ಕಳೆದು ಹೋದ PAN Card ಪಡೆಯುವುದು ಹೇಗೆ? ಇಲ್ಲಿದೆ ಕಂಪ್ಲೀಟ್‌ ಡಿಟೇಲ್ಸ್‌!

ನವದೆಹಲಿ: ಬ್ಯಾಂಕ್ ಸಂಬಂಧಿತ ಅಥವಾ ಇತರ ಪ್ರಮುಖ ಕೆಲಸಗಳಿಗೆ ಪ್ಯಾನ್ ಕಾರ್ಡ್ ಅಗತ್ಯವಿದೆ ಮತ್ತು ಕೆಲವೊಮ್ಮೆ ನಮ್ಮ ನಿರ್ಲಕ್ಷ್ಯ ಅಥವಾ ಇತರ ಯಾವುದೇ ಕಾರಣಗಳಿಂದಾಗಿ ಈ ಪ್ರಮುಖ ದಾಖಲೆಗಳು ಕಳೆದುಹೋಗುತ್ತವೆ. ಅದು ಕಳೆದುಹೋದಾಗ, ನಾವು ಬಹಳಷ್ಟು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಆದರೆ ಪ್ಯಾನ್ ಕಾರ್ಡ್ ಕಳೆದುಹೋದ ನಂತರ ಅದನ್ನು ಹೇಗೆ ಮರುಪಡೆಯಬೇಕು ಎಂಬುದು ಬಹುತೇಕ ಜನರಿಗೆ ತಿಳಿದಿರುವುದಿಲ್ಲ.  ನಿಮ್ಮ ಪ್ಯಾನ್ ಕಾರ್ಡ್ ಕಳೆದುಕೊಂಡರೆ ಅದನ್ನು ಹೇಗೆ ಪಡೆಯುವುದು ಮತ್ತು ಅದಕ್ಕೆ ನೀವು ಎಷ್ಟು ಹಣವನ್ನು ಪಾವತಿಸಬೇಕಾಗುತ್ತದೆ ಎಂದು ಇಂದು ನಾವು ನಿಮಗೆ ತಿಳಿಸುತ್ತಿದ್ದೇವೆ  

ಇದನ್ನೂ ಓದಿ:7th Pay Commission : ಈ ತಿಂಗಳ ಕೇಂದ್ರ ನೌಕರರ ಸಂಬಳದಲ್ಲಿ ಹೆಚ್ಚಳ : ಇಲ್ಲಿದೆ ಸಂಪೂರ್ಣ ಲೆಕ್ಕಾಚಾರ

ಮತ್ತೊಮ್ಮೆ ಪ್ಯಾನ್ ಕಾರ್ಡ್ ಪಡೆಯಲು ಹೀಗೆ ಅಪ್ಲೈ ಮಾಡಿ:

ಮೊದಲು ಗೂಗಲ್ ನಲ್ಲಿ ಪ್ಯಾನ್ ಕಾರ್ಡ್ ರಿಪ್ರಿಂಟ್ ಟೈಪ್ ಮಾಡಿ

ಬಳಿಕ ಎನ್‌ಎಸ್‌ಡಿಎಲ್‌ ವೆಬ್ಸೈಟ್ ಮೇಲೆ ಕ್ಲಿಕ್ಕ ಮಾಡಿ.

ಇದಾದ ಬಳಿಕ ನಿಮಗೆ ಕೆಲ ಮಾಹಿತಿಗಳನ್ನು ಕೇಳಲಾಗುವುದು. ಇಲ್ಲಿ ನಿಮಗೆ PAN, Aadhaar Number ಹಾಗೂ Date Of Birth ಭರ್ತಿ ಮಾಡಬೇಕು.

ಇದಾದ ಬಳಿಕ ಅಲ್ಲಿರುವ GSTN ನಂಬರ್ ಅನ್ನು ನೀವು ಬಿಡಬಹುದು. ಹಾಗೂ ಟರ್ಮ್ಸ್ ಅಂಡ್ ಕಂಡೀಶನ್ ಅನ್ನು ಒಪ್ಪಿಕೊಳ್ಳಬೇಕು.

