Reliance Jio: ಜಿಯೋ ತನ್ನ ಬಳಕೆದಾರರಿಗೆ 2 ಅಗ್ಗದ ಯೋಜನೆಗಳನ್ನು ಪರಿಚಯಿಸಿದೆ

ನವದೆಹಲಿ: ರಿಲಯನ್ಸ್ ಜಿಯೋ ಹೊಸ ಬಳಕೆದಾರರನ್ನು ಸೇರಿಸಲು ವಿಭಿನ್ನ ಯೋಜನೆಗಳನ್ನು ಪರಿಚಯಿಸುತ್ತಿದೆ. ಜಿಯೋ ಕಾಲಕಾಲಕ್ಕೆ ಹೊಸ ರೀಚಾರ್ಜ್ ಯೋಜನೆಗಳನ್ನು ತರುತ್ತಲೇ ಇರುತ್ತದೆ. ಈಗ ಜಿಯೋ 2 ಹೊಸ ರಿಚಾರ್ಜ್ ಪ್ಲಾನ್‌ಗಳನ್ನು ಪರಿಚಯಿಸಿದೆ. ಇವುಗಳು ದೈನಂದಿನ ಹೈ-ಸ್ಪೀಡ್ ಇಂಟರ್ನೆಟ್ ಪ್ಯಾಕ್‌ಗಳಾಗಿವೆ. ಡೇಟಾ ಮುಗಿದ ನಂತರ ಹೆಚ್ಚಿನ ವೇಗದಲ್ಲಿ ಇಂಟರ್ನೆಟ್ ಬಯಸುವ ಜನರಿಗೆ ಇವು ಪ್ರಯೋಜನಕಾರಿ. ಈ 2 ಯೋಜನೆಗಳ ಬೆಲೆ 19 ಮತ್ತು 29 ರೂ. ಮಾತ್ರ. ಇವು ಸಕ್ರಿಯ ರೀಚಾರ್ಜ್ ಪ್ಯಾಕ್‌ಗಳ ಮೇಲೆ ಹೆಚ್ಚುವರಿ ಡೇಟಾವನ್ನು ಒದಗಿಸುತ್ತವೆ.

ಜಿಯೋ 19 ರೂ. ಡೇಟಾ ಬೂಸ್ಟರ್ ಪ್ಲಾನ್

ಜಿಯೋದ ಈ ಡೇಟಾ ಬೂಸ್ಟರ್ ಯೋಜನೆಯು ಸಕ್ರಿಯ ರೀಚಾರ್ಜ್ ಯೋಜನೆಗೆ ಟಾಪ್-ಅಪ್ ಆಗಿ 1.5GB ಡೇಟಾ ಯೋಜನೆಯನ್ನು ನೀಡುತ್ತದೆ. ಬೆಲೆಯೂ ಕೇವಲ 19 ರೂ. ಇದೆ. ಈ ಡೇಟಾ ಬೂಸ್ಟರ್ ಪ್ಲಾನ್‌ಗಳನ್ನು ಪಡೆಯಲು ಬಳಕೆದಾರರು ತಮ್ಮ ಸಂಪರ್ಕದಲ್ಲಿ ನಿಯಮಿತ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯನ್ನು ಸಕ್ರಿಯಗೊಳಿಸಬೇಕು ಎಂದರ್ಥ.

ಇದನ್ನೂ ಓದಿ: ಹೆಚ್ಚಿನ ಪಿಂಚಣಿ ಪಡೆಯಬೇಕಾದರೆ ಇಂದೇ ಪೂರೈಸಬೇಕು ಈ ಕೆಲಸ ! ಇಲ್ಲವಾದರೆ ನಿಮಗೇ ನಷ್ಟ

