7th Pay Commission Update: ಸರ್ಕಾರಿ ನೌಕರರ ತುಟ್ಟಿಭತ್ಯೆಯಲ್ಲಿ ಶೇ.4 ರಷ್ಟು ಹೆಚ್ಚಳ ಬಹುತೇಕ ಪಕ್ಕಾ! ಹೊಸ ಅಪ್ಡೇಟ್ ಇಲ್ಲಿದೆ

ನವದೆಹಲಿ: ಕೇಂದ್ರ ಸರ್ಕಾರಿ ನೌಕರರಿಗೊಂದು ಸಂತಸದ ಸುದ್ದಿ ಪ್ರಕಟವಾಗಿದೆ. ಹೌದು, ಅವರ ತುಟ್ಟಿ ಭತ್ಯೆಯಲ್ಲಿ ಶೇ 4ರಷ್ಟು ಹೆಚ್ಚಳವಾಗುವುದು ಬಹುತೇಕ ಖಚಿತವಾಗಿದೆ. ಜನವರಿ 31 ರಂದು, ತುಟ್ಟಿಭತ್ಯೆ ಶೇಕಡಾ 50 ಕ್ಕೆ ತಲುಪಿದೆ ಎಂಬುದನ್ನು ಖಚಿತಪಡಿಸಲಾಗುವುದು. 2024 ರಲ್ಲಿ ತುಟ್ಟಿಭತ್ಯೆ ಮೊದಲ ಬಾರಿಗೆ ಹೆಚ್ಚಾಗುತ್ತಿದೆ. ಆದರೆ, ಸರ್ಕಾರದ ಘೋಷಣೆಗಾಗಿ ಮಾರ್ಚ್‌ವರೆಗೆ ಕಾಯಬೇಕು. ಹಣದುಬ್ಬರದ ಅಂಕಿಅಂಶಗಳು ಬಂದ ನಂತರ, ಭತ್ಯೆ ಎಷ್ಟು ಹೆಚ್ಚಾಗಬೇಕು ಎಂಬುದು ತಿಳಿಯುತ್ತದೆ. ತುಟ್ಟಿಭತ್ಯೆಯಲ್ಲಿ ಶೇ.4ರಷ್ಟು ಹೆಚ್ಚಳವಾಗಲಿದ್ದು, ಶೇ.50ಕ್ಕೆ ತಲುಪಲಿದೆ ಎಂಬುದು ಈವರೆಗಿನ ಅಂಕಿ ಅಂಶಗಳಿಂದ ಸ್ಪಷ್ಟವಾಗಿದೆ. ಆದರೆ, ಸರ್ಕಾರದ ಅನುಮೋದನೆಯ ನಂತರವೇ ನೌಕರರಿಗೆ ಇದು ಜಾರಿಯಾಗುತ್ತದೆ. ಸರ್ಕಾರವು ಸಾಮಾನ್ಯವಾಗಿ ಎರಡು ತಿಂಗಳ ಅಂತರದ ನಂತರ ತುಟ್ಟಿ ಭತ್ಯೆ ಹೆಚ್ಚಳವನ್ನು ಅನುಮೋದಿಸುತ್ತದೆ. (Business News In Kannada)

