IRCTC New Updates: ಎಲ್ಲಾದರೂ ಪ್ರಯಾಣಿಸಬೇಕು ಎಂದು ಮೊದಲೇ ಯೋಜಿಸಿದ್ದರೆ ತಿಂಗಳಿಗೂ ಮುಂಚೆಗೆ ಟಿಕೆಟ್ ಕಾಯ್ದಿರಿಸುತ್ತೇವೆ. ಹಲವು ಸಂದರ್ಭಗಳಲ್ಲಿ ಕನ್ಫರ್ಮ್ ಟಿಕೆಟ್ ಸಿಗದಿದ್ದಾಗ ತತ್ಕಾಲ್ ಟಿಕೆಟ್ ಪಡೆಯುತ್ತೇವೆ. ಇಲ್ಲವೇ ಏಜೆಂಟರ ಮೊರೆ ಹೋಗುತ್ತೇವೆ. ಆದರೆ ಇನ್ನು ಮುಂದೆ ಗ್ರಾಹಕರಿಗೆ ಈ ತೊಂದರೆ ಇರುವುದಿಲ್ಲ. ರೈಲಿನಲ್ಲಿ ಯಾವುದಾದರೂ ಬರ್ತ್ ಖಾಲಿಯಿದ್ದರೆ, ನೀವು ತಕ್ಷಣ ಅದರ ಬಗ್ಗೆ ತಿಳಿದುಕೊಳ್ಳುತ್ತೀರಿ, ಮತ್ತು ನೀವು ಆ ಟಿಕೆಟ್ ಅನ್ನು ತಕ್ಷಣವೇ ಬುಕ್ ಮಾಡಬಹುದು. ಇದಕ್ಕಾಗಿ ಐಆರ್‌ಸಿಟಿಸಿ  (IRCTC) ಯ ಈ ಹೊಸ ಸೇವೆಯ ಬಗ್ಗೆ ತಿಳಿದಿರುವುದು ಬಹಳ ಮುಖ್ಯ.


COMMERCIAL BREAK
SCROLL TO CONTINUE READING

ರೈಲಿನಲ್ಲಿ ಯಾವುದಾದರೂ ಬರ್ತ್ ಖಾಲಿಯಿದ್ದರೆ ಅದನ್ನು ಹೇಗೆ ತಿಳಿಯುವುದು:
ವಾಸ್ತವವಾಗಿ, ನೀವು ಐಆರ್‌ಸಿಟಿಸಿ  (IRCTC) ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ಆನ್‌ಲೈನ್‌ನಲ್ಲಿ ಟಿಕೆಟ್ ಕಾಯ್ದಿರಿಸಿದಾಗ, ನೀವು ಎಲ್ಲಾ ರೈಲುಗಳಲ್ಲಿ ಆಸನಗಳ ಲಭ್ಯತೆಯ ಬಗ್ಗೆ ಮಾಹಿತಿ ಪಡೆಯಬಹುದು. ಸೀಟು ಖಾಲಿಯಾಗಿದ್ದರೆ ಟಿಕೆಟ್ ಕಾಯ್ದಿರಿಸುತ್ತೇವೆ. ಇಲ್ಲವೇ ನಮ್ಮ ಪ್ರಯಾಣದ ಸಮಯದವರೆಗೆ ಸೀಟ್ ಸಿಗಬಹುದು ಎಂಬ ಭರವಸೆಯ ಆಧಾರದ ಮೇಲೆ ವೈಟಿಂಗ್ ಟಿಕೆಟ್ ತೆಗೆದುಕೊಳ್ಳುತ್ತೇವೆ. ವಾಸ್ತವವಾಗಿ, ಇಲ್ಲಿಯವರೆಗೆ ರೈಲಿನಲ್ಲಿ ಯಾವುದೇ ಸೀಟು ಖಾಲಿಯಾಗಿದ್ದರೆ ಅದನ್ನು ಸುಲಭವಾಗಿ ತಿಳಿಯಬಹುದಾದ ಯಾವುದೇ ಸೌಲಭ್ಯ ಇರಲಿಲ್ಲ. ಐಆರ್‌ಸಿಟಿಸಿ ಈಗ ಈ ಸೌಲಭ್ಯವನ್ನು ತನ್ನ ಪ್ರಯಾಣಿಕರಿಗೆ ನೀಡುತ್ತಿದೆ.


ಇದನ್ನೂ ಓದಿ- LIC Policy: 233 ರೂ. ಹೂಡಿಕೆ ಮಾಡಿ 17 ಲಕ್ಷ ಗಳಿಸಿ, ತೆರಿಗೆಯಲ್ಲೂ ಬಂಪರ್ ವಿನಾಯಿತಿ


