Aadhaar Update: ಆಫ್‌ಲೈನ್‌ನಲ್ಲಿಯೂ ಮಾಡಬಹುದು ಆಧಾರ್ ವೆರಿಫಿಕೆಶನ್, ಈ ಕೆಲಸ ಮಾಡಿದರೆ ಸಾಕು

ನವದೆಹಲಿ : ಈಗ ಎಲ್ಲಾ ಕೆಲಸಗಳಿಗೂ ಆಧಾರ್ ಕಾರ್ಡ್ (aadhaar card) ಅತ್ಯಗತ್ಯ ದಾಖಲೆಯಾಗಿದೆ. ಈ ದಾಖಲೆ ಇಲ್ಲದೆ, ಯಾವುದೇ ಸರ್ಕಾರಿ ಕೆಲಸ ಪೂರ್ಣಗೊಳ್ಳುವುದಿಲ್ಲ. ಸರ್ಕಾರಿ ಸೌಲಭ್ಯದ ಲಾಭವನ್ನು ಪಡೆಯುವುದು ಕೂಡಾ  ಆಧಾರ್ ಇಲ್ಲದೆ ಸಾಧ್ಯವಾಗುವುದಿಲ್ಲ. ಈಗ ಆಧಾರ್ ಪರಿಶೀಲನೆಯನ್ನು ಆಫ್‌ಲೈನ್‌ನಲ್ಲಿಯೂ ಮಾಡಬಹುದು. ಈ ಅಪ್ಡೇಟ್ ಬಗ್ಗೆ ಸರ್ಕಾರ ಇತ್ತೀಚೆಗೆ ಅಧಿಸೂಚನೆಯನ್ನು ಹೊರಡಿಸಿದೆ. 

ಆಫ್‌ಲೈನ್‌ನಲ್ಲಿಯೂ ಆಧಾರ್ ಪರಿಶೀಲನೆ :
ಯುಐಡಿಎಐ (UIDAI) ರಚಿಸಿದ ಡಿಜಿಟಲ್ ಸಹಿ ಮಾಡಿದ ದಾಖಲೆಯನ್ನು ಹಂಚಿಕೊಳ್ಳುವ ಮೂಲಕ, ಜನರು ತಮ್ಮ ಆಧಾರ್ ಅನ್ನು ಆಫ್‌ಲೈನ್‌ನಲ್ಲಿ (Aadhaar Verification) ಪರಿಶೀಲಿಸಬಹುದು. ಇದಕ್ಕಾಗಿ ಆಧಾರ್ ಸಂಖ್ಯೆಯ ಕೊನೆಯ 4 ಅಂಕಿಗಳನ್ನು ಮಾತ್ರ ಬಳಸಬೇಕಾಗುತ್ತದೆ. 

ಇದನ್ನೂ ಓದಿ : Business Idea: ಮನೆಯಲ್ಲಿಯೇ ಕೇವಲ 5000 ರೂ.ನಲ್ಲಿ ಈ ಬ್ಯಸಿನೆಸ್ ಪ್ರಾರಂಭಿಸಿ, ಲಕ್ಷ ಲಕ್ಷ ಗಳಿಸಿ

ಆಧಾರ್ ನಿಯಮಗಳು ನವೆಂಬರ್ 8 ರಂದು ತಿಳಿಸಲಾಗಿದ್ದು, ಇದನ್ನು ಅಧಿಕೃತ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗಿದೆ. ಇದರಲ್ಲಿ ಆಧಾರ್‌ನ ಆಫ್‌ಲೈನ್ ಪರಿಶೀಲನೆ ಹೇಗೆ ಮಾಡುವುದು ಎನ್ನುವುದನ್ನು  ವಿವರವಾಗಿ ವಿವರಿಸಲಾಗಿದೆ. 