ತುಟ್ಟಿಭತ್ಯೆ ಶೇ 4 ರಷ್ಟು ಹೆಚ್ಚಾಗಲಿದೆ
ಕೇಂದ್ರ ಸರ್ಕಾರಿ ನೌಕರರಿಗೆ ತುಟ್ಟಿಭತ್ಯೆಯ ಅಂಕಿ ಅಂಶವು ಎಐಸಿಪಿಐ ಸೂಚ್ಯಂಕ ಸಂಖ್ಯೆಯನ್ನು ಆಧರಿಸಿರುತ್ತದೆ. ಇದು ಅರ್ಧ ವಾರ್ಷಿಕ ಆಧಾರದ ಮೇಲೆ ವರ್ಷಕ್ಕೆ ಎರಡು ಬಾರಿ ನೀಡಲಾಗುತ್ತದೆ. ಮೊದಲನೆಯದು ಜನವರಿಯಿಂದ ಜೂನ್ ವರೆಗೆ ಮತ್ತು ಎರಡನೆಯದು ಜುಲೈನಿಂದ ಡಿಸೆಂಬರ್ ವರೆಗೆ. ಜನವರಿ ಮತ್ತು ಜೂನ್ ನಡುವಿನ ಸಂಖ್ಯೆಗಳು ಜುಲೈನಿಂದ ಎಷ್ಟು ತುಟ್ಟಿಭತ್ಯೆಯನ್ನು ಹೆಚ್ಚಿಸುತ್ತವೆ ಎಂಬುದನ್ನು ನಿರ್ಧರಿಸುತ್ತದೆ. ಇದೇ ವೇಳೆ, ಜುಲೈನಿಂದ ಡಿಸೆಂಬರ್ ವರೆಗಿನ ಅಂಕಿಅಂಶಗಳು ಜನವರಿಯಲ್ಲಿ ತುಟ್ಟಿಭತ್ಯೆ ಎಷ್ಟು ಹೆಚ್ಚಾಗುತ್ತದೆ ಎಂಬುದನ್ನು ನಿರ್ಧರಿಸುತ್ತವೆ. ಇಲ್ಲಿಯವರೆಗೆ ನವೆಂಬರ್ ಎಐಸಿಪಿಐ ಸೂಚ್ಯಂಕದ ಸಂಖ್ಯೆಗಳು ಬಂದಿವೆ. ಸೂಚ್ಯಂಕದಲ್ಲಿ 0.7 ಅಂಕಗಳ ಏರಿಕೆ ಕಂಡು 139.1 ಅಂಕಗಳಿಗೆ ತಲುಪಿದೆ. ಡಿಎ ಕ್ಯಾಲ್ಕುಲೇಟರ್ ಪ್ರಕಾರ, ಸೂಚ್ಯಂಕದ ಆಧಾರದ ಮೇಲೆ ತುಟ್ಟಿ ಭತ್ಯೆ 49.68 ಪ್ರತಿಶತ ಡಾಲುಪಲ್ಲಿದೆ. ದಶಮಾಂಶದ ನಂತರದ ಅಂಕೆಯು 0.50 ಕ್ಕಿಂತ ಹೆಚ್ಚಿರುವುದರಿಂದ, ಅದನ್ನು ಶೇಕಡಾ 50 ಎಂದು ಪರಿಗಣಿಸಲಾಗುತ್ತದೆ. ಹೀಗಿರುವಾಗ 4 ಪ್ರತಿಶತದಷ್ಟು ಹೆಚ್ಚಳ ಬಹುತೇಕ ಪಕ್ಕಾ ಎಂದರೆ ತಪ್ಪಾಗಲಾರದು. 

ಡಿಸೆಂಬರ್ ಸೂಚ್ಯಂಕದಿಂದ ಡಿಎ ಅಂತಿಮಗೊಳ್ಳಲಿದೆ
ನವೆಂಬರ್ ಸಂಖ್ಯೆಗಳು ತುಟ್ಟಿ ಭತ್ಯೆ ಶೇ. 50ರಷ್ಟಾಗಲಿದೆ ಎಂಬುದನ್ನು ಸೂಚಿಸುತ್ತವೆ. ಅದರಲ್ಲಿಯೂ ಕೂಡ, ಡಿಸೆಂಬರ್ ಸಂಖ್ಯೆ ಇನ್ನೂ ಪ್ರಕಟಗೊಂಡಿಲ್ಲ. ಹೀಗಿರುವಾಗ ಸೂಚ್ಯಂಕವು 1 ಪಾಯಿಂಟ್ ಹೆಚ್ಚಿದರೂ, ತುಟ್ಟಿಭತ್ಯೆ ಕೇವಲ 50.40 ಪ್ರತಿಶತವನ್ನು ತಲುಪುತ್ತದೆ. ಇಂತಹ ಪರಿಸ್ಥಿತಿಯಲ್ಲಿಯೂ ಸಹ, ತುಟ್ಟಿಭತ್ಯೆ 50 ಪ್ರತಿಶತ ಇರುತ್ತದೆ. ಸೂಚ್ಯಂಕವು 2 ಪಾಯಿಂಟ್‌ಗಳಷ್ಟು ಏರಿಕೆಯಾದರೂ, ಡಿಎ ಕೇವಲ 50.49 ಪ್ರತಿಶತವನ್ನು ತಲುಪುತ್ತದೆ, ಆಗಲೂ ಅದು ದಶಮಾಂಶ ಆಧಾರದ ಮೇಲೆ 50 ಪ್ರತಿಶತ ಇರುತ್ತದೆ. ಹಾಗಾಗಿ ಈ ಬಾರಿಯೂ ತುಟ್ಟಿಭತ್ಯೆಯಲ್ಲಿ ಶೇ.4ರಷ್ಟು ಮಾತ್ರ ಹೆಚ್ಚಳವಾಗಿರುವುದು ಖಚಿತವಾಗಿದೆ. ಆದರೆ, ಅಂತಿಮ ಅಂಕಿಗಾಗಿ ನಾವು ಡಿಸೆಂಬರ್ ಸಂಖ್ಯೆಗಳಿಗಾಗಿ ಕಾಯಬೇಕಾಗಿದೆ.

