Whatsapp chat:ହ୍ୱାଟସଆପରେ କେମିତି ଗୋଟିଏ ଚାଟକୁ ଲକ୍ କରି ଲୁଚାଇ ରଖିବେ ?

Whatsapp chat: ହ୍ୱାଟସଆପ୍ ବ୍ୟବହାର କରୁଥିବା ସମସ୍ତଙ୍କ ମନରେ ଭୟ ଥାଏ ଯେ, କେହି କାଳେ ତାଙ୍କ ଚାଟ୍ ଦେଖିନେବ । ପ୍ରାଇଭେସି ବା ବ୍ୟକ୍ତିଗତ ତଥ୍ୟକୁ ଲୁଚାଇ ରଖିବାରେ ସାହାଯ୍ୟ କରିବା ପାଇଁ ହ୍ୱାଟସଆପ ଆଗରୁ ଚାଟ୍ ହାଇଡ୍ ଓ ଲକ୍ ଅପ୍ସନ ଦେଇଥିଲା । ଏହା ଦ୍ୱାରା ଆପଣ ଗୋଟିଏ କିମ୍ବା ଏକାଧିକ ଚାଟକୁ ଲକ୍ କରି ପାରିବେ । ତେବେ ସମସ୍ୟା ହେଉଛି ଲକ୍ ହେଉଥିବା ଚାଟ୍ ଲକଡ୍ ଚାଟ୍ ନାମରେ ସଭା ଉପରେ ଦେଖାଯାଇଥାଏ । ତେବେ ଏହି ଲକଡ୍ ଚାଟକୁ ମଧ୍ୟ ଲୁଚାଇବାର ବାଟ ଅଛି । ଆଜି ଆମେ ଏହା ବାବଦରେ ଆପଣଙ୍କୁ କହିବୁ । ଆମେ ଆପଣଙ୍କୁ କହିବୁ ଯେ, କେମିତି ଆପଣ ଗୋଟିଏ ଚାଟକୁ ଲକ୍ କରିପାରିବ,ଯେମିତି ଆଉ କେହି ତାକୁ ପଢ଼ି ପାରିବେ ନାହିଁ ଓ କେମିତି ସେହି ଲକଡ୍ ଚାଟକୁ ଲୁଚାଇ ରଖିବେ ।

ଏମିତି କରନ୍ତୁ ଲକ୍

ଯଦି ଆପଣ ହ୍ୱାଟସଆପରେ ନିଜର ବ୍ୟକ୍ତିଗତ ଚାଟ୍ ଲକ୍ କରିବାକୁ ଚାହୁଁଛନ୍ତି, ତେବେ ଆପଣଙ୍କୁ କିଛି ସରଳ ପଦକ୍ଷେପ ଅନୁସରଣ କରିବାକୁ ପଡିବ । ପ୍ରଥମ ପଦକ୍ଷେପ ହେଉଛି ଯେଉଁ ସେହି କଣ୍ଟାକ୍ଟକୁ ଖୋଲନ୍ତୁ ଯାହାକୁ ଆପଣ ଲକ୍ କରିବାକୁ ଚାହୁଁଛନ୍ତି ।  ଚାଟ୍ ଖୋଲିବା ପରେ, ଉପର ଡାହାଣ ପାର୍ଶ୍ୱରେ ଥିବା ତିନୋଟି ବିନ୍ଦୁ ଉପରେ ଟ୍ୟାପ୍ କରିବାକୁ ପଡିବ ।ତାହା ପରେ ଭ୍ୟୁ କଣ୍ଟାକ୍ଟ ଉପରେ କ୍ଲିକ୍ କରନ୍ତୁ ।  ଭ୍ୟୁ କଣ୍ଟାକ୍ଟ ଉପରେ ଟ୍ୟାପ୍ କରିବା ପରେ, ଟିକେ ସ୍କ୍ରୋଲ୍ କରନ୍ତୁ ଏବଂ ଆପଣ ଚାଟ୍ ଲକ୍ ଅପ୍ସନ୍ ଦେଖି ପାରିବେ । ବର୍ତ୍ତମାନ ସେହି ଅପ୍ସନ୍ ଉପରେ କ୍ଲିକ୍ କରନ୍ତୁ ।

ଆପଣ ଚାଟ୍ ଲକ୍ ଅପ୍ସନ୍ ଉପରେ କ୍ଲିକ୍ କରିବା ମାତ୍ରେ, ଆପଣଙ୍କୁ ‘କଣ୍ଟିନିୟୁ’ ବା ଜାରି ରଖନ୍ତୁ ବିକଳ୍ପ ନଜର ଆସିବ ।  ଏହି ବିକଳ୍ପ ଉପରେ କ୍ଲିକ୍ କରିବା ପରେ, ଆପଣ ଫେସ୍ ଲକ୍ କିମ୍ବା ଫିଙ୍ଗର ପ୍ରିଣ୍ଟ ଲକ୍ ସାହାଯ୍ୟରେ ଚାଟ୍ ଲକ୍ କରିପାରିବେ । ଫିଙ୍ଗର ପ୍ରିଣ୍ଟ ସେନସର ମାଧ୍ୟମରେ ଚାଟ୍ ଲକ୍ କରିବାକୁ, ସେନ୍ସର ଉପରେ କ୍ଲିକ୍ କରନ୍ତୁ । ଏହା କରିବା ଦ୍ୱାରା ଆପଣଙ୍କ ଚାଟ୍ ଲକ୍ ହୋଇଯିବ । ଏବେ ଆପଣ ସେହି ଚାଟ୍କୁ ଆପଣଙ୍କ  ଚାଟ୍ ତାଲିକାର ଲକ୍ ହୋଇଥିବା ଚାଟ୍ ବିଭାଗରେ ପାଇବ । ଲକ୍ ଚାଟକୁ ଖୋଲିବା ପାଇଁ  ଆପଣ ଫିଙ୍ଗର ପ୍ରିଣ୍ଟ ସେନସର କିମ୍ବା ଫେସ୍ ଅନଲକ୍ ବୈଶିଷ୍ଟ୍ୟ ବ୍ୟବହାର କରିପାରିବେ ।