ಜಿಯೋದ 29 ರೂ. ಡೇಟಾ ಬೂಸ್ಟರ್ ಯೋಜನೆ  

ಸಕ್ರಿಯ ರೀಚಾರ್ಜ್ ಯೋಜನೆಯಾಗಿರುವ ಈ ಯೋಜನೆಯಲ್ಲಿ ಬಳಕೆದಾರರು ಇಂಟರ್ನೆಟ್ ಟಾಪ್-ಅಪ್ ಜೊತೆಗೆ 2.5GBಯ ಡೇಟಾ ಕೊಡುಗೆಯನ್ನು ಪಡೆಯುತ್ತಾರೆ. ನಿಯಮಿತ ರೀಚಾರ್ಜ್ ಯೋಜನೆಯಲ್ಲಿ ದೈನಂದಿನ ಡೇಟಾ ಮಿತಿಯನ್ನು ತಲುಪಿದಾಗ ಡೇಟಾ ಪ್ಯಾಕ್ ಸ್ವಯಂಚಾಲಿತವಾಗಿ ಸಕ್ರಿಯಗೊಳ್ಳುತ್ತದೆ. ಬಳಕೆದಾರರು Jio 5G ನೆಟ್‌ವರ್ಕ್‌ಗೆ ಸಂಪರ್ಕಗೊಂಡಿದ್ದರೆ, ಎರಡೂ ಡೇಟಾ ಬೂಸ್ಟರ್‌ಗಳು 5G ಡೇಟಾ ವೇಗವನ್ನು ಒದಗಿಸುತ್ತದೆ. ಜಿಯೋ ಬಳಕೆದಾರರು My Jio ಅಪ್ಲಿಕೇಶನ್‌ಗೆ ಭೇಟಿ ನೀಡುವ ಮೂಲಕ ಅಥವಾ ಇತರ ಸೇವಾ ಪೂರೈಕೆದಾರರ ಮೂಲಕ ಡೇಟಾ ಬೂಸ್ಟರ್ ಯೋಜನೆಗಳೊಂದಿಗೆ ರೀಚಾರ್ಜ್ ಮಾಡಬಹುದು.

ಇತ್ತೀಚೆಗೆ ವೊಡಾಫೋನ್-ಐಡಿಯಾ ಜಿಯೋ ಬಿಡುಗಡೆಯ ಸಮಯದಲ್ಲಿ ಹೊಸ ಡೇಟಾ ಪ್ಯಾಕ್ ಘೋಷಿಸಿದೆ. ತಮ್ಮ ಬಳಕೆದಾರರಿಗಾಗಿ "ಸೂಪರ್ ಡೇ" ಮತ್ತು "ಸೂಪರ್ ಅವರ್" ಡೇಟಾ ಪ್ಯಾಕ್‌ಗಳನ್ನು ಪ್ರಾರಂಭಿಸಿದೆ. ಈ ಪ್ಯಾಕ್ ತ್ವರಿತ ಇಂಟರ್ನೆಟ್ ರೀಫಿಲ್ ಅಗತ್ಯವಿರುವ ಬಳಕೆದಾರರಿಗಾಗಿ 1 ಗಂಟೆ ಅಥವಾ 1 ದಿನದ ವ್ಯಾಲಿಡಿಟಿ ಹೊಂದಿರುತ್ತದೆ. "ಸೂಪರ್ ಅವರ್" ಪ್ಯಾಕ್‌ನ ಬೆಲೆ 24 ರೂ. ಮತ್ತು ಇದು 1 ಗಂಟೆಗೆ ಅನಿಯಮಿತ ಡೇಟಾ ಪ್ರಯೋಜನ ನೀಡುತ್ತದೆ. ಪರ್ಯಾಯವಾಗಿ "ಸೂಪರ್ ಡೇ" ಪ್ಯಾಕ್‌ನ ಬೆಲೆ 49 ರೂ. ಮತ್ತು 24 ಗಂಟೆಗಳ ವ್ಯಾಲಿಡಿಟಿಯೊಂದಿಗೆ ಇದು 6GB ಡೇಟಾವನ್ನು ನೀಡುತ್ತದೆ.

ಇದನ್ನೂ ಓದಿ: Maruti Car Offers: ಮಾರುತಿ ಕಾರುಗಳ ಮೇಲೆ ಭರ್ಜರಿ ರಿಯಾಯಿತಿ, ಇಲ್ಲಿದೆ ಸಂಪೂರ್ಣ ಮಾಹಿತಿ