EPF Interest: ಕಡಿತವಾಗುತ್ತಾ ಇಪಿಎಫ್ ಬಡ್ಡಿ..! ಇಂದು ನಿರ್ಧಾರ

ನವದೆಹಲಿ: ಇನ್ನೊಂದು ಶಾಕ್ ಅನುಭವಿಸಲು ಈಗ 6 ಕೋಟಿ ಜನ ಸಿದ್ದರಿರಬೇಕಾಗಿದೆ. 6 ಕೋಟಿ ಜನರಿಗೆ ಆಘಾತ ನೀಡಲಿರುವ ನಿರ್ಧಾರವನ್ನು ಕೇಂದ್ರ ಸರ್ಕಾರ (Central Government) ಇಂದು ಕೈಗೊಳ್ಳಲಿದೆ.

ಕಡಿತವಾಗಲಿದೆ ಇಪಿಎಫ್ ಬಡ್ಡಿ:
20-21 ಹಣಕಾಸು ವರ್ಷಕ್ಕೆ ಅನ್ವಯವಾಗುವಂತೆ ಎಂಪ್ಲಾಯಿ ಪ್ರಾವಿಡೆಂಟ್ ಫಂಡ್ (EPF) ಬಡ್ಡಿದರದಲ್ಲಿ ಮತ್ತೆ ಕಡಿತವಾಗಲಿದೆ. ವೇತನ ವರ್ಗದ 6 ಕೋಟಿ ಜನರಿಗೆ ಇದು ಶಾಕಿಂಗ್ ನ್ಯೂಸ್ ಆಗಿದೆ. ಕಳೆದ ವರ್ಷ ಬಡ್ಡಿ (interest) ಸಿಗದೇ ಇರುವುದೇ ಚಿಂತೆ ಆಗಿತ್ತು. ಈ ಸಲ ಬಡ್ಡಿ ಕಡಿತಗೊಳ್ಳುವ ಸಾಧ್ಯತೆಗಳಿವೆ.

ಇದನ್ನೂ ಓದಿ : Post Office ಖಾತೆದಾರರಿಗೆ ಆಘಾತ! ಏಪ್ರಿಲ್ 1 ರಿಂದ ಅನ್ವಯವಾಗಲಿರುವ ಈ ನಿಯಮದ ಬಗ್ಗೆ ತಪ್ಪದೇ ತಿಳಿಯಿರಿ

ಇಂದು ಇಪಿಎಫ್‍ ಒ   ಮೀಟಿಂಗ್:
ಲಭ್ಯ ಮಾಹಿತಿಗಳ ಪ್ರಕಾರ ಕರೋನಾ (Coronavirus)ಕಾಲದಲ್ಲಿ ಸಾಕಷ್ಟು ಜನ ಇಪಿಎಫ್ ದುಡ್ಡು ವಿತ್ ಡ್ರಾ ಮಾಡಿದ್ದರು. ಈ ಸಮಯದಲ್ಲಿ ಇಪಿಎಫ್ ಕಾಂಟ್ರಿಬ್ಯೂಶನ್ ಕೂಡಾ ಕಡಿಮೆ ಆಗಿತ್ತು. ಈ ಹಿನ್ನೆಲೆಯಲ್ಲಿ ಇಪಿಎಫ್‍ ಒ ಬಡ್ಡಿ ದರ ಕಡಿತ ನಿರ್ಧಾರಕ್ಕೆ ಬರಲಿದೆ ಎನ್ನಲಾಗಿದೆ. ಇವತ್ತು ಇಪಿಎಫ್‍ ಒ (EPFO) ಸೆಂಟ್ರಲ್ ಬೋರ್ಡ್ ಅಫ್ ಟ್ರಸ್ಟೀಸ್ ಮೀಟಿಂಗ್  (Central Board of Trustees) ನಡೆಯಲಿದೆ. ಈ ಸಭೆಯಲ್ಲಿ ಇಪಿಎಫ್  ಬಡ್ಡಿ ಎಷ್ಟು ಕಡಿತ ಮಾಡಬೇಕು ಎಂಬುದರ ನಿರ್ಣಯವಾಗಲಿದೆ. 

2019-20ರ ವಿತ್ತೀಯ ವರ್ಷದಲ್ಲಿ ಇಪಿಎಫ್ ಗೆ ಶೇ. 8.5 ರಷ್ಟು ಬಡ್ಡಿ ನೀಡಲಾಗಿತ್ತು. ಎರಡು ಕಂತಿನಲ್ಲಿ ಈ ಬಡ್ಡಿ ಪಾವತಿಸಲು ನಿರ್ಧರಿಸಲಾಗಿತ್ತು. ಅಂದರೆ ಶೇ. 8.15 ಬಡ್ಡಿ ಇನ್ವೆಸ್ಟ್ ಮೆಂಟ್  ಮೇಲೆ ಮತ್ತು ಶೇ. 0.35 ಬಡ್ಡಿ ಇಕ್ವಿಟಿ ಮೇಲೆ ನೀಡಲು ನಿರ್ಧರಿಸಲಾಗಿತ್ತು. 

ಇದನ್ನೂ ಓದಿ : Health Insurance : ಪಾಲಿಸಿ ಬಗ್ಗೆ ಪಾಲಿಸಿದಾರನಿಗೆ ಅಪ್ ಡೇಟ್ ಮಾಡುವುದು ವಿಮಾ ಕಂಪನಿಯ ಜವಾಬ್ದಾರಿ

7 ವರ್ಷಗಳ ಬಳಿಕ ಅತಿ ಕಡಿಮೆ ಬಡ್ಡಿ :
ವಿತ್ತ ವರ್ಷ 2020ರಲ್ಲಿ ಇಪಿಎಫ್ ಮೇಲೆ ಶೇ. 8.5 ರಷ್ಟು ಬಡ್ಡಿ ಸಿಗಲಿದೆ. ಇದು 7 ವರ್ಷಗಳ ನಂತರ ಸಿಗುವ ಅತ್ಯಂತ ಕಡಿಮೆ ಬಡ್ಡಿ ದರವಾಗಿದೆ (Interest rate) . 2013ರಲ್ಲಿ ಇಪಿಎಫ್ ಮೇಲೆ ಶೇ. 8.5 ರಷ್ಟು ಬಡ್ಡಿ ನೀಡಲಾಗುತಿತ್ತು. 2014 ನಲ್ಲಿ ಶೇ. 8.75, 2016ನಲ್ಲಿ ಶೇ. 8.8, 2018ನಲ್ಲಿ ಶೇ. 8.55, 2019 ನಲ್ಲಿ ಶೇ 8.55 ಬಡ್ಡಿ ನೀಡಲಾಗುತ್ತಿತ್ತು. 

ಇಪಿಎಫ್‍ ನಲ್ಲಿ 6 ಕೋಟಿ ಜನ ಚಂದಾದಾರರಿದ್ದಾರೆ. 2020ರಲ್ಲಿ ಕೆವೈಸಿಯಲ್ಲಿ (KYC) ಹೆಚ್ಚುಕಡಿಮೆಯಾಗಿ ಬಡ್ಡಿ ನೀಡಿಕೆ ವಿಳಂಬವಾಗಿತ್ತು. ಇದೀಗ ಬಡ್ಡಿ ದರ ಮತ್ತೆ ಕಡಿಮೆಯಾಗುವ ಸಾಧ್ಯತೆಗಳಿವೆ.