NPS Withdrawal Rules: ಫೆ.1 ರಿಂದ ಬದಲಾಗುವುದು NPS ನಿಯಮ : ಸಂಪೂರ್ಣ ವಿವರ ಇಲ್ಲಿದೆ

NPS Withdrawal Rules : ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (ಪಿಎಫ್‌ಆರ್‌ಡಿಎ) ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (ಎನ್‌ಪಿಎಸ್) ಮೂಲಕ ಪಿಂಚಣಿ ಹಿಂಪಡೆಯಲು ಹೊಸ ಮಾರ್ಗಸೂಚಿಗಳನ್ನು  ಬಿಡುಗಡೆ ಮಾಡಿದೆ. ಈ ಹೊಸ ನಿಯಮಗಳು  ಫೆಬ್ರವರಿ 1, 2024 ರಿಂದ ಜಾರಿಗೆ ಬರಲಿದೆ. ಈ ನಿಯಮಗಳ ಅಡಿಯಲ್ಲಿ  NPS ಚಂದಾದಾರರು ತಮ್ಮ ಪಿಂಚಣಿ ಖಾತೆಗಳಿಂದ ಭಾಗಶಃ ಮೊತ್ತವನ್ನು ಹಿಂಪಡೆಯುವ ಮೇಲೆ ಕೆಲವು ಷರತ್ತುಗಳನ್ನು ವಿಧಿಸಿದೆ. 

ಹಿಂಪಡೆಯುವ ಮೊತ್ತದ ಮಿತಿ :  
ಪರಿಷ್ಕೃತ ನಿಯಮಗಳ ಪ್ರಕಾರ, NPS ಚಂದಾದಾರರು ತಮ್ಮ ಪಿಂಚಣಿ ಖಾತೆಗಳಿಂದ ಉದ್ಯೋಗದಾತ/ಕಂಪನಿ ಪಾಲನ್ನು ಹೊರತುಪಡಿಸಿ ಗರಿಷ್ಠ 25 ಪ್ರತಿಶತದಷ್ಟು ಕೊಡುಗೆಗಳನ್ನು ಹಿಂಪಡೆಯಬಹುದು. ಆದರೆ, ಹೀಗೆ ಹಿಂಪಡೆಯುವ ಮೊತ್ತದ ಮೇಲೆ  ಕೆಲವು ಷರತ್ತುಗಳನ್ನು ವಿಧಿಸಲಾಗಿದೆ. 

ಇದನ್ನೂ ಓದಿ : ITR Refund ಸಂಬಂಧಿತ ಈ ಮೆಸೇಜ್ ಬಗ್ಗೆ ಇರಲಿ ಎಚ್ಚರ!

ಭಾಗಶಃ ಮೊತ್ತವನ್ನು ಈ ಕಾರಣಗಳಿಗೆ ಹಿಂಪಡೆಯಬಹುದು :  
ಹೊಸ ನಿಯಮದ ಅಡಿಯಲ್ಲಿ ಮಕ್ಕಳ ಉನ್ನತ ಶಿಕ್ಷಣ ವೆಚ್ಚಗಳು, ಮದುವೆ ವೆಚ್ಚಗಳು, ಮನೆ ಆಸ್ತಿ ಖರೀದಿ ಅಥವಾ ನಿರ್ಮಾಣ, ಕೆಲವು ಕಾಯಿಲೆಗಳಿಗೆ ವೈದ್ಯಕೀಯ ವೆಚ್ಚಗಳು, ಅಂಗವೈಕಲ್ಯ ಸಂಬಂಧಿತ ವೆಚ್ಚಗಳು, ಕೌಶಲ್ಯ ಅಭಿವೃದ್ಧಿ, ಮರು ಕೌಶಲ್ಯ ಮತ್ತು ಸ್ಥಾಪನೆ ಸೇರಿದಂತೆ ವಿವಿಧ ಕಾರಣಗಳಿಗಾಗಿ ಭಾಗಶಃ ಮೊತ್ತವನ್ನು ಹಿಂಪಡೆಯಲು ಅನುಮತಿ ನೀಡಲಾಗಿದೆ. 

ಹಣವನ್ನು ಹಿಂಪಡೆಯಲು ಇರುವ ಪೂರ್ವ ಷರತ್ತುಗಳು :
ಭಾಗಶಃ ಮರುಪಾವತಿಗೆ ಅರ್ಹರಾಗಲು ಚಂದಾದಾರರು ಸೇರ್ಪಡೆಗೊಂಡ ದಿನಾಂಕದಿಂದ ಕನಿಷ್ಠ ಮೂರು ವರ್ಷಗಳವರೆಗೆ NPS ಸದಸ್ಯರಾಗಿರಬೇಕು. ಚಂದಾದಾರರ ಒಟ್ಟು ಕೊಡುಗೆಗಳ ನಾಲ್ಕನೇ ಒಂದು ಭಾಗವನ್ನು ಮಾತ್ರ ಹಿಂಪಡೆಯಬಹುದು. 

