Weather Report: ୧୧ ତାରିଖ ଯାଏ ଘଡ଼ଘଡ଼ି ସହ ପ୍ରବଳ ବର୍ଷା, ଏହି ସବୁ ସ୍ଥାନ ପାଇଁ ଆଲର୍ଟ ଜାରି

Weather Report: ଉତ୍ତରାଖଣ୍ଡର ଅନେକ ସ୍ଥାନରେ ବର୍ଷା ଜାରି ରହିଛି। ନଦୀଗୁଡ଼ିକର ଜଳ ସ୍ଥର ବଢ଼ୁଥିବା ଦେଖିବାକୁ ମିଳିଛି। ଭୂସ୍ଖଳନ ଯୋଗୁଁ ରାସ୍ତାରେ ପଡ଼ିଥିବା ଆବର୍ଜନା ରାଜ୍ୟର ଅନେକ ପ୍ରମୁଖ ରାଜପଥରେ ଯାତାୟତରେ ବ୍ୟାହାତ ସୃଷ୍ଟି ହୋଇଛି। ଏଭଳି ପରିସ୍ଥିତିରେ ଭାରତ ପାଣିପାଗ ବିଭାଗ (IMD) ରାଜ୍ୟ ପାଇଁ ରେଡ୍ ଆଲର୍ଟ ଜାରି କରିଛି। ଆଜି ଉତ୍ତରପ୍ରଦେଶରେ ପ୍ରବଳ ବର୍ଷା ଏବଂ ଗୋଟିଏ କିମ୍ବା ଦୁଇଟି ସ୍ଥାନରେ ଘଡ଼ଘଡ଼ି ସହ ପ୍ରବଳ ବର୍ଷା ହେବ ବୋଲି ବିଭାଗ ପୂର୍ବାନୁମାନ କରିଛି।

Weather Report: ବର୍ଷା ଦେଶର ୧୦ଟି ରାଜ୍ୟରେ ହିମାଚଳ ପ୍ରଦେଶ ଏବଂ ଉତ୍ତରପ୍ରଦେଶରୁ ଆସାମ ପର୍ଯ୍ୟନ୍ତ ନିଜର ପ୍ରଭାବ ଦେଖାଇବାରେ ଲାଗିଛି। ପାହାଡ଼ିଆ ରାଜ୍ୟର ଅନେକ ସ୍ଥାନରେ ଭୂସ୍ଖଳନ ଏବଂ ଅନେକ ସ୍ଥାନରେ ରାସ୍ତା ଭୁଶୁଡ଼ିବା କାରଣରୁ ଯାନବାହାନ ଚଳାଚଳ ବ୍ୟାଘାତ ହୋଇଛି। ସମତଳ ଅଞ୍ଚଳରେ ନଦୀର ଜଳସ୍ତର ବଢ଼ିବାରେ ଲାଗିଛି। ଆସାମରେ ବନ୍ୟା ପରିସ୍ଥିତି ଗୁରୁତର ରହିଛି।ଆସନ୍ତା ଚାରି ରୁ ପାଞ୍ଚ ଦିନ ପର୍ଯ୍ୟନ୍ତ ଉତ୍ତର-ପଶ୍ଚିମରୁ ଉତ୍ତର-ପୂର୍ବ ପର୍ଯ୍ୟନ୍ତ ବିଭିନ୍ନ ରାଜ୍ୟରେ ପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ ଚେତାବନୀ ଦେଇଛି।

ଉତ୍ତରାଖଣ୍ଡର ଅନେକ ସ୍ଥାନରେ ବର୍ଷା ଜାରି ରହିଛି:

ଉତ୍ତରାଖଣ୍ଡର ଅନେକ ସ୍ଥାନରେ ବର୍ଷା ଜାରି ରହିଛି। ନଦୀଗୁଡ଼ିକର ଜଳ ସ୍ଥର ବଢ଼ୁଥିବା ଦେଖିବାକୁ ମିଳିଛି। ଭୂସ୍ଖଳନ ଯୋଗୁଁ ରାସ୍ତାରେ ପଡ଼ିଥିବା ଆବର୍ଜନା ରାଜ୍ୟର ଅନେକ ପ୍ରମୁଖ ରାଜପଥରେ ଯାତାୟତରେ ବ୍ୟାହାତ ସୃଷ୍ଟି ହୋଇଛି। ଏଭଳି ପରିସ୍ଥିତିରେ ଭାରତ ପାଣିପାଗ ବିଭାଗ (IMD) ରାଜ୍ୟ ପାଇଁ ରେଡ୍ ଆଲର୍ଟ ଜାରି କରିଛି। ଆଜି ଉତ୍ତରପ୍ରଦେଶରେ ପ୍ରବଳ ବର୍ଷା ଏବଂ ଗୋଟିଏ କିମ୍ବା ଦୁଇଟି ସ୍ଥାନରେ ଘଡ଼ଘଡ଼ି ସହ ପ୍ରବଳ ବର୍ଷା ହେବ ବୋଲି ବିଭାଗ ପୂର୍ବାନୁମାନ କରିଛି। ଆଇଏମଡି କହିଛି ଯେ ଆସନ୍ତା ପାଞ୍ଚ ଦିନ ମଧ୍ୟରେ ପଶ୍ଚିମ ତଟ, ଉତ୍ତର-ପୂର୍ବ ଏବଂ ପୂର୍ବ ଭାରତ ଏବଂ ଉତ୍ତରପ୍ରଦେଶର ଅନେକ ଭାଗରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ଆଜି ଉତ୍ତରାଖଣ୍ଡର କିଛି ଅଞ୍ଚଳରେ ପ୍ରବଳ ବର୍ଷା ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ। ରାଜ୍ୟ ପାଇଁ ରେଡ ଆଲର୍ଟ ଜାରି କରାଯାଇଛି। ଏଥି ସହିତ ପଡୋଶୀ ଉତ୍ତରପ୍ରଦେଶ, ଅରୁଣାଚଳ ପ୍ରଦେଶ, କେରଳ, ମହାରାଷ୍ଟ୍ର ଏବଂ ଓଡିଶାର କିଛି ସ୍ଥାନରେ ପାଇଁ କମଳା ଆଲର୍ଟ ଜାରି କରାଯାଇଛି। ଏଥି ସହିତ ରାଜସ୍ଥାନ, ମଧ୍ୟପ୍ରଦେଶ, ଦିଲ୍ଲୀ, ହିମାଚଳ ପ୍ରଦେଶ, ତାମିଲନାଡୁ, ଆନ୍ଧ୍ରପ୍ରଦେଶ, ଛତିଶଗଡ, ପଶ୍ଚିମବଙ୍ଗ,ଝାଡ଼ଖଣ୍ଡ ଏବଂ ବିହାର ପାଇଁ ୟେଲୋ ଆଲର୍ଟ ଜାରି କରାଯାଇଛି।

ଏହି ରାଜ୍ୟଗୁଡିକରେ ପ୍ରବଳ ବର୍ଷା:

ହିମାଚଳ ଏବଂ ଉତ୍ତରାଖଣ୍ଡ ବ୍ୟତୀତ ଉତ୍ତରପ୍ରଦେଶ, ବିହାର, ଆସାମ, ଅରୁଣାଚଳ, ମହାରାଷ୍ଟ୍ର, ଗୋଆ, ରାଜସ୍ଥାନ ଏବଂ ଗୁଜୁରାଟରେ ପ୍ରବଳ ବର୍ଷା ହେଉଛି।ରାଜସ୍ଥାନରେ ୨୪ ଘଣ୍ଟା ମଧ୍ୟରେ ୧୪୧ ମିଲିମିଟର ବର୍ଷା ରେକର୍ଡ କରାଯାଇଛି। ଉତ୍ତରପ୍ରଦେଶର ବିଷ୍ଣୁପ୍ରୟାଗରେ ରାସ୍ତାରେ ପଥର ଖସିଯିବା କାରଣରୁ ବଦ୍ରିନାଥ ଜାତୀୟ ରାଜପଥ ରବିବାର ବନ୍ଦ ରହିଥିଲା। ଏହି କାରଣରୁ ସୋମବାର ପର୍ଯ୍ୟନ୍ତ ଚାରିଧାମ ଯାତ୍ରୀଙ୍କୁ ଅଟକାଇ ଦିଆଯାଇଛି। ବର୍ତ୍ତମାନ ରାଜ୍ୟରେ ୯୮ଟି ରୁଟ ବନ୍ଦ ରହିଛି। ଗଙ୍ଗା ଏବଂ ଅଲକନନ୍ଦା ସମେତ ପ୍ରମୁଖ ନଦୀଗୁଡିକର ଜଳ ସ୍ତର ବଢ଼ିଥିବା ଦେଖିବାକୁ ମିଳିଛି। ଗଙ୍ଗାର ଜଳ ସ୍ତର ବିପଦ ସଙ୍କେତଠାରୁ ମାତ୍ର ୮୫ ସେମି ତଳେ ରହିଛି। ପାଣିପାଗ ବିଭାଗ ଅନୁଯାୟୀ, ଜୁଲାଇ ୧୧ ପର୍ଯ୍ୟନ୍ତ ଉତ୍ତରପ୍ରଦେଶ, ୟୁପି, ବିହାରରୁ ଉତ୍ତର-ପୂର୍ବ ପର୍ଯ୍ୟନ୍ତ ପ୍ରବଳ ବର୍ଷା ହେବାର ସମ୍ଭାବନା ରହିଛି।