ಆಧಾರ್ ಅನ್ನು ಹೀಗೆ ಪರಿಶೀಲಿಸಬಹುದು :
UIADI ಆನ್‌ಲೈನ್ ಪರಿಶೀಲನೆಯಲ್ಲಿ ಅಸ್ತಿತ್ವದಲ್ಲಿರುವ ಪ್ರಕ್ರಿಯೆಯ ಜೊತೆಗೆ  QR ಕೋಡ್ ಪರಿಶೀಲನೆ (QR Code Verification), ಆಧಾರ್ ಪೇಪರ್‌ಲೆಸ್ ಆಫ್‌ಲೈನ್ ಇ-ಕೆವೈಸಿ ಪರಿಶೀಲನೆ (Aadhaar Paperless Offline e-KYC Verification), ಇ-ಆಧಾರ್ ಪರಿಶೀಲನೆಯನ್ನು (e-Aadhaar Verification) ಪರಿಚಯಿಸಿದೆ. ಆಫ್‌ಲೈನ್ ಪೇಪರ್ ಆಧಾರಿತ ಪರಿಶೀಲನೆ (Offilne paper based verification) ಮತ್ತು ಇತರ  ಆಫ್‌ಲೈನ್ ಪರಿಶೀಲನೆಯ ಪ್ರಕಾರವನ್ನು ಕೂಡಾ ಸೇರಿಸಲಾಗಿದೆ.

ಇದನ್ನೂ ಓದಿ : Arecanut Price Today: ರಾಜ್ಯದಲ್ಲಿ ಮತ್ತೆ ಭರ್ಜರಿ ಏರಿಕೆ ಕಂಡ ಅಡಿಕೆ ಧಾರಣೆ

ಈ ಹೊಸ ನಿಯಮದೊಂದಿಗೆ, ಆಧಾರ್ ಬಳಕೆದಾರರಿಗೆ ಅದನ್ನು ಡಿಜಿಟಲ್ ಸಹಿಯಾಗಿ ಉಪಯೋಗಿಸಿಕೊಳ್ಳುವ ಆಯ್ಕೆಯನ್ನು ನೀಡುತ್ತದೆ. ಇದರ ಮೂಲಕ ಆಧಾರ್ ಪೇಪರ್‌ಲೆಸ್ ಆಫ್‌ಲೈನ್ ಇ-ಕೆವೈಸಿ ಮಾಡಲು ಸುಲಭವಾಗುತ್ತದೆ. 

ಈ ವಿಧಾನಗಳಲ್ಲಿ ಪರಿಶೀಲನೆಯನ್ನು ಮಾಡಬಹುದು :
ಒನ್ ಟೈಮ್ ಪಿನ್ ಮತ್ತು ಬಯೋಮೆಟ್ರಿಕ್ ಆಧಾರಿತ ದೃಢೀಕರಣದಂತಹ ಪರಿಶೀಲನೆಯ ಇತರ ವಿಧಾನಗಳು, ಆಫ್‌ಲೈನ್ ಆಯ್ಕೆಯೊಂದಿಗೆ ಮುಂದುವರಿಯುತ್ತದೆ. ಆಧಾರ್ ಡೇಟಾವನ್ನು ಪರಿಶೀಲಿಸುವ ಅಧಿಕೃತ ಏಜೆನ್ಸಿಗಳು ದೃಢೀಕರಣದ ಯಾವುದೇ ವಿಧಾನವನ್ನು ಆಯ್ಕೆ ಮಾಡಬಹುದು. 

ತಮ್ಮ ಇ-ಕೆವೈಸಿ (e-KYC)  ಡೇಟಾವನ್ನು ಯಾವುದೇ ಸಮಯದಲ್ಲಿ ಸಂಗ್ರಹಿಸಲು, ಪರಿಶೀಲನಾ ಏಜೆನ್ಸಿಗೆ ನೀಡಿದ ಸಮ್ಮತಿಯನ್ನು ಹಿಂಪಡೆಯುವ ಅವಕಾಶವನ್ನು  ಆಧಾರ್ ಸಂಖ್ಯೆ ಹೊಂದಿರುವವರಿಗೆ ಹೊಸ ನಿಯಮ ನೀಡುತ್ತದೆ.