ಪುಶ್ ನೋಟಿಫಿಕೇಶನ್ ಸೌಲಭ್ಯವನ್ನು ಪರಿಚಯಿಸಿದ IRCTC:
ಭಾರತೀಯ ರೈಲ್ವೆ ಅಡುಗೆ ಮತ್ತು ಪ್ರವಾಸೋದ್ಯಮ ನಿಗಮ ಪುಶ್ ನೋಟಿಫಿಕೇಶನ್  (IRCTC Push Notifications) ಸೌಲಭ್ಯವನ್ನು ಆರಂಭಿಸಿದೆ. ಇದರೊಂದಿಗೆ, ಪ್ರಯಾಣಿಕರು ಈಗ ಸೀಟ್ ಲಭ್ಯತೆ ಸೇರಿದಂತೆ ಹಲವು ರೀತಿಯ ಸೌಲಭ್ಯಗಳ ಬಗ್ಗೆ ಮಾಹಿತಿಯನ್ನು ಪಡೆಯಲು ಸಾಧ್ಯವಾಗುತ್ತದೆ. ಐಆರ್‌ಸಿಟಿಸಿ ಇತ್ತೀಚೆಗೆ ತನ್ನ ವೆಬ್‌ಸೈಟ್ ಅನ್ನು ನವೀಕರಿಸಿದೆ (IRCTC New Facility), ಇದರಲ್ಲಿ ಹಲವು ಹೊಸ ವೈಶಿಷ್ಟ್ಯಗಳನ್ನು ಕೂಡ ಸೇರಿಸಲಾಗಿದೆ. ರೈಲಿನಲ್ಲಿ ಸೀಟು ಖಾಲಿಯಾದಾಗಲೆಲ್ಲಾ ಅದರ ನೋಟಿಫಿಕೇಶನ್ ಬಳಕೆದಾರರ ಮೊಬೈಲ್ ನಲ್ಲಿ ಹೋಗುತ್ತದೆ. ಬಳಕೆದಾರರು ತಮ್ಮ ಅನುಕೂಲಕ್ಕೆ ತಕ್ಕಂತೆ ಖಾಲಿ ಇರುವ ಸೀಟನ್ನು ಬುಕ್ ಮಾಡಬಹುದು. ಇದಕ್ಕಾಗಿ, ಬಳಕೆದಾರರು ಮೊದಲು IRCTC ಯ ವೆಬ್‌ಸೈಟ್‌ಗೆ ಹೋಗಿ ಪುಶ್ ನೋಟಿಫಿಕೇಶನ್‌ಗಳ ಸೌಲಭ್ಯವನ್ನು ಪಡೆಯಬೇಕು.


ತಕ್ಷಣ ದೃಢೀಕರಿಸಿದ ಟಿಕೆಟ್ ಪಡೆಯಿರಿ :
ನೀವು ಒಂದು ನಿರ್ದಿಷ್ಟ ದಿನಾಂಕಕ್ಕಾಗಿ ರೈಲಿನಲ್ಲಿ ಸೀಟ್ ಬುಕ್ ಮಾಡುತ್ತಿದ್ದೀರಿ ಎಂದು ಭಾವಿಸಿ, ಆದರೆ ರೈಲಿನಲ್ಲಿ ಯಾವುದೇ ಸೀಟ್ ಲಭ್ಯವಿರುವುದನ್ನು ನೀವು ನೋಡುವುದಿಲ್ಲ. ಆಗ ನೀವು ಟಿಕೆಟ್ ಬುಕ್ ಮಾಡುವುದಿಲ್ಲ. ಇದರ ನಂತರ, ನೀವು ಎಲ್ಲಾ ರೈಲುಗಳಲ್ಲಿ ಟಿಕೆಟ್ ಲಭ್ಯತೆಯನ್ನು ಪರಿಶೀಲಿಸುತ್ತೀರಿ ಎಂದು ಭಾವಿಸೋಣ. ಇಂತಹ ಸಂದರ್ಭದಲ್ಲಿ ಯಾವುದೇ ಪ್ರಯಾಣಿಕನು ತನ್ನ ಟಿಕೇಟ್ ಅನ್ನು ರದ್ದುಗೊಳಿಸಿದರೆ, ನಿಮ್ಮ ಮೊಬೈಲ್‌ನಲ್ಲಿ ತಕ್ಷಣವೇ ಆಸನ ಲಭ್ಯತೆ ಬಗ್ಗೆ ಅಧಿಸೂಚನೆ ಬರುತ್ತದೆ, ಈ ಎಸ್‌ಎಂಎಸ್‌ನಲ್ಲಿ ರೈಲು ಸಂಖ್ಯೆಯ ಮಾಹಿತಿಯೂ ಇರುತ್ತದೆ. ನಂತರ ನೀವು ಬಯಸಿದರೆ, ನೀವು ಈ ಟಿಕೆಟ್ ಅನ್ನು ಕಾಯ್ದಿರಿಸಬಹುದು.


ಇದನ್ನೂ ಓದಿ- Jan Suraksha Yojana: ಬ್ಯಾಂಕಿನ ಈ ಯೋಜನೆಯಲ್ಲಿ ನೋಂದಾಯಿಸಿ, 2 ಲಕ್ಷ ರೂ. ವಿಮೆ ಜೊತೆಗೆ ಪಡೆಯಿರಿ ಹಲವು ಪ್ರಯೋಜನ


ಅಧಿಸೂಚನೆ ಆಯ್ಕೆಯನ್ನು ಒತ್ತಿ:
ನೀವು IRCTC ವೆಬ್‌ಸೈಟ್ ತೆರೆದಾಗ, ನೀವು ಪುಶ್ ಅಧಿಸೂಚನೆಗಳ ಆಯ್ಕೆಯನ್ನು ಪಡೆಯುತ್ತೀರಿ. ಗ್ರಾಹಕರು ಈ ವಿಶೇಷ ಸೇವೆಗೆ ಸಂಪೂರ್ಣವಾಗಿ ಉಚಿತವಾಗಿ ಚಂದಾದಾರರಾಗಬಹುದು. ಇದಕ್ಕಾಗಿ, ಅವರು IRCTC ಯ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ ಮತ್ತು ಈ ಸೇವೆಗೆ ಚಂದಾದಾರರಾಗಬೇಕು. IRCTC ಪ್ರಸ್ತುತ 30 ದಶಲಕ್ಷಕ್ಕೂ ಹೆಚ್ಚು ಬಳಕೆದಾರರನ್ನು ಹೊಂದಿದೆ.


ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.