Snake garden:ସାପ ବଗି ବଗିଚା,ଯେଉଁଠାରେ ଗଛରେ ଫଳ ବଦଳରେ ଓହଳିଥାନ୍ତି ସାପ !

Snake garden:

ଗୋଟିଏ ସୁନ୍ଦର ବଗିଚା ସବୁବେଳେ ଦୃଷ୍ଟି ଆକର୍ଷଣ କରିଥାଏ। ବଗିଚାରେ ଥିବା ଭଳିକି ଭଳି ଫୁଲ ଓ ଫଳ ଗଛ ସମସ୍ତଙ୍କୁ ଆକୃଷ୍ଟ କରିଥାଏ। ବଗିଚା କହିଲେ ଆମ ଆଖି ଆଗରେ ନାଚେ ଏମିତି ଗୋଟିଏ ସ୍ଥାନ ଯେଉଁଠାରେ ଭରି ରହିଥିବ ଭଳିକି ଭଳି ଫୁଲ ଓ ଫଳଗଛ । କିନ୍ତୁ କେବେ ସାପ ବଗିଚା କଥା ଭାବିଛନ୍ତି କି। ଏମିତି ଗୋଟିଏ ବଗିଚା ଯେଉଁଠି ଗଛରୁ ସାପ ଓହଳୁ ଥିବେ। ପୁଣି ଏମିତି ସେମିତି ସାପ ନୁହନ୍ତି ଦୁନିଆର କୁଖ୍ୟାତ ବିଶାକ୍ତ ସାପ ସବୁ .. ଯଦି ଆପଣ ଏହାକୁ ମିଛ କଳ୍ପନା ବୋଲି ଭାବୁଛନ୍ତି ତେବେ ଏହା ଭୁଲ। ଆଜି ଆମେ ଆପଣଙ୍କୁ ବିଶ୍ୱର ଏମିତି ଗୋଟିଏ ସ୍ଥାନ ବାବଦରେ କହିବୁ ଯେଉଁଠାରେ ରହିଛି ସାପ ବଗିଚା। ଠିକ୍ ଶୁଣିଲେ ଗୋଟିଏ ବଗିଚା ଯେଉଁଠାରେ ଗଛରୁ ଝୁଲନ୍ତି ବିଶାକ୍ତ ସାପ।

ଆପଣ ଫଳ ବଗିଚା ଦେଖିଥିବେ, କିନ୍ତୁ କେବେ ସାପ ବଗିଚା ଦେଖିଛନ୍ତି କି? ଏହି ଦୃଶ୍ୟ ଏପରି ଯେ ଜଣେ ବ୍ୟକ୍ତି ଥରେ ଦେଖିଲେ ସେ ଅନେକ ରାତି ପର୍ଯ୍ୟନ୍ତ ଠିକ୍ ଭାବରେ ଶୋଇ ପାରିବ ନାହିଁ । ଯେମିତି ଆମ୍ବ-ପିଜୁଳି-ଲିଚୁ ବଗିଚା ଅଛି, ଠିକ୍ ସେହିପରି ଗୋଟିଏ ଦେଶରେ ସାପ ବଗିଚା ମଧ୍ୟ ରହିଛି। ଏମାନଙ୍କ ଡାଳ କେବଳ ସାପରେ ଭରି ରହିଛି। ଏହାର ପ୍ରତ୍ୟେକ ଡାଳରେ ସାପ ଝୁଲୁଥିବା ଦେଖିବାକୁ ମିଳିବ ।

ଆମେ ଯେଉଁ ବଗିଚା ବିଷୟରେ କହୁଛୁ ତାହା ଭିଏତନାମରେ ରହିଛି । ଟାଇ ରାନ୍ ଡୋଙ୍ଗ୍ ତାଙ୍ଗ୍  (ଡୋଙ୍ଗ ଟାମ୍ ସ୍ନେକ୍ ଫାର୍ମ) ନାମକ ଏହି ବଗିଚାରେ ଗଛରେ କେବଳ ସାପ ଦେଖିବାକୁ ମିଳେ। ଏଠାରେ ସାପ ପାଳନ କରାଯାଏ । ଏହି ଫାର୍ମରେ ଔଷଧୀୟ ପଦାର୍ଥ ମଧ୍ୟ ଚାଷ କରାଯାଏ । ମିଳିଥିବା ସୂଚନା ଅନୁଯାୟୀ, ଏହି ବଗିଚାରେ ୪ଶହରୁ ଅଧିକ ପ୍ରକାରର ବିଷାକ୍ତ ସାପ ଅଛନ୍ତି। ସେମାନଙ୍କ ବିଷରୁ ଔଷଧ ତିଆରି କରାଯାଏ ଏବଂ ବିଷକୁ ନିଷ୍କ୍ରିୟ କରିବା ପାଇଁ ପ୍ରତିଷେଧକ ମଧ୍ୟ ପ୍ରସ୍ତୁତ କରାଯାଏ । ପ୍ରତିବର୍ଷ ଲକ୍ଷ ଲକ୍ଷ ପର୍ଯ୍ୟଟକ ଡଙ୍ଗ ଟାମ୍ ସ୍ନେକ ଫାର୍ମକୁ ଯାଇ ଏହି ବିପଜ୍ଜନକ ଦୃଶ୍ୟ ଦେଖନ୍ତି।

ଏହି ଅଜବ ବଗିଚା ଏକ ବଡ଼ ପର୍ଯ୍ୟଟନସ୍ଥଳୀରେ ପରିଣତ ହୋଇଛି। ୧୨ ହେକ୍ଟର ପରିମିତ ଏହି ଫାର୍ମରେ ଆପଣଙ୍କୁ ସମସ୍ତ ପ୍ରକାର ସୁବିଧା ମଧ୍ୟ ମିଳିବ । ପ୍ରତିବର୍ଷ ପ୍ରାୟ ୧୫୦୦ ଲୋକ ସାପ କାମୁଡ଼ିବା ପରେ ଏହି ଫାର୍ମକୁ ଚିକିତ୍ସା ପାଇଁ ଆସନ୍ତି। ପ୍ରତିଦିନ ଏଠାରେ ପ୍ରତିଷେଧକ ପାଇଁ ଗବେଷଣା ଚାଲିଛି। ଏହି କାରଣରୁ ଏଠାରେ ବିଭିନ୍ନ ପ୍ରଜାତିର ବିଷାକ୍ତ ସାପ ପାଳନ କରାଯାଇଛି, ଯାହା ଗଛରେ ଝୁଲୁଛନ୍ତି।