FD Rate: ICICI ಬ್ಯಾಂಕ್‌ ಠೇವಣಿ ದರ ಹೆಚ್ಚಳ: ಇತರ ಬ್ಯಾಂಕ್‌ಗಳ ಬಡ್ಡಿದರ ಎಷ್ಟಿವೆ?

ICICI Bank FD Rate Hike: ಇತ್ತೀಚೆಗೆ ಐಸಿಐಸಿಐ ಬ್ಯಾಂಕ್ ಆಯ್ದ ಅವಧಿಗಳ ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸಿದೆ. ಬ್ಯಾಂಕ್‌ನ ಬಡ್ಡಿದರ ಹೆಚ್ಚಳದ ನಂತರ, ICICI ಬ್ಯಾಂಕ್ ಸಾಮಾನ್ಯ ಗ್ರಾಹಕರಿಗೆ ಏಳು ದಿನಗಳಿಂದ ಹತ್ತು ವರ್ಷಗಳವರೆಗೆ ಪಕ್ವವಾಗುವ ಸ್ಥಿರ ಠೇವಣಿಗಳ ಮೇಲೆ 3% ರಿಂದ 7.2% ವರೆಗೆ ಮತ್ತು ಹಿರಿಯ ನಾಗರಿಕರಿಗೆ 3.5% ರಿಂದ 7.75% ವರೆಗೆ ಬಡ್ಡಿದರವನ್ನು ನೀಡುತ್ತಿದೆ. 15 ತಿಂಗಳಿಂದ ಎರಡು ವರ್ಷಗಳ ಅವಧಿಗೆ, ICICI ಬ್ಯಾಂಕ್ ಸಾಮಾನ್ಯ ಜನರಿಗೆ 7.20% ಮತ್ತು ಹಿರಿಯ ನಾಗರಿಕರಿಗೆ 7.75% ಗರಿಷ್ಠ ಆದಾಯವನ್ನು ನೀಡುತ್ತದೆ . ದರಗಳು ಫೆಬ್ರವರಿ 17 ರಿಂದ ಜಾರಿಗೆ ಬರುತ್ತಿದೆ. ಇದಕ್ಕೂ ಮುಂಚೆ ಈ ಬ್ಯಾಂಕ್  ಅಕ್ಟೋಬರ್ 16 2023 ರಂದು ಅವಧಿ ಠೇವಣಿಗಳ ಮೇಲಿನ ಬಡ್ಡಿ ದರವನ್ನು ಪರಿಷ್ಕರಿಸಿತ್ತು.

7 ದಿನಗಳಿಂದ 14 ದಿನಗಳು 3.00%

15 ದಿನಗಳಿಂದ 29 ದಿನಗಳು 3.00%

30 ದಿನಗಳಿಂದ 45 ದಿನಗಳು 3.50%

46 ದಿನಗಳಿಂದ 60 ದಿನಗಳು 4.25%

61 ದಿನಗಳಿಂದ 90 ದಿನಗಳು 4.50%

91 ದಿನಗಳಿಂದ 120 ದಿನಗಳು 4.75%

121 ದಿನಗಳಿಂದ 150 ದಿನಗಳು 4.75%

151 ದಿನಗಳಿಂದ 184 ದಿನಗಳು 4.75%

185 ದಿನಗಳಿಂದ 210 ದಿನಗಳು 5.75%

211 ದಿನಗಳಿಂದ 270 ದಿನಗಳು 5.75%

271 ದಿನಗಳಿಂದ 289 ದಿನಗಳು 6.00%

290 ದಿನಗಳಿಂದ 1 ವರ್ಷಕ್ಕಿಂತ ಕಡಿಮೆ 6.00%

1 ವರ್ಷದಿಂದ 389 ದಿನಗಳು 6.70%

390 ದಿನಗಳಿಂದ <15 ತಿಂಗಳುಗಳು 6.70%

15 ತಿಂಗಳಿಂದ < 18 ತಿಂಗಳು 7.20%

18 ತಿಂಗಳಿಂದ 2 ವರ್ಷಗಳವರೆಗೆ 7.20%

2 ವರ್ಷಗಳು 1 ದಿನದಿಂದ 3 ವರ್ಷಗಳು 7.00%

3 ವರ್ಷಗಳು 1 ದಿನದಿಂದ 5 ವರ್ಷಗಳು 7.00%

5 ವರ್ಷಗಳು 1 ದಿನದಿಂದ 10 ವರ್ಷಗಳು 6.90%

5 ವರ್ಷಗಳು (80C FD) - ಗರಿಷ್ಠ 1.50 ಲಕ್ಷ 7.00%

ಇದನ್ನೂ ಓದಿ: ಕಬ್ಬು ಬೆಳೆಗಾರರಿಗೆ ಕೇಂದ್ರದಿಂದ ಗುಡ್ ನ್ಯೂಸ್: ಭರ್ಜರಿ ಗಿಫ್ಟ್ ನೀಡಲು ಕೊನೆಯ ಸಂಪುಟ ಸಭೆಯಲ್ಲಿ ನಿರ್ಧಾರ

