ୍ (Eno Alaric) ନିଜକୁ ଜଣେ ସମୟ ଭ୍ରମଣକାରୀ (Time Traveller) ବୋଲି ବର୍ଣ୍ଣନା କରିଛନ୍ତି। ସେ ପୂର୍ବାନୁମାନ କରିଛନ୍ତି ଯେ, ଚଳିତ ୨୦୨୩ ବର୍ଷ ଅନେକ ଅଜବ ଘଟଣାର ସାକ୍ଷୀ ହେବ। ସୋସିଆଲ ମିଡିଆ ଦୁନିଆରେ @theradianttimetraveller ନାମରେ ମହଜୁଦ ରହିଥିବା କଥିତ ସମୟ ଯାତ୍ରୀ  ଏନୋ ଆଲାରିକ୍ ଲୋକଙ୍କୁ ଭବିଷ୍ୟତରେ ଘଟିବାକୁ ଯାଉଥିବା ଘଟଣା ବିଷୟରେ ଜଣାଇଛନ୍ତି। ହଜାର ହଜାର ଲୋକ ତାଙ୍କ ଭବିଷ୍ୟବାଣୀକୁ ଗମ୍ଭୀରତାର ସହ ନେଉଛନ୍ତି। ଏନୋ ଆଲାରିକ ତାଙ୍କ ଦ୍ୱାରା କରାଯାଇଥିବା ଭବିଷ୍ୟବାଣୀର ଏକ ତାଲିକା ମଧ୍ୟ ପ୍ରକାଶ କରିଛନ୍ତି।

କଥିତ ସମୟ ଯାତ୍ରୀ ଏନୋ ଆଲାରିକ୍ କହିସାରିଛନ୍ତି ଯେ, ଚଳିତ ବର୍ଷ ପୃଥିବୀ ପୃଷ୍ଠକୁ ଏଲିୟନ୍ ଆସିବେ। ବିଶ୍ୱ ଏପରି ଏକ ଗ୍ରହ ଆବିଷ୍କାର କରିବ ଯାହା ପୃଥିବୀ ସହିତ ସମାନ ହେବ।  ଏହି ସମୟ ଭ୍ରମଣକାରୀଙ୍କ ଦ୍ୱାରା କରାଯାଇଥିବା ଗୁରୁତ୍ୱପୂର୍ଣ୍ଣ ଭବିଷ୍ୟବାଣୀ ସମ୍ପର୍କରେ ଆପଣ ଜାଣିରଖନ୍ତୁ। 

• ୨୩ ମାର୍ଚ୍ଚ: ପୃଥିବୀକୁ ବଞ୍ଚାଇବା ପାଇଁ ଏଲିୟନ ଦ୍ୱାରା ଆଠ ହଜାର ଲୋକଙ୍କୁ ଚୟନ କରାଯିବ।
• ୧୫ ମେ: ସାନ ଫ୍ରାନ୍ସିସ୍କୋ ଠାରେ ୭୫୦ ଫୁଟ ଉଚ୍ଚତାର ସୁନାମୀ ମାଡ଼ି ଆସିବ। ଯାହାର ପ୍ରଭାବରେ ଦୁଇ ଲକ୍ଷରୁ ଅଧିକ ଲୋକ ପ୍ରାଣ ହରାଇବେ।
• ୧୮ ଜୁନ୍: ସାତ ଜଣ ଲୋକ ଏକାଠି ଆକାଶରୁ ଖସିଯିବେ।
• ୧୮ ଅଗଷ୍ଟ: ବୈଜ୍ଞାନିକ ଚର୍ମ କର୍କଟ ରୋଗର ଉପଶମ ଖୋଜି ପାଇବେ।
• ୩ ଡିସେମ୍ବର: ଏକ ସ୍ଫଟୀକ୍ ମିଳିବ। ଯାହା ଦ୍ୱାରା ଅନେକ ରୋଗକୁ ଉପଶମ କରିହେବ।
• ୨୯ ଡିସେମ୍ବର: ଷ୍ଟେମ୍ ସେଲ୍ ମାଧ୍ୟମରେ ନୂତନ ଅଙ୍ଗର ବିକାଶ ପ୍ରକ୍ରିୟା ଆରମ୍ଭ ହେବ।

ନିକଟରେ ଜଣେ ସୋସିଆଲ ମିଡିଆ ବ୍ୟବହାରକାରୀ ଦାବି କରିଥିଲେ ଯେ, ଚଳିତ ୨୦୨୩ ବର୍ଷରେ ଏପରି କିଛି ଅସାଧାରଣ ଘଟଣା ଘଟିବ। ଯାହାର କେହି ପୂର୍ବାନୁମାନ କରିପାରିବେ ନାହିଁ। ସେ ବିଶ୍ୱାସ କରନ୍ତି ଯେ ଚଳିତ ବର୍ଷ ଶେଷ ସୁଦ୍ଧା ମଙ୍ଗଳ ଗ୍ରହରେ ମାନବ କଙ୍କାଳ ଆବିଷ୍କୃତ ହେବ। ବହୁ ବର୍ଷ ଧରି ସୋସିଆଲ ମିଡିଆ ଦୁନିଆରେ ଭବିଷ୍ୟତ ବୋଲି ଦାବି କରୁଥିବା ଜଣେ ରହସ୍ୟମୟ ବ୍ୟକ୍ତି ଚଳିତ ବର୍ଷ ପାଇଁ ଏକ ଚମତ୍କାର ଭବିଷ୍ୟବାଣୀ କରିଛନ୍ତି।

ଡେଲି ଷ୍ଟାର ଅନୁଯାୟୀ, ଏହି ବ୍ୟକ୍ତି ନିଜକୁ ଜଣେ ସମୟ ଭ୍ରମଣକାରୀ ବୋଲି କହିଥାନ୍ତି ଏବଂ ଆଗାମୀ ୨୮୫୮ ବର୍ଷ ପର୍ଯ୍ୟନ୍ତ ସମୟ ଯାତ୍ରା କରିଥିବାର ଦାବି କରିଥିଲେ। ଏହି ବ୍ୟକ୍ତିଙ୍କ ଭିଡିଓ ଭାଇରାଲ ହେବାରେ ଲାଗିଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଏହି ବ୍ୟକ୍ତି ଭିଡ଼ିଓ ଆପ୍ ଟିକଟକ୍ ମାଧ୍ୟମରେ ଡାର୍କନେସ୍ ଟାଇମ୍ ଟ୍ରାଭେଲ୍ ନାମରେ ଏପରି ଭିଡିଓ ପୋଷ୍ଟ କରିଥାନ୍ତି।