Indian Railways: ರೈಲು ಟಿಕೆಟ್ ಬುಕ್ ಮಾಡಿ ಉಡುಗೊರೆ ಪಡೆದು, ಚಲಿಸುವ ರೈಲಿನಲ್ಲಿ ಉಚಿತವಾಗಿ ಹುಟ್ಟುಹಬ್ಬ ಆಚರಿಸಿಕೊಳ್ಳಿ

ನವದೆಹಲಿ: IRCTC latest Offer News - ನೀವು ಕೂಡ ಒಂದು ವೇಳೆ ರೈಲಿನಲ್ಲಿ ಪ್ರಯಾಣಿಸಲು ಯೋಜನೆ ರೂಪಿಸುತ್ತಿದ್ದರೆ, ಇಲ್ಲಿನೆ ನಿಮಗೊಂದು ಒಳ್ಳೆಯ ಸುದ್ದಿ. IRCTC ತೇಜಸ್ ಎಕ್ಸ್ ಪ್ರೆಸ್  (Tejas Express) ರೈಲ್ವೆ ಪ್ರಯಾಣಿಕರಿಗಾಗಿ ವಿಶೇಷ ಕೊಡುಗೆಯನ್ನು ತಂದಿದೆ. ಈಗ ನೀವು ಚಲಿಸುವ ರೈಲಿನಲ್ಲಿ ನಿಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಬಹುದು. ಹೌದು, ತೇಜಸ್ ಪ್ರಯಾಣಿಕರು ಲಕ್ಕಿ ಡ್ರಾ ಮೂಲಕ ಬಹುಮಾನಗಳನ್ನು ಗೆಲ್ಲಬಹುದು ಮತ್ತು ಇದಕ್ಕಾಗಿ ಅವರು ಏನೂ  ಮಾಡುವ ಅಗತ್ಯವಿಲ್ಲ. ನೀವು ಟಿಕೆಟ್ ಖರೀದಿಸಿದ ತಕ್ಷಣ ಬಹುಮಾನಗಳನ್ನು ಗೆಲ್ಲುವ ಸಾಧ್ಯತೆಗಳು ಹೆಚ್ಚಾಗುತ್ತವೆ. ಐಆರ್‌ಸಿಟಿಸಿ ತನ್ನ ಅಧಿಕೃತ ಟ್ವಿಟರ್ ಹ್ಯಾಂಡಲ್‌ನಲ್ಲಿ ತೇಜಸ್ ಎಕ್ಸ್‌ಪ್ರೆಸ್‌ನ ಈ ಕೊಡುಗೆಯ ಬಗ್ಗೆ ಮಾಹಿತಿಯನ್ನು ನೀಡಿದೆ.

IRCTC ಬಳಿ ನಿಮ್ಮ ಜನ್ಮ ದಿನಾಂಕದ ಮಾಹಿತಿ ಇಲ್ಲ ಎಂದ ಪರಿಸ್ಥಿತಿಯಲ್ಲಿ, ನೀವು ತೇಜಸ್ ಎಕ್ಸ್ ಪ್ರೆಸ್ ಸಿಬ್ಬಂದಿಗೆ ನೀವು ಹುಟ್ಟಿದ ದಿನಾಂಕದ ಮಾಹಿತಿಯನ್ನು ಸ್ಟೇಷನ್ ನಲ್ಲಿ ಒದಗಿಸಬಹುದು. ಏಕೆಂದರೆ, ಕೇಕ್ ಗಾಗಿ ಮುಂಗಡ ಆರ್ಡರ್ ನೀಡಲಾಗುತ್ತದೆ.

