7th Pay Commission : ಕೇಂದ್ರ ನೌಕರರ ಮುಂದಿನ ತಿಂಗಳು ಸಂಬಳದಲ್ಲಿ ₹4500 ಹೆಚ್ಚಳ : ಅದಕ್ಕೆ ಈ ಕೆಲಸ ಮಾಡಿ ಸಾಕು!

ನವದೆಹಲಿ : ಕೇಂದ್ರ ನೌಕರರಿಗೆ ಮಹತ್ವದ ಸುದ್ದಿಯೊಂದು ಹೊರ ಬಿದ್ದಿದೆ. ನಿಮ್ಮ ವೇತನದಲ್ಲಿ 4,500 ರೂ.ವರೆಗೆ ಲಾಭ ಪಡೆಯಬಹುದು. ಇದಕ್ಕಾಗಿ, ನೀವು ಮಾರ್ಚ್ 31 ರ ಮೊದಲು ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕು.

ಮಾರ್ಚ್ 31 ರವರೆಗೆ ಕ್ಲೈಮ್ ಮಾಡಬಹುದು

ಕೇಂದ್ರ ನೌಕರರು ಮಕ್ಕಳ ಶಿಕ್ಷಣ ಭತ್ಯೆಯನ್ನು (CEA) ಪಡೆಯುತ್ತಾರೆ, ಆದರೆ ಕರೋನಾ ಕಾರಣದಿಂದಾಗಿ ಪಡೆಯಲು ಸಾಧ್ಯವಾಗಿರಲಿಲ್ಲ. ಅಂತಹ ನೌಕರರಿಗೆ ಈಗ ಕೊನೆಯ ಅವಕಾಶ ಸಿಕ್ಕಿದೆ. ನೀವು ಮಾರ್ಚ್ 31, 2022 ರವರೆಗೆ ಅಧಿಕೃತ ದಾಖಲೆಗಳಿಲ್ಲದೆ ತಮ್ಮ CEA ಅನ್ನು ಕ್ಲೈಮ್ ಮಾಡಬಹುದು.

ಇದನ್ನೂ ಓದಿ : Ration card - Aadhaar ಲಿಂಕ್ : ಗಡುವು ಜೂ.30 ರವರೆಗೆ ವಿಸ್ತರಣೆ, ಲಿಂಕ್ ಮಾಡುವುದು ಹೇಗೆ? ಇಲ್ಲಿದೆ

ಮಕ್ಕಳ ಶಿಕ್ಷಣಕ್ಕೆ ಭತ್ಯೆ

7ನೇ ವೇತನ ಆಯೋಗ(7th Pay Commission)ದ ಶಿಫಾರಸುಗಳ ಪ್ರಕಾರ ಕೇಂದ್ರ ನೌಕರರು ಮಕ್ಕಳ ಶಿಕ್ಷಣಕ್ಕಾಗಿ ತಿಂಗಳಿಗೆ 2,250 ರೂ.ಗಳ ಮಕ್ಕಳ ಶಿಕ್ಷಣ ಭತ್ಯೆಯನ್ನು ಪಡೆಯುತ್ತಾರೆ. ಇಬ್ಬರು ಮಕ್ಕಳಿಗೆ ಮಕ್ಕಳ ಶಿಕ್ಷಣ ಭತ್ಯೆಯಾಗಿ ನೌಕರರು ತಿಂಗಳಿಗೆ 4500 ರೂಪಾಯಿಗಳನ್ನು ಪಡೆಯಬಹುದು.

ಎರಡನೇ ಮಗು ಅವಳಿ ಮಕ್ಕಳಾಗಿದ್ದರೆ, ಮೊದಲ ಮಗುವಿನೊಂದಿಗೆ ಅವಳಿ ಮಕ್ಕಳ ಶಿಕ್ಷಣಕ್ಕಾಗಿ ನೌಕರರಿಗೆ ಭತ್ಯೆ ನೀಡಲಾಗುತ್ತದೆ.

ಮಾರ್ಚ್ ತಿಂಗಳ ಸಂಬಳಕ್ಕೆ ಸೇರುತ್ತೆ 4500 ರೂ.  

ಎರಡು ಶೈಕ್ಷಣಿಕ ಕ್ಯಾಲೆಂಡರ್‌ಗಳ ಪ್ರಕಾರ ಮಗುವಿಗೆ 4500 ರೂ. ನೌಕರನು(Central Government Employees) ಮಾರ್ಚ್ 2020 ಮತ್ತು ಮಾರ್ಚ್ 2021 ಎರಡನ್ನು ಕ್ಲೈಮ್ ಮಾಡದಿದ್ದರೆ, ಅವರು ಎರಡು ಕ್ಲೈಮ್ ಮಾಡಬಹುದು. ಇದು ನಿಮ್ಮ ಮಾರ್ಚ್ 2021 ರ ಸಂಬಳದಲ್ಲಿ 4500 ರೂ. ಸೇರಿ ಬರಲಿದೆ. 

ಇದನ್ನೂ ಓದಿ : Aadhaarಗೆ ಸಂಬಂಧಿಸಿದ ಈ ಕೆಲಸ ಮುಗಿಸದೇ ಹೋದರೆ ಬೀಳಲಿದೆ ಭಾರೀ ದಂಡ ..!

ಮಕ್ಕಳ ಶಿಕ್ಷಣ ಭತ್ಯೆ(Children Education Allowance)ಯನ್ನು ಪಡೆಯಲು, ನೌಕರರು ಮಗುವಿನ ಶಾಲಾ ಪ್ರಮಾಣಪತ್ರ ಮತ್ತು ದಾಖಲಾತಿಗಳನ್ನು ಸಲ್ಲಿಸಬೇಕು. ಶಾಲೆಯಿಂದ ಸ್ವೀಕರಿಸಿದ ಘೋಷಣೆಯಲ್ಲಿ, ಮಗು ತಮ್ಮ ಸಂಸ್ಥೆಯಲ್ಲಿ ಓದುತ್ತಾನೆ/ಓದುತ್ತಾಳೆ ಮತ್ತು ಅವನು ವಿದ್ಯಾರ್ಥಿ ಎಂದು ಬರೆದಿರಬೇಕು. ಅಲ್ಲದೆ ಅವರು ಯಾವ ಶೈಕ್ಷಣಿಕ ವರ್ಷದಲ್ಲಿ ಅಧ್ಯಯನ ಮಾಡುತ್ತಿದ್ದಾರೆ ಎಂಬುವುದನ್ನು ಕೂಡ ಅದರಲ್ಲಿ ತಿಳಿಸಿರಬೇಕು.