Vastu Tips: ଧନବୃଦ୍ଧି ପାଇଁ ଘରେ ଲଗାନ୍ତୁ ବିଷ୍ଣୁପ୍ରିୟା ବା ଅପରାଜିତା ଗଛ

Vastu Tips: ବାସ୍ତୁଶାସ୍ତ୍ରରେ ଅନେକ ଉଦ୍ଭିଦ ବିଷୟରେ ଉଲ୍ଲେଖ ଅଛି ଯାହାକୁ ଆପଣ ଘରେ ଲଗାଇବା ଦ୍ବାରା ଘରେ ସକରାତ୍ମକତା ବଢ଼ିବା ସହ ସଫଳତା ଆସେ । ଏହି ଉଦ୍ଭିଦଗୁଡିକ ଆମ ଜୀବନରେ ଗଭୀର ପ୍ରଭାବ ପକାଇଥାନ୍ତି । ତେଣୁ ଆଜି ଆମେ ଆପଣଙ୍କୁ ଏପରି ଏକ ଉଦ୍ଭିଦ ବିଷୟରେ କହିବାକୁ ଯାଉଛୁଯାହାକୁ ଲଗାଇବା ଦ୍ବାରା ଆପଣ ସବୁ କ୍ଷେତ୍ରରେ ସଫଳତା ପାଇବେ ।  ଏହି ଉଦ୍ଭିଦର ନାମ ହେଉଛି ଅପରାଜିତା ଗଛ । ସଂସ୍କୃତରେ ଏହି ଉଦ୍ଭିଦକୁ ବିଷ୍ଣୁପ୍ରିୟା, ବିଷ୍ଣୁକାନ୍ତ, ଗିରିକର୍ଣ୍ଣି, ଅଶ୍ୱାଖୁରା କୁହାଯାଏ ।

ଅପରାଜିତା ଦୁଇଟି ରଙ୍ଗର । ପ୍ରଥମଟି ଧଳା ଏବଂ ଦ୍ୱିତୀୟଟି ନୀଳ । ବିଶ୍ବାସ କରାଯାଏ ଯେ ଅପରାଜିତା ଗଛର ଲତା ଯେତେ ବଢ଼ି ବଢ଼ି ଯାଏ ପରିବାରରେ ସେତେ ଧନ, ସୁଖ ଏବଂ ସମୃଦ୍ଧତା ବଢ଼େ ।  ତେବେ ଆସନ୍ତୁ ଜାଣିବା ନୀଳ ଏବଂ ଧଳା ଅପରାଜିତାର ଗୁଣ ବିଷୟରେ ।

ଅପରାଜିତା ଧନ ଆକର୍ଷିତ କରେ

ଧଳା ରଙ୍ଗର ଉଦ୍ଭିଦ ଧନଲକ୍ଷ୍ମୀଙ୍କୁ ଆକର୍ଷିତ କରିଥାଏ । ଘରେ ଅପରାଜିତା ଗଛ ଲଗାଇବା ଦ୍ୱାରା କୌଣସି ପ୍ରକାରର ଅସୁବିଧାର ସମ୍ମୁଖୀନ ହେବାର ସମ୍ଭାବନା କମିଯାଏ । ଏହାକୁ ଘରେ ଲଗାଇଲେ ସୁଖ ଏବଂ ଶାନ୍ତି ବିସ୍ତାର ହୁଏ ଏବଂ ଧନ ଓ ଶସ୍ୟର ଅଭାବ ରୁହେ ନାହିଁ ।

ନୀଳ ଅପରାଜିତାର ଉପକାରିତା

ସୌନ୍ଦର୍ଯ୍ୟ ବଢ଼ାଇବା ପାଇଁ ଲୋକମାନେ ନିଜ ବଗିଚାରେ ନୀଳ ରଙ୍ଗର ଅପରାଜିତା ଲଗାଇଥାନ୍ତି ।ସ ଏହି ଉଦ୍ଭିଦ ଧନ ଦେବୀ ଲକ୍ଷ୍ମୀଙ୍କୁ ମଧ୍ୟ ଆକର୍ଷିତ କରିଥାଏ । ଏହା ବ୍ୟତୀତ ଘରେ ନୀଳ ଅପରାଜିତା ଲଗାଇବା ଦ୍ୱାରା ପରିବାର ସଦସ୍ୟଙ୍କ ବୁଦ୍ଧି ବଢ଼ିଥାଏ । ଏକ ବିଶ୍ୱାସ ମଧ୍ୟ ଅଛି ଯେ ଯଦି ଏହାର ଫୁଲ ଭଗବାନ ବିଷ୍ଣୁଙ୍କୁ ଅର୍ପଣ କରାଯାଏ ତେବେ ପରିବାର କଦାପି ପରାଜିତ ହୁଏ ନାହିଁ  । ଏହା ବ୍ୟତୀତ ଶନି ଦେବଙ୍କୁ ନୀଳ ଅପରାଜିତା ଫୁଲ ଅର୍ପଣ କରିବା ଦ୍ବାରା ଶନି ମହାଦଶା କଟିଯାଏ ।  

ଏହି ଲତାକୁ ଏହି ଦିଗରେ ଲଗାନ୍ତୁ

ବାସ୍ତୁ ଅନୁସାରେ ଏହିକୁ ଘରର ଉତ୍ତର ଦିଗରେ ଲଗାଇବା ଲାଭଦାୟକ । ଏହା କରିବା ଦ୍ୱାରା ଏହା ଶୁଭ ଫଳାଫଳ ଦେଇଥାଏ ଏବଂ ଘରେ ମଧ୍ୟ ସୁଖ ରହିଥାଏ । ତଥାପି ଏହି ଗଛକୁ କେବେବି ପଶ୍ଚିମ କିମ୍ବା ଦକ୍ଷିଣ ଦିଗରେ ଲଗାଯିବା ଉଚିତ୍ ନୁହେଁ ।

(Disclaimer: ଏହି ଖବର କେବଳ ସାଧାରଣ ସୂଚନା ଉପରେ ଆଧାରିତ। ଜୀ ଓଡ଼ିଶା ନ୍ୟୁଜ ଏହାକୁ ନିଶ୍ଚିତ କରେନାହିଁ। ଏହାକୁ କୌଣସି ସମାଧାନ ଭାବେ ନେବା ପୂର୍ବରୁ, ନିଶ୍ଚିତ ଭାବରେ ସମ୍ପୃକ୍ତ ବିଷୟର ଜ୍ଞାନଥିବା ଜଣେ ବିଶେଷଜ୍ଞଙ୍କ ସହିତ ପରାମର୍ଶ କରନ୍ତୁ।)