ಇದನ್ನೂ ಓದಿ-Ganesh Chaturthi 2021: ಗಣೇಶೋತ್ಸವ ಪ್ರಯುಕ್ತ 200 ವಿಶೇಷ ರೈಲು ಸೇವೆ

ನಿತ್ಯ 13 ಪ್ರಯಾಣಿಕರಿಗೆ ಉಡುಗೊರೆಯ ಲಾಭ ಸಿಗುತ್ತದೆ (Indian Railways Latest Offer)
ಲಕ್ಕಿ ಡ್ರಾ ಯೋಜನೆಯಲ್ಲಿ ಬಹುಮಾನ ವಿಜೇತ ಪ್ರಯಾಣಿಕರನ್ನು ಆಯ್ಕೆ ಮಾಡಲು ವಿಶೇಷ ಪ್ರಕ್ತಿಯೇ ನಡೆಯುತ್ತದೆ.  ಪ್ರತಿ ದಿನ 13 ಪ್ರಯಾಣಿಕರಿಗೆ ತೇಜಸ್ ಎಕ್ಸ್‌ಪ್ರೆಸ್ ಕೊಡುಗೆ ನೀಡಲಾಗುತ್ತಿದೆ. ಆಗಸ್ಟ್ 27 ರಂದು ಮೊದಲ ಬಾರಿಗೆ ಪ್ರಾರಂಭವಾದಾಗ, ಕೆಲವು ಪ್ರಯಾಣಿಕರು ಸರ್ಪ್ರೈಸ್ ಆಗಿ ಬಂದ ಉಡುಗೊರೆಯನ್ನು ಕಂಡು ಆಶ್ಚರ್ಯಚಕಿತರಾಗಿದ್ದಾರೆ. ಕಂಪ್ಯೂಟರ್ ಚೇರ್ ಕಾರಿನಲ್ಲಿ ಪ್ರಯಾಣಿಸುವ 10 ಪ್ರಯಾಣಿಕರಿಗೆ ಮತ್ತು ಕಾರ್ಯನಿರ್ವಾಹಕ ತರಗತಿಯಲ್ಲಿ ಪ್ರಯಾಣಿಸುವ 3 ಪ್ರಯಾಣಿಕರಿಗೆ ಪ್ರತಿದಿನ ಉಡುಗೊರೆಗಳನ್ನು ವಿತರಿಸಲಾಗುತ್ತಿದೆ. ಈ ಪ್ರಕ್ರಿಯೆಯು ಸೆಪ್ಟೆಂಬರ್ 6 ರವರೆಗೆ ಹೀಗೆಯೇ ಮುಂದುವರೆಯಲಿದೆ.

ಇದನ್ನೂ ಓದಿ-Indian Railways: ರೈಲಿನಲ್ಲಿ ಕಾಯ್ದಿರಿಸಿದ ಟಿಕೆಟ್ ರದ್ದುಗೊಳಿಸುವ ಮೊದಲು IRCTC ಯ ಈ ನಿಯಮ ನಿಮಗೂ ಗೊತ್ತಿರಲಿ

ಈ ರೀತಿ ವಿಜೇತರ ಹೆಸರನ್ನು ಘೋಷಿಸಲಾಗುತ್ತದೆ (Indian Railways Latest News)
ಲಕ್ನೋ ಮತ್ತು ನವದೆಹಲಿ ನಡುವೆ ಸಂಚರಿಸುವ ತೇಜಸ್ ಎಕ್ಸ್‌ಪ್ರೆಸ್‌ನ ಪ್ರಯಾಣಿಕರ PNR ಸಂಖ್ಯೆಯ ಆಧಾರದ ಮೇಲೆ ಉಡುಗೊರೆಯನ್ನು ನೀಡಲಾಗುತ್ತದೆ. ಆನ್‌ಲೈನ್‌ನಲ್ಲಿ ಮಾಡಿದ ಟಿಕೆಟ್‌ಗಳಲ್ಲಿ, ಐಆರ್‌ಸಿಟಿಸಿಯ ಐಟಿ ತಂಡವು ಲಕ್ಕಿ ಡ್ರಾದಲ್ಲಿ 13 ಜನರ ಹೆಸರನ್ನು ಆಯ್ಕೆ ಮಾಡುತ್ತದೆ. ಅದರ ನಂತರ ಆ ಜನರಿಗೆ ರೈಲ್ವೆಯಿಂದ ಉಡುಗೊರೆ ನೀಡಲಾಗುತ್ತದೆ. ತೇಜಸ್ ಎಕ್ಸ್ ಪ್ರೆಸ್ ಆಧುನಿಕ ಸೌಲಭ್ಯಗಳ ದೃಷ್ಟಿಯಿಂದ ಇತರ ರೈಲುಗಳಿಗಿಂತ ಸಾಕಷ್ಟು ಭಿನ್ನವಾಗಿದೆ. ಇದರ ಬಾಡಿಗೆ ಕೂಡ ತುಂಬಾ ಹೆಚ್ಚಿರುವುದಕ್ಕೆ ಇದು ಕಾರಣವಾಗಿದೆ.