ಈಗ ಅದರಲ್ಲಿ ಕ್ಯಾಪ್ಚಾ ಕೋಡ್ ನಮೂದಿಸಿ ಸಬ್ಮಿಟ್ ಮೇಲೆ ಕ್ಲಿಕ್ಕಿಸಬೇಕು.

ಇದಾದ ಬಳಿಕ ನಿಮ್ಮ ಮುಂದೆ ಹೊಸ ಪುಟವೊಂದು ತೆರೆದುಕೊಳ್ಳಲಿದೆ. ಆ ಪುಟದಲ್ಲಿ ನಿಮ್ಮ ಎಲ್ಲ ಮಾಹಿತಿ ಇರಲಿದೆ.

ನಿಮ್ಮ ಹೊಸ ಪ್ಯಾನ್ ಕಾರ್ಡ್ ಎಲ್ಲಿಗೆ ಕಳುಹಿಸಬೇಕು ಎಂಬುದನ್ನು ಸೂಚಿಸಲು ನಿಮ್ಮ ವಿಳಾಸ ಮತ್ತು ಪಿನ್ ಕೋಡ್ ಅನ್ನು ಇಲ್ಲಿ ನೀವು ಖಚಿತಪಡಿಸಬಹುದು.

ವಿಳಾಸ ಪರಿಶೀಲನೆಯ ನಂತರ ನೀವು ಒಟಿಪಿ ಪಡೆಯಬೇಕು. ನೀವು ಅಧಿಕೃತ ಫೋನ್ ಸಂಖ್ಯೆ ಅಥವಾ ಇಮೇಲ್ ಮೂಲಕ ಒಟಿಪಿ ಪಡೆಯಬಹುದು.

ಈಗ ನೀವು ಜನರೆಟ್ ಒಟಿಪಿ ಕ್ಲಿಕ್ ಮಾಡಬೇಕು. ಇದನ್ನು ಮಾಡಿದ ನಂತರ, ನಿಮ್ಮ ಫೋನ್‌ನಲ್ಲಿ ಒಟಿಪಿ ಬರುತ್ತದೆ.

ಒಟಿಪಿಯನ್ನು ನಮೂದಿಸಿದ ನಂತರ, ನೀವು 50 ರೂಪಾಯಿಗಳನ್ನು ಪಾವತಿಸಬೇಕು. ಇದಕ್ಕಾಗಿ, ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್, ಯುಪಿಐನಂತಹ ಅನೇಕ ಆಯ್ಕೆಗಳು ನಿಮ್ಮ ಮುಂದೆ ಬರುತ್ತವೆ.

ಇದರ ನಂತರ, ನೀವು ಪಾವತಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕು. ಇದಕ್ಕಾಗಿ, ನೀವು ವಿನಂತಿಸಿದ ವಿವರಗಳನ್ನು ಸಲ್ಲಿಸಬೇಕು.

ಪಾವತಿಯ ನಂತರ, ನಿಮ್ಮನ್ನು ಪ್ಯಾನ್ ವೆಬ್‌ಸೈಟ್‌ಗೆ ಮರುನಿರ್ದೇಶಿಸಲಾಗುತ್ತದೆ. ಇಲ್ಲಿ ನೀವು ಮುಂದುವರಿಸು ಕ್ಲಿಕ್ ಮಾಡಬೇಕು.

ಸ್ಲಿಪ್ ತೆಗೆದುಕೊಳ್ಳಲು ಇಲ್ಲಿ ನೀವು ಜನರೇಟ್ ಮತ್ತು ಪ್ರಿಂಟ್ ಕ್ಲಿಕ್ ಮಾಡಬೇಕು. ಇದನ್ನು ಮಾಡಿದ ನಂತರ ನಿಮ್ಮ ಸ್ಲಿಪ್ ಅನ್ನು ರಚಿಸಲಾಗುತ್ತದೆ. ನೀವು ಬಯಸಿದರೆ, ನೀವು ಅದರ ಮುದ್ರಣವನ್ನು ತೆಗೆದುಕೊಳ್ಳಬಹುದು ಅಥವಾ ನೀವು ಅದನ್ನು ನಿಮ್ಮ ಫೋನ್‌ನಲ್ಲಿ ಉಳಿಸಬಹುದು.