Weather Update: ଆଜିଠୁ ବଢିବ ଶୀତ, କାଁ ଭାଁ ସ୍ଥାନରେ ଅଳ୍ପ ବର୍ଷା ସମ୍ଭାବନା

Weather Update: ରାଜ୍ୟରେ ଜାରି ରହିଛି ଶୀତ ଲହରୀ। ୨ ସପ୍ତାହ ପରେ ରାଜ୍ୟରେ ପାରଦ ପୁଣି ତଳ ମୁହାଁ ହୋଇଛି। ଦିନକରେ ୧୩ଟି ସହରର ତାପମାତ୍ରା ୧୫ ଡିଗ୍ରୀ ସେଲସିୟସ୍ ତଳକୁ ଖସିଆସିଛି। କେନ୍ଦୁଝର ଓ ଅନୁଗୁଳରେ ରାତି ତାପମାତ୍ରା ଦିନକରେ ସର୍ବାଧିକ ୫ ଡିଗ୍ରୀ କମିଛି। ଝାରସୁଗୁଡା ସବୁଠୁ ଥଣ୍ତା ସହର ପାଲଟିଛି। 

ରାଜ୍ୟ ପାଇଁ ପାଣିପାଗ ପୂର୍ବାନୁମାନ ଏବଂ ଚେତାବନୀ |#Odisha #weatherforecast pic.twitter.com/kOPyUdCEOf

— Meteorological Centre, Bhubaneswar (@mcbbsr) December 11, 2024

ସର୍ବନିମ୍ନ ତାପମାତ୍ରା ପୂର୍ବାନୁମାନ |#Odisha #Weather #OdishaWeather #WeatherForecast pic.twitter.com/ctJnTo79ct

— Meteorological Centre, Bhubaneswar (@mcbbsr) December 11, 2024

ମଙ୍ଗଳବାର ଝାରସୁଗୁଡାରେ ରାତି ତାପମାତ୍ରା ସର୍ବନିମ୍ନ ୧୦.୮ ଡିଗ୍ରୀ  ରହିଥିଲା। ସୋମବାର ଏଠାରେ ରାତି ତାପମାତ୍ରା ୧୫.୨ ଡିଗ୍ରୀ ରେକର୍ଡ଼ ହୋଇଥିଲା। କିନ୍ତୁ ୨୪ ଘଣ୍ଟା ପାରଦ ପ୍ରାୟ ୪ ଡିଗ୍ରୀ  ଖସିଯାଇଛି। କେନ୍ଦୁଝରରେ ରାତି ତାପମାତ୍ରା ୧୨.୪ ଡିଗ୍ରୀ ରହିଛି। ୨୪ ଘଣ୍ଟା ତଳେ ଏଠାରେ ତାପମାତ୍ରା ୧୭.୨ ଡିଗ୍ରୀ ଥିଲା।  ଦିନକରେ  ସର୍ବନିମ୍ନ ତାପମାତ୍ରା ୫ ଡିଗ୍ରୀ କମିଛି। କୋରାପୁଟ୍ ରେ ରାତି ତାପମାତ୍ରା ୧୨.୬ ଡିଗ୍ରୀ ରହିଛି।  ଭାବନୀପାଟଣାରେ ୧୩.୧,  ଡିଗ୍ରୀ ରେକର୍ଡ଼ ହୋଇଛି। 

୨୪ ଘଣ୍ଟା ତଳେ , ଅର୍ଥାତ୍ ବୁଧବାର ଏଠାରେ ରାତି ତାପମାତ୍ରା ୧୭ ଡିଗ୍ରୀ ଥିଲା। ଦାରିଙ୍ଗିବାଡିରେ ୧୬ ଡିଗ୍ରୀ ରୁ ଖସି ୧୩.୫ ଡିଗ୍ରୀରେ ପହଞ୍ଚିଛି। ସୁନ୍ଦରଗଡ ଓ ଫୁଲବାଣୀରେ ରାତି ତାପମାତ୍ରା ୧୪ ଡିଗ୍ରୀ ରେକର୍ଡ଼ ହୋଇଛି। ହୀରାକୁଦରେ ୧୪.୭, ତାଳତେରରେ ୧୪.୮, ସୋନପୁରରେ ୧୫, ରାୟଗଡା ଓ ନୂଆପଡାରେ ୧୫.୪, ବୌଦ୍ଧ ଓ କଟକରେ ୧୫.୫ ଡିଗ୍ରୀ ରେକର୍ଡ଼ ହୋଇଛି। ରାଜଧାନୀ ଭୁବନେଶ୍ବରରେ ରାତି ତାପମାତ୍ରା ଦିନକରେ ୩ ଡିଗ୍ରୀ କମିଥିଲେ ବି ୧୮.୨ ଡିଗ୍ରୀ ରହିଥିଲା।  ଆସନ୍ତା ୨୪ ଘଣ୍ଟା ମଧ୍ୟରେ ରାଜ୍ୟରେ କାଁ ଭାଁ ସ୍ଥାନରେ ହାଲୁକା ବର୍ଷା ହେବାର ସମ୍ଭାବନା ରହିଛି। ସେହି ଜିଲ୍ଲା ଗୁଡିକ ହେଲା, ଖୋର୍ଦ୍ଧା, କଟକ, ଢେଙ୍କାନାଳ , ଯାଜପୁର, କେନ୍ଦ୍ରାପଡା, ପୁରୀ ଓ ଜଗତସିଂହପୁର। ତେବେ, ଆସନ୍ତା ୪ ରୁ ୫ ଦିନ ଯାଏଁ ତାପମାତ୍ରାରେ କୌଣସି ପରିବର୍ତ୍ତନ ହେବନି ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି।