EPFO Big Update: ಇನ್ಮುಂದೆ ಎಷ್ಟೇ ನೌಕರಿ ಬದಲಿಸಿದರೂ ಒಂದೇ UAN ಸಂಖ್ಯೆ ಮತ್ತು ಒಂದೇ EPFO ಖಾತೆ

One UAN One EPF Account: ದೇಶದ 5 ಕೋಟಿಗೂ ಹೆಚ್ಚು EPF ಖಾತೆದಾರರಿಗೆ (EPF Account Holders) ಭಾರಿ ನೆಮ್ಮದಿಯ ಸುದ್ದಿಯೊಂದು ಪ್ರಕಟವಾಗಿದೆ. ಹೌದು, ಇನ್ಮುಂದೆ ಉದ್ಯೋಗವನ್ನು ಬದಲಾಯಿಸುವಾಗ, ಮೊದಲ ಕಂಪನಿಯ ಇಪಿಎಫ್ ಖಾತೆಯಲ್ಲಿ ಠೇವಣಿ ಮಾಡಿದ ಹಣವನ್ನು ಹೊಸ ಪಿಎಫ್ ಖಾತೆಗೆ ವರ್ಗಾಯಿಸುವ ಅಗತ್ಯವಿಲ್ಲ. ಕೆಲಸವನ್ನು ಬದಲಾಯಿಸಿದಾಗ, ಹಳೆಯ EPF ಖಾತೆ ಮತ್ತು ಹೊಸ EPF ಖಾತೆಯು ಸ್ವಯಂಚಾಲಿತವಾಗಿ ವಿಲೀನಗೊಳ್ಳುತ್ತದೆ. ಕಾರ್ಮಿಕ ಸಚಿವ ಭೂಪೇಂದ್ರ ಯಾದವ್ (Union Labour Minister Bhupendra Yadav) ಅವರ ಅಧ್ಯಕ್ಷತೆಯಲ್ಲಿ ಇಪಿಎಫ್‌ಒದ ಕೇಂದ್ರೀಯ ಟ್ರಸ್ಟಿಗಳ (EPFO Central Trustee Meet) ಸಭೆಯಲ್ಲಿ ಇಂದು ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ.

ಇನ್ಫ್ರಾಸ್ಟ್ರಕ್ಚರ್ ಇನ್ವೆಸ್ಟ್‌ಮೆಂಟ್ ಟ್ರಸ್ಟ್‌ಗಳಲ್ಲಿ (InvITs) ಹೂಡಿಕೆಗಳನ್ನು ಸಹ ಅನುಮೋದಿಸಲಾಗಿದೆ.
ಕೇಂದ್ರೀಯ ಟ್ರಸ್ಟಿಗಳ ಮಂಡಳಿಯು EPFO ​​ನ ವಾರ್ಷಿಕ ಠೇವಣಿಯಲ್ಲಿ ಶೇ. 5 ರಷ್ಟು ಮೂಲಸೌಕರ್ಯ ಹೂಡಿಕೆ ಟ್ರಸ್ಟ್‌ಗಳಲ್ಲಿ (InvITs) ಹೂಡಿಕೆ ಮಾಡಲು ಕೂಡ ಅನುಮೋದನೆ ನೀಡಿದೆ.  ಈ ಪ್ರಸ್ತಾವನೆಗೆ ಒಪ್ಪಿಗೆ ನೀಡಿದರೆ ಇನ್ವಿಟಿಗಳ ಮೂಲಸೌಕರ್ಯದಲ್ಲಿ ಹೂಡಿಕೆಯನ್ನು ಹೆಚ್ಚಿಸಬಹುದು. ಹೀಗಾಗಿ ಇಪಿಎಫ್‌ಒ ಹೂಡಿಕೆಯ ಬಕೆಟ್ ಹೊಸ ಹೂಡಿಕೆ ಮಾಧ್ಯಮವನ್ನು ಸೇರಿಸಲಾಗಿದೆ. ಪ್ರಸ್ತುತ, ಇಪಿಎಫ್‌ಒ ಎಕ್ಸ್‌ಚೇಂಜ್ ಟ್ರೇಡೆಡ್ ಫಂಡ್‌ಗಳು (ETF), ಸರ್ಕಾರಿ ಭದ್ರತೆಗಳು (Government Securities) ಮತ್ತು Bondಗಳಲ್ಲಿ ಹೂಡಿಕೆ ಮಾಡುತ್ತದೆ.

ಇದನ್ನೂ ಓದಿ-EPFO Rules: ನೌಕರಿ ಬಿಟ್ಟ ಬಳಿಕ ಇಷ್ಟು ದಿನಗಳಲ್ಲಿ PFನಿಂದ ಹಣ ಹಿಂಪಡೆಯದೆ ಹೋದರೆ ಭಾರಿ ಹಾನಿ, ಕಾರಣ ಇಲ್ಲಿದೆ

EPFO ನಲ್ಲಿ ಪ್ರತಿ ತಿಂಗಳು 15000-16000 ಕೋಟಿ ಠೇವಣಿ ಇರಿಸಲಾಗುತ್ತದೆ
ಪ್ರತಿ ತಿಂಗಳು ಸುಮಾರು 15000-16000 ಕೋಟಿ ಇಪಿಎಫ್‌ಒನಲ್ಲಿ ಠೇವಣಿ ಇರಿಸಲಾಗುತ್ತದೆ. 2021-22ರಲ್ಲಿ ಇಪಿಎಫ್‌ಒ ಠೇವಣಿ 1.8 ಲಕ್ಷ ಕೋಟಿಯಿಂದ 1.9 ಲಕ್ಷ ಕೋಟಿವರೆಗೆ ಹೆಚ್ಚಾಗಬಹುದು ಎಂದು ನಿರೀಕ್ಷಿಸಲಾಗಿದೆ. ಇದರಲ್ಲಿ ಶೇಕಡಾ 15 ರಷ್ಟು ಮೊತ್ತವನ್ನು ಈಕ್ವಿಟಿಯಲ್ಲಿ ಮತ್ತು ಉಳಿದ ಮೊತ್ತವನ್ನು ಡೆಟ್ ಇನ್ಸ್ಟ್ರುಮೆಂಟ್‌ನಲ್ಲಿ ಹೂಡಿಕೆ ಮಾಡಲಾಗುತ್ತದೆ. ಠೇವಣಿಗಳ ಹೆಚ್ಚಳವನ್ನು ಪರಿಗಣಿಸಿ, EPFO ​​ತನ್ನ ಹೂಡಿಕೆಯ ಬಾಸ್ಕೆಟ್ ವಿಸ್ತರಿಸಲು ಉತ್ತಮ ಅವಕಾಶವನ್ನು ಹೊಂದಿದೆ. ಇದರಿಂದಾಗಿ EPFO ​​ಖಾತೆದಾರರು ಹೆಚ್ಚಿನ ಆದಾಯವನ್ನು ಪಡೆಯಲಿದ್ದಾರೆ.