RBI Cancels Sunday Holiday: ವಾರದ ರಜೆ ಕ್ಯಾನ್ಸಲ್, ಭಾನುವಾರ ಕೂಡ ಬ್ಯಾಂಕ್ ತೆರೆಯಿರಿ, RBIನ ಈ ತೀರ್ಮಾನಕ್ಕೆ ಕಾರಣ ಏನು?

Financial Year 2023-34 End: ಪ್ರಸಕ್ತ ಆರ್ಥಿಕ ವರ್ಷದ ಕೊನೆಯ ದಿನವಾಗಿರುವ ಮಾರ್ಚ್ 31, 2024 ರ ಭಾನುವಾರದಂದು ದೇಶಾದ್ಯಂತ ಎಲ್ಲಾ ಬ್ಯಾಂಕುಗಳನ್ನು ತೆರೆಯಲು ಭಾರತೀಯ ರಿಸರ್ವ್ ಬ್ಯಾಂಕ್ (RBI) ನಿರ್ದೇಶನ ನೀಡಿದೆ. ಈ ಕುರಿತು ಮಹತ್ವದ ನಿರ್ಣಯ ತೆಗೆದುಕೊಂಡ RBI, ಭಾನುವಾರದ ಹೊರತಾಗಿಯೂ ಮಾರ್ಚ್ 31, 2024 ರಂದು ದೇಶದಾದ್ಯಂತ ಬ್ಯಾಂಕುಗಳನ್ನು ತೆರೆಯಲು ನಿರ್ದೇಶನ ನೀಡಿದೆ. ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಂಚಿಕೊಳ್ಳುವ ಮೂಲಕ ಆರ್‌ಬಿಐ ಈ ಮಾಹಿತಿಯನ್ನು ನೀಡಿದೆ. ಸೆಂಟ್ರಲ್ ಬ್ಯಾಂಕ್‌ನ ಸೂಚನೆಗಳನ್ನು ಅನುಸರಿಸಿ, ಮಾರ್ಚ್ 31 ರಂದು ದೇಶಾದ್ಯಂತ ಎಲ್ಲಾ ಬ್ಯಾಂಕ್‌ಗಳು ಕಾರ್ಯನಿರ್ವಹಿಸಲಿವೆ. 

ಭಾನುವಾರ ಏಕೆ ಬ್ಯಾಂಕ್ ಗಳು ಕಾರ್ಯನಿರ್ವಹಿಸಬೇಕು
ಮಾರ್ಚ್ 31ರ ಭಾನುವಾರದಂದು ಬ್ಯಾಂಕ್‌ಗಳನ್ನು ತೆರೆಯುವಂತೆ ಆರ್‌ಬಿಐ ಸೂಚನೆ ನೀಡಿದೆ (Rbi cancels sunday holiday today). ಇದು ಪ್ರಸಕ್ತ ಹಣಕಾಸು ವರ್ಷದ ಅಂದರೆ 2023-24ರ ಕೊನೆಯ ದಿನವಾಗಿರುವುದರಿಂದ ರಿಸರ್ವ್ ಬ್ಯಾಂಕ್ (rbi working days) ಈ ನಿರ್ಣಯ ಕೈಗೊಂಡಿದೆ. ಮಾರ್ಚ್ 31 ರಂದು ಆನ್ಯುವಲ್ ಕ್ಲೋಸಿಂಗ್ ಡೇ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ ಹೇಳಿದೆ. ಇಂತಹ ಪರಿಸ್ಥಿತಿಯಲ್ಲಿ, ಎಲ್ಲಾ ಬ್ಯಾಂಕುಗಳು ಎಂದಿನಂತೆ ಕಾರ್ಯನಿರ್ವಹಿಸಲಿವೆ, ಇದರಿಂದಾಗಿ ಆರ್ಥಿಕ ವರ್ಷದ ಅಂತ್ಯದವರೆಗೆ ನಡೆಯುವ ವಹಿವಾಟುಗಳನ್ನು ಅದೇ ವರ್ಷದಲ್ಲಿ ನೋಂದಾಯಿಸಬಹುದು. ಮಾರ್ಚ್ 31 ರಂದು ವಹಿವಾಟುಗಳಿಗಾಗಿ ಸರ್ಕಾರಿ ರಶೀದಿ ಮತ್ತು ಪಾವತಿಗೆ ಸಂಬಂಧಿಸಿದ ಬ್ಯಾಂಕ್‌ಗಳ ಎಲ್ಲಾ ಶಾಖೆಗಳನ್ನು ಮುಕ್ತವಾಗಿಡಲು ಭಾರತ ಸರ್ಕಾರ ಕೋರಿದೆ, ಇದರಿಂದಾಗಿ ಎಲ್ಲಾ ಸರ್ಕಾರಿ ವಹಿವಾಟುಗಳ ಖಾತೆಗಳನ್ನು ನಿರ್ವಹಿಸಬಹುದು.

ಇದನ್ನೂ ಓದಿ-RBI Big Relief: ಕ್ರೆಡಿಟ್ ಕಾರ್ಡ್ ಬಳಸುವವರಿಗೆ ಭಾರಿ ನೆಮ್ಮದಿಯ ಸುದ್ದಿ ಪ್ರಕಟಿಸಿದ ಆರ್ಬಿಐ, ಬಿಲ್ಲಿಂಗ್ ಗೂ ಹೊಸ ನಿಯಮ ಜಾರಿ!

ಬ್ಯಾಂಕುಗಳು ಯಾವಾಗ ತೆರೆದುಕೊಳ್ಳಲಿವೆ?
ಮಾರ್ಚ್ 31 ರಂದು ಹಣಕಾಸು ವರ್ಷದ ವಾರ್ಷಿಕ ಮುಕ್ತಾಯದ ಅವಧಿಯಲ್ಲಿ, ದೇಶಾದ್ಯಂತ ಬ್ಯಾಂಕುಗಳು ತಮ್ಮ ನಿಗದಿತ ಸಮಯದಲ್ಲಿ ತೆರೆಯಲು ಸೂಚನೆ ನೀಡಲಾಗಿದೆ ಎಂದು ಆರ್‌ಬಿಐ ಹೇಳಿದೆ. ಮಾರ್ಚ್ 31, ಭಾನುವಾರದಂದು ಎಲ್ಲಾ ಬ್ಯಾಂಕ್‌ಗಳು ತಮ್ಮ ನಿಯಮಿತ ಸಮಯದಲ್ಲಿ ತೆರೆದುಕೊಳ್ಳುತ್ತವೆ ಮತ್ತು ನಿಗದಿತ ಸಮಯಕ್ಕೆ ಮುಚ್ಚಳಿವೆ. ಆದಾಗ್ಯೂ, ಗ್ರಾಹಕರು ಮಧ್ಯ ರಾತ್ರಿಯ 12 ಗಂಟೆ ವರೆಗೆ NEFT ಮತ್ತು RTGS ವಹಿವಾಟುಗಳನ್ನು ನಡೆಸಲು ಸಾಧ್ಯವಾಗಲಿದೆ. 

ಇದನ್ನೂ ಓದಿ-Home Loan ಮೇಲೆ ಭಾರಿ ರಿಯಾಯಿತಿ, ಹೋಳಿ ಹಬ್ಬಕ್ಕೂ ಮುನ್ನ ಬಡ್ಡಿದರದಲ್ಲಿ ಭಾರಿ ಇಳಿಕೆ ಮಾಡಿದೆ ಈ ಸರ್ಕಾರಿ ಬ್ಯಾಂಕ್!