Cyber Crime: ਦੇਸ਼ ਦਾ ਸਭ ਤੋਂ ਵੱਡਾ ਡਾਟਾ ਲੀਕ ਸਕੈਂਡਲ; ਕਰੋੜਾਂ ਵੱਟਸਐਪ ਅਤੇ ਫੇਸਬੁੱਕ ਯੂਜ਼ਰ ਹੋਏ ਸ਼ਿਕਾਰ!

Cyber Crime: 12 ਮਿਲੀਅਨ ਵਟਸਐਪ ਉਪਭੋਗਤਾਵਾਂ ਅਤੇ 1.7 ਮਿਲੀਅਨ ਫੇਸਬੁੱਕ ਉਪਭੋਗਤਾਵਾਂ ਦਾ ਡੇਟਾ ਲੀਕ ਸਕੈਂਡਲ ਦਾ ਪਰਦਾਫਾਸ਼ ਹੋਇਆ ਹੈ। ਇਸ ਮਾਮਲੇ ਵਿੱਚ ਸੱਤ ਲੋਕਾਂ ਨੂੰ ਗ੍ਰਿਫ਼ਤਾਰ ਵੀ ਕੀਤਾ ਗਿਆ ਹੈ। ਸਾਈਬਰ ਪੁਲਿਸ ਮੁਤਾਬਕ ਇਸ ਡਾਟਾ ਲੀਕ 'ਚ ਸਰਕਾਰੀ ਅਤੇ ਗੈਰ-ਸਰਕਾਰੀ ਦੇ ਕਰੀਬ 16.8 ਕਰੋੜ ਖਾਤਿਆਂ ਦਾ ਡਾਟਾ ਚੋਰੀ ਹੋਇਆ ਹੈ।

Cyber Crime: ਹੁਣ ਤੱਕ ਦਾ ਸਭ ਤੋਂ ਵੱਡਾ ਸੋਸ਼ਲ ਮੀਡੀਆ ਡਾਟਾ ਲੀਕ ਸਕੈਂਡਲ ਦਾ ਪਰਦਾਫਾਸ਼ ਹੋਇਆ ਹੈ। ਇਸ ਮਾਮਲੇ ਵਿੱਚ ਸੱਤ ਲੋਕਾਂ ਨੂੰ ਗ੍ਰਿਫ਼ਤਾਰ ਵੀ ਕੀਤਾ ਗਿਆ ਹੈ। ਸਾਈਬਰ ਪੁਲਿਸ ਮੁਤਾਬਕ ਇਸ ਡਾਟਾ ਲੀਕ 'ਚ ਸਰਕਾਰੀ ਅਤੇ ਗੈਰ-ਸਰਕਾਰੀ ਦੇ ਕਰੀਬ 16.8 ਕਰੋੜ ਖਾਤਿਆਂ ਦਾ ਡਾਟਾ ਚੋਰੀ ਹੋਇਆ ਹੈ। ਇਸ ਵਿੱਚ 2.55 ਲੱਖ ਫੌਜੀ ਅਧਿਕਾਰੀਆਂ ਦਾ ਡਾਟਾ ਵੀ ਸ਼ਾਮਲ ਹੈ। ਇਸ ਡੇਟਾ ਲੀਕ ਨੂੰ ਦੇਸ਼ ਦਾ ਸਭ ਤੋਂ ਵੱਡਾ ਡੇਟਾ ਲੀਕ ਮਾਮਲਾ ਕਿਹਾ ਜਾ ਰਿਹਾ ਹੈ।

ਦੱਸ ਦੇਈਏ ਕਿ ਇਸ ਪੂਰੇ ਗੈਂਗ ਨੂੰ ਤੇਲੰਗਾਨਾ ਦੀ ਸਾਈਬਰ ਪੁਲਿਸ ਨੇ ਗਿਰਫ਼ਤਾਰ ਕੀਤਾ ਹੈ। ਇਹ ਲੋਕ 140 ਵੱਖ-ਵੱਖ ਸ਼੍ਰੇਣੀਆਂ 'ਚ ਡਾਟਾ ਵੇਚ ਰਹੇ ਸਨ। ਇਸ ਵਿੱਚ ਫੌਜ ਦੇ ਜਵਾਨਾਂ ਦੇ ਡੇਟਾ ਤੋਂ ਇਲਾਵਾ ਦੇਸ਼ ਦੇ ਕਈ ਲੋਕਾਂ ਦੇ ਟੈਲੀਫੋਨ ਨੰਬਰ, NEET ਦੇ ਵਿਦਿਆਰਥੀਆਂ ਦੀ ਨਿੱਜੀ ਜਾਣਕਾਰੀ ਆਦਿ ਸ਼ਾਮਲ ਹੈ। ਇਹ ਜਾਣਕਾਰੀ ਸਾਈਬਰਾਬਾਦ ਦੇ ਪੁਲਿਸ ਕਮਿਸ਼ਨਰ ਐਮ ਸਟੀਫਨ ਰਵਿੰਦਰਾ ਨੇ ਦਿੱਤੀ ਹੈ।

ਇਹ ਵੀ ਪੜ੍ਹੋ: Harjot Bains Wedding News: ਵਿਆਹ ਦੇ ਬੰਧਨ 'ਚ ਬੱਝੇ ਹਰਜੋਤ ਬੈਂਸ-IPS ਜੋਤੀ ਯਾਦਵ, ਵੇਖੋ ਪਹਿਲੀ ਤਸਵੀਰ

ਇਸ ਮਾਮਲੇ 'ਚ ਦਿੱਲੀ ਤੋਂ 7 ਡਾਟਾ ਬ੍ਰੋਕਰਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਸਾਰੇ ਮੁਲਜ਼ਮ ਨੋਇਡਾ ਵਿੱਚ ਇੱਕ ਕਾਲ ਸੈਂਟਰ ਰਾਹੀਂ ਡਾਟਾ ਇਕੱਠਾ ਕਰ ਰਹੇ ਸਨ। ਮੁਲਜ਼ਮਾਂ ਨੇ ਇਹ ਵੀ ਕਬੂਲ ਕੀਤਾ ਹੈ ਕਿ ਇਹ ਚੋਰੀ ਕੀਤਾ ਹੋਇਆ ਡਾਟਾ 100 ਸਾਈਬਰ ਠੱਗਾਂ ਨੂੰ ਵੀ ਵੇਚਿਆ ਗਿਆ ਹੈ।

ਇਸ ਡੇਟਾ ਲੀਕ ਵਿੱਚ 12 ਮਿਲੀਅਨ ਵਟਸਐਪ ਉਪਭੋਗਤਾਵਾਂ ਅਤੇ 1.7 ਮਿਲੀਅਨ ਫੇਸਬੁੱਕ ਉਪਭੋਗਤਾਵਾਂ ਦਾ ਡੇਟਾ ਸ਼ਾਮਲ ਹੈ। ਫੌਜ ਦੇ ਜਵਾਨਾਂ ਦੇ ਡੇਟਾ ਵਿੱਚ ਉਨ੍ਹਾਂ ਦਾ ਮੌਜੂਦਾ ਰੈਂਕ, ਈ-ਮੇਲ ਆਈਡੀ, ਤਾਇਨਾਤੀ ਦਾ ਸਥਾਨ ਆਦਿ ਸ਼ਾਮਲ ਹੁੰਦਾ ਹੈ। ਇਹ ਡੇਟਾ ਫੌਜ ਦੀ ਜਾਸੂਸੀ ਲਈ ਵਰਤਿਆ ਜਾ ਸਕਦਾ ਹੈ। ਪੁਲਿਸ ਰਿਪੋਰਟ ਮੁਤਾਬਕ ਦੋਸ਼ੀਆਂ ਨੇ 50,000 ਲੋਕਾਂ ਦਾ ਡਾਟਾ ਮਹਿਜ਼ 2,000 ਰੁਪਏ ਵਿੱਚ ਵੇਚ ਦਿੱਤਾ ਹੈ।