ಇತ್ತೀಚಿನ HDFC ಬ್ಯಾಂಕ್ FD ದರಗಳು

ಎಚ್‌ಡಿಎಫ್‌ಸಿ ಬ್ಯಾಂಕ್ ತನ್ನ ಸ್ಥಿರ ಠೇವಣಿಗಳ (ಎಫ್‌ಡಿ) ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸಿದೆ . ಹೊಸ ದರಗಳು ಫೆಬ್ರವರಿ 9 ರಿಂದ ಜಾರಿಗೆ ಬಂದಿದ್ದು, ಪ್ರಸ್ತುತ, HDFC ಬ್ಯಾಂಕ್ ವರ್ಷಕ್ಕೆ 3% ​​ನಿಂದ 7.25% ವರೆಗಿನ ಬಡ್ಡಿದರಗಳನ್ನು ನೀಡುತ್ತದೆ. ಹಾಗೆ ಹಿರಿಯ ನಾಗರಿಕರು ಎಲ್ಲಾ ಅವಧಿಗಳಲ್ಲಿ 0.50% ಹೆಚ್ಚುವರಿ ಬಡ್ಡಿ ದರಕ್ಕೆ ಅರ್ಹರಾಗಿರುತ್ತಾರೆ.

ಇತ್ತೀಚಿನ SBI  ಬ್ಯಾಂಕ್‌ನ FD ದರಗಳು

ಎಸ್‌ಬಿಐ ಸಾಮಾನ್ಯ ಜನರಿಗೆ ವರ್ಷಕ್ಕೆ 3.50%-7.10% ವರೆಗೆ ಮತ್ತು ಹಿರಿಯ ನಾಗರಿಕರಿಗೆ 7 ದಿನಗಳಿಂದ 10 ವರ್ಷಗಳವರೆಗೆ 4.00%-7.60% ಎಫ್‌ಡಿ ಬಡ್ಡಿ ದರಗಳನ್ನು ನೀಡುತ್ತದೆ. ಈ ದರಗಳು 27 ಡಿಸೆಂಬರ್ 2023 ರಿಂದ ಜಾರಿಗೆ ಬಂದಿದೆ.

ಇದನ್ನೂ ಓದಿ:  PPF, SSY, NPSಗಳಲ್ಲಿ ನಿಮ್ಮ ಖಾತೆ ಇದೆಯೇ? ಮಾರ್ಚ್ 31 ರೊಳಗೆ ಈ ಕೆಲಸ ಮಾಡದಿದ್ದಲ್ಲಿ ಆಗುವುದು ಭಾರೀ ನಷ್ಟ

ಕೊಟಕ್ ಮಹೀಂದ್ರಾ ಬ್ಯಾಂಕ್ ಇತ್ತೀಚಿನ FD ದರಗಳು

ಕೋಟಕ್ ಮಹೀಂದ್ರಾ ಬ್ಯಾಂಕ್ ಏಳು ದಿನಗಳಿಂದ ಹತ್ತು ವರ್ಷಗಳವರೆಗೆ ಪಕ್ವವಾಗುವ ಸ್ಥಿರ ಠೇವಣಿಗಳ ಮೇಲೆ 2.75% ರಿಂದ 7.25% ವರೆಗೆ ಬಡ್ಡಿದರವನ್ನು ನೀಡುತ್ತದೆ. 23 ತಿಂಗಳ 1 ದಿನ- 2 ವರ್ಷಕ್ಕಿಂತ ಕಡಿಮೆ ಅವಧಿಯ ಠೇವಣಿಗಳ ಮೇಲೆ ಬ್ಯಾಂಕ್ ಅತ್ಯಧಿಕ ಸ್ಥಿರ ಠೇವಣಿಯ ಬಡ್ಡಿ ದರವನ್ನು ನೀಡುತ್ತಿದೆ. ಈ ದರಗಳು 4 ಜನವರಿ 2024 ರಿಂದ ಜಾರಿಗೆ ಬಂದಿದೆ.