ହିମାଚଳରେ ୪୧ ଟି ରାସ୍ତା ବନ୍ଦ:

 ହିମାଚଳ ପ୍ରଦେଶରେ ପ୍ରବଳ ବର୍ଷା ଓ ବନ୍ୟା ଯୋଗୁଁ ୪୧ଟି ରାସ୍ତାରେ ଯାତାୟାତ ବନ୍ଦ ରହିଛି। ଅନେକ ସ୍ଥାନରେ ଭୂସ୍ଖଳନ ଯୋଗୁଁ ରାସ୍ତାରେ ଅଳିଆ ଆବର୍ଜନା ପଡ଼ି ରହିଛି। ରବିବାର ଦିନ କୁଲୁରେ ଭୂସ୍ଖଳନ ହେତୁ ଏକ ଗାଇ ଗୁହାଳ ଭୁଶୁଡି ପଡିଛି। ରାଜ୍ୟ ସରକାରଙ୍କ କହିବାନୁସାରେ, ୨୧୨ ବିଦ୍ୟୁତ ଟ୍ରାନ୍ସଫର୍ମର କ୍ଷତିଗ୍ରସ୍ତ ହୋଇଛି ଏବଂ୧୭ଟି ଜଳ ଯୋଗାଣ ଯୋଜନା ମଧ୍ୟ ବ୍ୟାହତ ହୋଇଛି।

ଅନେକ ରାଜ୍ୟରେ ଅବସ୍ଥା ଖରାପ:

ବିହାରରେ ପ୍ରବଳ ବର୍ଷା ହେତୁ କୋସି, ମହାନନ୍ଦା, ବାଗମତି, ଗଣ୍ଡକ ସମେତ ଅନେକ ନଦୀ ବିପଦ ସଙ୍କେତରେ ଉପରେ ପହଞ୍ଚିଛି। ଏଥି ସହିତ ଆସାମରେ ୨୩ ଲକ୍ଷରୁ ଅଧିକ ଲୋକ ପ୍ରଭାବିତ ହୋଇଛନ୍ତି। ମହାରାଷ୍ଟ୍ରର ପାଲଗରରେ ବନ୍ୟାରେ ଫସି ରହିଥିବା ୬୫ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି।

ଦିଲ୍ଲୀ: ଯମୁନା ଜଳ ସ୍ତର ବୃଦ୍ଧି ପାଇବାରେ ଲାଗିଛି:

ବର୍ଷା ହେତୁ ଦିଲ୍ଲୀର ଯମୁନା ନଦୀରର ଜଳ ସ୍ତର ବୃଦ୍ଧି ପାଇବାରେ ଲାଗିଛି, କିନ୍ତୁ ଏପର୍ଯ୍ୟନ୍ତ ବନ୍ୟା ହେବାର ଆଶଙ୍କା ନାହିଁ। ଭଲ କଥା ହେଉଛି ଯେ ରାଜଧାନୀରେ ଜଳ ଅଭାବ ଦୂର ହେବ। ଶୀଘ୍ର ଜଳ ବିଶୋଧନ କାରଖାନା ଯମୁନାଠାରୁ ଅଧିକ ଜଳ ପାଇବା ଆରମ୍ଭ କରିବ।

ମହାରାଷ୍ଟ୍ରରେ ୬୫ ଜଣଙ୍କୁ ଉଦ୍ଧାର କରାଯାଇଛି:

ମହାରାଷ୍ଟ୍ରର ଥାନେ ଏବଂ ପାଲଘର ଜିଲ୍ଲାରେ ବନ୍ୟା ଯୋଗୁଁ ଏନଡିଆରଏଫ ଟିମ୍ ୬୫ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରିଛି। ଥାନେ ଜିଲ୍ଲାର ଏକ ଜଳ ଘେରି ରହିଥିବା ରିସୋର୍ଟରେ ୪୯ ଜଣ ଫସି ରହିଥିଲେ। ଏଥିସହିତ ପ୍ରବଳ ବର୍ଷା ହେତୁ ପାଲଘରର ୧୬ ଜଣ ଗ୍ରାମବାସୀ ପାଣିରେ ଫସି ରହିଥିଲେ। ଡଙ୍ଗା ଏବଂ ଲାଇଫ୍ ଜ୍ୟାକେଟ୍ ସାହାଯ୍ୟରେ ଏନଡିଆରଏଫ୍ ଟିମ୍ ସମସ୍ତଙ୍କୁ ପାଣି ଭିତରୁ ଉଦ୍ଧାର କରିଥିଲେ।