Covid-19 Vaccine ಹಾಕಿಸಿ, ಎಫ್‌ಡಿ ಮೇಲೆ ಹೆಚ್ಚಿನ ಬಡ್ಡಿ ಪಡೆಯಿರಿ

ನವದೆಹಲಿ: ಎಫ್‌ಡಿ ಮೇಲೆ ಅಧಿಕ ಬಡ್ಡಿ : ನೀವು ಸಹ ಹಣವನ್ನು ಬ್ಯಾಂಕಿನ ಸ್ಥಿರ ಠೇವಣಿ (ಎಫ್‌ಡಿ) ಯಲ್ಲಿ ಹೂಡಿಕೆ ಮಾಡಿದ್ದರೆ ನಿಮಗೆ ಹೆಚ್ಚು ಗಳಿಸುವ ಅವಕಾಶವಿದೆ. ಅದಕ್ಕಾಗಿ ನೀವು ಹೆಚ್ಚಾಗಿ ಏನನ್ನೂ ಮಾಡುವ ಅವಶ್ಯಕತೆ ಇಲ್ಲ. ಕರೋನಾ ಲಸಿಕೆ ಪಡೆದರೆ ಅಷ್ಟೇ ಸಾಕು.  ನೀವು  ಕೋವಿಡ್ -19 ಲಸಿಕೆ (Covid-19 Vaccine) ಪಡೆದರೆ, ನಿಮ್ಮ ಎಫ್‌ಡಿ ಮೇಲೆ ಅಧಿಕ ಬಡ್ಡಿ ಸಿಗಲಿದೆ.

ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ ಕೊಡುಗೆ:
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ  ಹೊಸ ಪ್ರಸ್ತಾಪವನ್ನು ನೀಡಿದ್ದು, ಇದರಲ್ಲಿ ಕರೋನಾ ಲಸಿಕೆ (Corona Vaccine) ಪಡೆದವರಿಗೆ ನಿಗದಿತ ಠೇವಣಿಗಳ ಮೇಲೆ 25 ಬೇಸಿಸ್ ಪಾಯಿಂಟ್ ಹೆಚ್ಚಿನ ಬಡ್ಡಿ ನೀಡಲಾಗುವುದು. ಹಿರಿಯ ನಾಗರಿಕರಿಗೆ ಈ ಕುರಿತು 25 ಬೇಸಿಸ್ ಪಾಯಿಂಟ್‌ಗಳನ್ನು ಪ್ರತ್ಯೇಕವಾಗಿ ನೀಡಲಾಗುವುದು, ಅಂದರೆ ಅವರಿಗೆ 50 ಬೇಸಿಸ್ ಪಾಯಿಂಟ್‌ಗಳ ಹೆಚ್ಚಿನ ಬಡ್ಡಿ ಲಭ್ಯವಾಗಲಿದೆ.

ಇದನ್ನೂ ಓದಿ - Post Office Scheme: ಪೋಸ್ಟ್ ಆಫೀಸ್‌ನ ಈ ಯೋಜನೆಯಲ್ಲಿ 100 ರೂ.ಗಿಂತ ಕಡಿಮೆ ಹೂಡಿಕೆಯಲ್ಲಿ ಪಡೆಯಿರಿ 14 ಲಕ್ಷ ರೂ.

ಇಮ್ಯೂನ್ ಇಂಡಿಯಾ ಠೇವಣಿ ಯೋಜನೆ (Immune India Deposit Scheme) :
ವ್ಯಾಕ್ಸಿನೇಷನ್ ಉತ್ತೇಜಿಸಲು ಬ್ಯಾಂಕ್ ವಿಶೇಷ ಠೇವಣಿ ಯೋಜನೆ 'ಇಮ್ಯೂನ್ ಇಂಡಿಯಾ ಠೇವಣಿ ಯೋಜನೆ' ತಂದಿದೆ ಎಂದು ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ (Central Bank of India) ಬಿಡುಗಡೆ ಮಾಡಿದ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಈ ಯೋಜನೆ 1111 ದಿನಗಳವರೆಗೆ ಲಭ್ಯವಿರಲಿದೆ. ಇದರಲ್ಲಿ ಲಸಿಕೆ ಪಡೆದವರಿಗೆ ಸಾಮಾನ್ಯ ಎಫ್‌ಡಿ ದರಗಳಿಗಿಂತ 25 ಬೇಸಿಸ್ ಪಾಯಿಂಟ್‌ಗಳ ಹೆಚ್ಚಿನ ಬಡ್ಡಿ ಸಿಗುತ್ತದೆ ಎಂದು ತಿಳಿಸಿದೆ.

ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ ಇತ್ತೀಚಿನ ಎಫ್‌ಡಿ ದರಗಳು:
ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ 7 ದಿನಗಳಿಂದ 10 ವರ್ಷಗಳವರೆಗಿನ ಅವಧಿಗೆ  2.75% ರಿಂದ 5.1% ಬಡ್ಡಿಯನ್ನು ಪಾವತಿಸುತ್ತದೆ. ಈ ದರಗಳು 8 ಜನವರಿ 2021 ರಿಂದ ಅನ್ವಯವಾಗುತ್ತವೆ. ನೀವು ಕರೋನಾ ಲಸಿಕೆ ಪಡೆದರೆ, ಈ ಸ್ಥಿರ ಬಡ್ಡಿದರಗಳಿಗಿಂತ 25 ಬಿಎಸ್ಪಿ ಹೆಚ್ಚು ಪಡೆಯಬಹುದು.

ಟರ್ಮ್	ಎಫ್ಡಿ ಬಡ್ಡಿದರ
7 -14 ದಿನಗಳು	2.75%
15 - 30 ದಿನಗಳು	2.90%
31 - 45 ದಿನಗಳು	2.90%
46 - 59 ದಿನಗಳು	3.25%
60 - 90 ದಿನಗಳು	3.25%
91 - 179 ದಿನಗಳು	3.90%
180 - 270 ದಿನಗಳು	4.25%
271 - 364 ದಿನಗಳು	4.25%
1-2 ವರ್ಷಗಳು	4.90%
2-3 ವರ್ಷಗಳು	5.00%
3-5 ವರ್ಷಗಳು	5.10%
5 ರಿಂದ 10 ವರ್ಷಗಳು	5.10%