ಇದನ್ನೂ ಓದಿ : Union Budget 2024: ಇನ್ಫ್ರಾ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಮಹತ್ವದ ಘೋಷಣೆ ಸಾಧ್ಯತೆ, ವೇತನ ವರ್ಗದ ಜನರಿಗೂ ಸಿಗಲಿದೆ ನೆಮ್ಮದಿಯ ಸುದ್ದಿ!

ಮರುಪಾವತಿ ವಿನಂತಿಗಳನ್ನು ಹೇಗೆ ಪ್ರಕ್ರಿಯೆಗೊಳಿಸುವುದು? :
ಪಿಂಚಣಿಯ ಮೊತ್ತವನ್ನು ಹಿಂಪಡೆಯಲು ಚಂದಾದಾರರು ತಮ್ಮ ಸರ್ಕಾರಿ ಕಚೇರಿ ಅಥವಾ ಉಪಸ್ಥಿತಿಯ ಕೇಂದ್ರದ ಮೂಲಕ  ಹಣ ಹಿಂಪಡೆಯುವ ಉದ್ದೇಶವನ್ನು ತಿಳಿಸುವ ಸ್ವಯಂ-ಘೋಷಣೆಯೊಂದಿಗೆ ಕೇಂದ್ರ ನೋಂದಣಿ ಏಜೆನ್ಸಿಗೆ (CRA) ವಿನಂತಿಯನ್ನು ಸಲ್ಲಿಸಬೇಕು.

eNPS ಖಾತೆ :
ಇತ್ತೀಚೆಗೆ ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ PFRDA NPS ಖಾತೆಯನ್ನು ತೆರೆಯುವ ನಿಯಮಗಳಲ್ಲಿ ಪ್ರಮುಖ ಬದಲಾವಣೆಯನ್ನು ಮಾಡಿದೆ. ಈಗ ಸರ್ಕಾರಿ ನೌಕರರು ತಮ್ಮ ಎನ್‌ಪಿಎಸ್ ಖಾತೆಯನ್ನು ಇಎನ್‌ಪಿಎಸ್ ಮೂಲಕ ತೆರೆಯಬಹುದು. eNPS ನ ಸಂಪೂರ್ಣ ಪ್ರಕ್ರಿಯೆಯು ಕಾಗದರಹಿತ ಪ್ರಕ್ರಿಯೆಯಾಗಿದೆ. ಮತ್ತು ಇದನ್ನು ಬಹಳ ಸುಲಭವಾಗಿ ಮಾಡಬಹುದು. NPS ಒಂದು ಪಿಂಚಣಿ ಯೋಜನೆಯಾಗಿದ್ದು, ಇದನ್ನು ಸರ್ಕಾರಿ ಸಂಸ್ಥೆಯಾದ ಪಿಎಫ್‌ಆರ್‌ಡಿಎ ನಡೆಸುತ್ತಿದೆ. ಇದರಲ್ಲಿ ಸರ್ಕಾರಿ ಮತ್ತು ಖಾಸಗಿ ವಲಯಗಳೆರಡೂ ಹೂಡಿಕೆ ಮಾಡಬಹುದು.

eNPS ಎಂದರೇನು? :
eNPS ಒಂದು ಡಿಜಿಟಲ್ ವೇದಿಕೆಯಾಗಿದ್ದು, ಇದರ ಮೂಲಕ, ಕೇಂದ್ರ, ರಾಜ್ಯ ಸರ್ಕಾರಿ ನೌಕರರು ಮತ್ತು ಸರ್ಕಾರಿ ಸಂಬಂಧಿತ ಸಂಸ್ಥೆಗಳ ಉದ್ಯೋಗಿಗಳು ತಮ್ಮ eNPS ಖಾತೆಯನ್ನು ತೆರೆಯಬಹುದು. ಸರ್ಕಾರಿ ನೌಕರರು ತಮ್ಮ eNPS ಖಾತೆಯನ್ನು ಎರಡು ರೀತಿಯಲ್ಲಿ ತೆರೆಯಬಹುದು. 

- ಮೊದಲ ಮಾರ್ಗ - ಆಧಾರ್ ಆನ್‌ಲೈನ್ ಮತ್ತು ಆಫ್‌ಲೈನ್ KYC ಮೂಲಕ. 
- ಎರಡನೇ ಮಾರ್ಗ - ಇತರ KYC ದಾಖಲೆಗಳೊಂದಿಗೆ PAN ಕಾರ್ಡ್ ಮೂಲಕ.

ಇದನ್ನೂ ಓದಿ : Business Idea: ಟೀ ಮಾರಾಟದ ಬಿಸ್ನೆಸ್ ಆರಂಭಿಸಿ ತಿಂಗಳಿಗೆ ₹1 ಲಕ್ಷ ಸಂಪಾದಿಸಿ, ಈ ರೀತಿ 'ಚಾಯ್ ಸುಟ್ಟಾ ಬಾರ್' ಫ್ರಾಂಚೈಸಿ ಪಡೆದುಕೊಳ್ಳಿ!