ਡੀਸੀਪੀ ਨੇ ਇਸ ਮਾਮਲੇ 'ਤੇ ਕਿਹਾ ਕਿ ਸਾਈਬਰਾਬਾਦ ਪੁਲਿਸ ਦੇ ਸਾਈਬਰ ਕ੍ਰਾਈਮ ਵਿੰਗ ਕੋਲ ਗੁਪਤ ਅਤੇ ਸੰਵੇਦਨਸ਼ੀਲ ਡੇਟਾ ਦੀ ਵਿਕਰੀ ਅਤੇ ਖਰੀਦ ਦੇ ਸੰਬੰਧ ਵਿੱਚ ਇੱਕ ਸ਼ਿਕਾਇਤ ਦਰਜ ਕੀਤੀ ਗਈ ਸੀ, ਹਾਲਾਂਕਿ ਪੁਲਿਸ ਇਸ ਗੱਲ ਦੀ ਜਾਂਚ ਕਰ ਰਹੀ ਹੈ ਕਿ ਸਾਈਬਰ ਅਪਰਾਧੀਆਂ ਨੇ ਇਹ ਕਿਵੇਂ ਕੀਤਾ। ਡਾਟਾ ਤੱਕ ਪਹੁੰਚ ਕਿਵੇਂ ਕਰ ਰਹੇ ਸਨ। ਪੁਲਿਸ ਪਿਛਲੇ ਦੋ ਮਹੀਨਿਆਂ ਤੋਂ ਇਸ ਮਾਮਲੇ 'ਤੇ ਕੰਮ ਕਰ ਰਹੀ ਸੀ।

ਇਹ ਵੀ ਪੜ੍ਹੋ: Twitter Update: ਟਵਿੱਟਰ 'ਤੇ ਮੁਫ਼ਤ ਬਲੂ ਟਿੱਕ ਇਸ ਦਿਨ ਤੋਂ ਹੋਵੇਗਾ ਬੰਦ! ਦੇਣੀ ਪਏਗੀ ਫੀਸ

ਇਸ ਤੋਂ ਪਹਿਲਾਂ ਨਵੰਬਰ 2022 'ਚ ਭਾਰਤ, ਅਮਰੀਕਾ, ਸਾਊਦੀ ਅਰਬ ਅਤੇ ਮਿਸਰ ਸਮੇਤ 84 ਦੇਸ਼ਾਂ ਦੇ ਵਟਸਐਪ ਯੂਜ਼ਰਸ ਦਾ ਡਾਟਾ ਲੀਕ ਹੋਇਆ ਸੀ ਅਤੇ ਇਹ ਡਾਟਾ ਆਨਲਾਈਨ ਵੇਚਿਆ ਗਿਆ ਸੀ। ਦੁਨੀਆ ਭਰ ਦੇ ਲਗਭਗ 487 ਮਿਲੀਅਨ ਵਟਸਐਪ ਉਪਭੋਗਤਾਵਾਂ ਦਾ ਡੇਟਾ ਹੈਕ ਕੀਤਾ ਗਿਆ ਸੀ। ਹੈਕ ਕੀਤੇ ਗਏ ਡੇਟਾ ਵਿੱਚ 84 ਦੇਸ਼ਾਂ ਦੇ ਵਟਸਐਪ ਉਪਭੋਗਤਾਵਾਂ ਦੇ ਮੋਬਾਈਲ ਨੰਬਰ ਵੀ ਸ਼ਾਮਲ ਸਨ, ਜਿਨ੍ਹਾਂ ਵਿੱਚੋਂ 61.62 ਲੱਖ ਫੋਨ ਨੰਬਰ ਭਾਰਤੀਆਂ ਦੇ ਸਨ।