ಇದನ್ನೂ ಓದಿ-Pension Scheme: ಅರೇ...ವ್ಹಾ....! ಇನ್ಮುಂದೆ ಈ ರಾಜ್ಯದ ವೃದ್ಧರಿಗೆ 50ನೇ ಸಿಗಲಿದೆ ಪಿಂಚಣಿ ಲಾಭ!

ಜುಲೈನಿಂದ ಡಿಸೆಂಬರ್ ವರೆಗಿನ ಸೂಚ್ಯಂಕವನ್ನು ನೋಡೋಣ
ಜುಲೈ 2023              139.7         47.14
ಆಗಸ್ಟ್ 2023             139.2         47.97
ಸೆಪ್ಟೆಂಬರ್ 2023         137.5         48.54
ಅಕ್ಟೋಬರ್ 2023        138.4         49.08
ನವೆಂಬರ್ 2023          139.1         49.68
ಡಿಸೆಂಬರ್ 2023          141.1         50.49

ಇದನ್ನೂ ಓದಿ-Ram Mandir: ಅಂಬಾನಿಯಿಂದ ಹಿಡಿದು ಅಡಾಣಿವರೆಗೆ ರಾಮ ಮಂದಿರಕ್ಕೆ ಯಾರು ಎಷ್ಟು ದೇಣಿಗೆ ನೀಡಿದ್ದಾರೆ?

50 ಪ್ರತಿಶತದ ಏರಿಕೆಯ ನಂತರ ತುಟ್ಟಿಭತ್ಯೆ ಮತ್ತೆ ಶೂನ್ಯವಾಗುತ್ತದೆ 
7 ನೇ ವೇತನ ಆಯೋಗದ ಅಡಿಯಲ್ಲಿ, ಕೇಂದ್ರ ನೌಕರರು ಜನವರಿ 2024 ರಿಂದ ಶೇಕಡಾ 50 ರಷ್ಟು ಡಿಎ ಪಡೆಯುತ್ತಾರೆ. ಆದರೆ, ಇದಾದ ನಂತರ ತುಟ್ಟಿ ಭತ್ಯೆ ಶೂನ್ಯಕ್ಕೆ ಇಳಿಯಲಿದೆ. ಇದರ ನಂತರ ತುಟ್ಟಿಭತ್ಯೆಯ ಲೆಕ್ಕಾಚಾರವು ಮತ್ತೊಮ್ಮೆ 0 ದಿಂದ ಪ್ರಾರಂಭಿಸಲಾಗುತ್ತದೆ ಮತ್ತು 50ರಷ್ಟು ಡಿಎಯನ್ನು ನೌಕರರ ಮೂಲ ವೇತನಕ್ಕೆ ಸೇರಿಸಲಾಗುತ್ತದೆ.  ಅರ್ಥಾತ್ ನೌಕರನ ವೇತನ ಬ್ಯಾಂಡ್ ಪ್ರಕಾರ ಕನಿಷ್ಠ ಮೂಲ ವೇತನವು 18000 ರೂ ಆಗಿದ್ದರೆ, ಅದರ ಶೇ. 50 ರಷ್ಟು ಅಂದರೆ ರೂ. 9000 ನೌಕರರ ಮೂಲ ವೇತನಕ್ಕೆ ಸೇರ್ಪಡೆಯಾಗಿ, ಕನಿಷ್ಠ ಮೂಲ ವೇತನ ರೂ 18000 ದಿಂದ 27,000ಕ್ಕೆ ಹೆಚ್ಚಾಗುತ್ತದೆ. 

ಇದನ್ನೂ ನೋಡಿ-