ଲକ୍ ହୋଇଥିବା ଚାଟ୍ କିପରି ଲୁଚାଇବେ?

ଚାଟ୍ ଲକ୍ ହେବା ପରେ ଏହା  କିନ୍ତୁ  ଆପଣ ଚାଟ୍ ତାଲିକାର ଶୀର୍ଷରେ ଦୃଶ୍ୟମାନ ହେବ । ଯଦି ଆପଣ ଏହାକୁ ଲୁଚାଇବାକୁ ଚାହୁଁଛନ୍ତି ତେବେ ଏଥିପାଇଁ ଆପଣଙ୍କୁ କେବଳ ଥରେ ଲକ୍ ହୋଇଥିବା ଚାଟ୍ ଖୋଲିବାକୁ ପଡିବ ।  ଲକ୍ ହୋଇଥିବା ଚାଟ୍ ଖୋଲିବା ମାତ୍ରେ, ଉପରେ ଡାହଣ ପାର୍ଶ୍ୱରେ ଥିବା ତିନୋଟି ବିନ୍ଦୁ ଉପରେ କ୍ଲିକ୍ କରନ୍ତୁ । ତିନୋଟି ବିନ୍ଦୁ ଉପରେ କ୍ଲିକ୍ କରିବା ପରେ, ଆପଣ ଚାଟ୍ ଲକ୍ ସେଟିଙ୍ଗ୍ ଅପ୍ସନ୍ ପାଇବେ । ଏହି ଅପ୍ସନ୍ ଉପରେ ଟ୍ୟାପ୍ କରିବା ମାତ୍ରେ ଆପଣ ଦୁଇଟି ଅପ୍ସନ୍ ପାଇବ । ପ୍ରଥମ ବିକଳ୍ପ ହେଉଛି ଲକ୍ ହୋଇଥିବା ଚାଟ୍ ଲୁଚାନ୍ତୁ ଏବଂ ଦ୍ୱିତୀୟ ବିକଳ୍ପ ହେଉଛି ସିକ୍ରେଟ୍ କୋଡ୍ । ଲକ୍ ହୋଇଥିବା ଚାଟ୍ ଲୁଚାଇବାକୁ, ଆପଣଙ୍କୁ ଉଭୟ ଅପ୍ସନ୍ ସିଲେକ୍ଟ କରିବାକୁ ପଡିବ । ହାଇଡ୍ ଲକଡ୍ ଚାଟ୍ ଅପ୍ସନକୁ ସିଲେକ୍ଟ କରିବା ସହିତ  ସିକ୍ରେଟ୍ କୋଡ୍ ଅପ୍ସନକୁ ମଧ୍ୟ ସିଲେକ୍ଟ କରନ୍ତୁ ।

ସିକ୍ରେଟ୍ କୋଡ୍ ଟ୍ୟାପ୍ କରିବା ପରେ, ଆପ୍ ଆପଣଙ୍କୁ ଗୁପ୍ତ କୋଡ୍ ତିଆରି କରିବାକୁ କହିବ ।  ଗୁପ୍ତ କୋଡ୍ ତିଆରି କରିବା ଏବଂ ଲକ୍ ହୋଇଥିବା ଚାଟ୍ଗୁଡ଼ିକୁ ଲୁଚାଇବା ପରେ, ଆପଣଙ୍କୁ  ଆଉ ଚାଟ୍ ତାଲିକାରେ ଲକ୍ ହୋଇଥିବା ଚାଟ୍ ବିଭାଗ ଦେଖିବେ ନାହିଁ । ଏହାର ଅର୍ଥ ହେଉଛି ଆପଣଙ୍କର ଲକ୍ ହୋଇଥିବା ଚାଟ୍ ମଧ୍ୟ ଅଦୃଶ୍ୟ ହୋଇଯିବ ।

କେମିତି ଖୋଜିବେ ଚାଟ୍ ?

ଯଦି ଆପଣ  ଲକ୍ ହୋଇଥିବା ଚାଟ୍ ଖୋଜିବାକୁ ଚାହାଁନ୍ତି, ତେବେ ଆପ୍ ଖୋଲିବା ପରେ ଆପଣଙ୍କୁ  ସର୍ଚ୍ଚ ଅପସନରେ  ଆପଣଙ୍କର ଗୁପ୍ତ କୋଡ୍ ଟାଇପ୍ କରି ଖୋଜିବାକୁ ପଡିବ । ସିକ୍ରେଟ୍ କୋଡ୍ ଟାଇପ୍ କରିବା ପରେ ଲକ୍ ହୋଇଥିବା ଚାଟ୍ ଦେଖାଯିବ ।