Honda Activa Electric Scooter: ಹೋಂಡಾ ಇತ್ತೀಚೆಗೆ ಆಕ್ಟಿವಾ ಹೆಚ್-ಸ್ಮಾರ್ಟ್ ರೂಪಾಂತರಿಯನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ, ಇದನ್ನು ಕೀ  ಲೆಸ್ ವೈಶಿಷ್ಟ್ಯದೊಂದಿಗೆ ಬಿಡುಗಡೆ ಮಾಡಲಾಗಿದೆ. ಈ ಕಾರ್ಯಕ್ರಮದಲ್ಲಿ ಮಾತನಾಡಿರುವ ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ (ಎಚ್‌ಎಂಎಸ್‌ಐ) ನ ಎಂಡಿ ಮತ್ತು ಸಿಇಒ ಅತ್ಸುಶಿ ಒಗಾಟಾ ಕಂಪನಿಯ ಇವಿ ಮಾರ್ಗಸೂಚಿಯನ್ನು ಸಹ ಬಹಿರಂಗಪಡಿಸಿದ್ದಾರೆ. ಭಾರತಕ್ಕೆ ಹೋಂಡಾದ ಮೊದಲ EV ಅದರ ಹೆಚ್ಚು ಮಾರಾಟವಾಗುವ ಆಕ್ಟಿವಾ ಸ್ಕೂಟರ್‌ನ ಎಲೆಕ್ಟ್ರಿಕ್ ಆವೃತ್ತಿಯಾಗಿದೆ ಎಂದು ಈಗಾಗಲೇ ಊಹಿಸಲಾಗಿತ್ತು. ಇದೀಗ ಒಗಟಾ ಅದರ ಮೇಲೆ ಮುದ್ರೆಯೋತ್ತಿದ್ದಾರೆ. ಅವರ ಪ್ರಕಾರ, ಮುಂದಿನ ವರ್ಷ ಜನವರಿ 2024 ರಲ್ಲಿ ಆಕ್ಟಿವಾ ಎಲೆಕ್ಟ್ರಿಕ್ ಅನ್ನು ಬಿಡುಗಡೆ ಮಾಡುವ ಸಾಧ್ಯತೆ ಇದೆ. ಆಕ್ಟಿವಾ ಎಲೆಕ್ಟ್ರಿಕ್ ಅದರ ICE-ಆಧಾರಿತ ಪ್ರತಿರೂಪದಂತೆಯೇ ಜನಪ್ರಿಯತೆಯನ್ನು ಗಳಿಸಲು ಸಾಧ್ಯವಾಗುತ್ತದೆಯೇ ಎಂಬುದನ್ನು ಕಾಲವೇ ನಿರ್ಧರಿಸಲಿದೆ.


COMMERCIAL BREAK
SCROLL TO CONTINUE READING

ಇದನ್ನೂ ಓದಿ-ಮಾರುತಿ ಕಂಪನಿಯ 7 ಆಸನ ಹೊಂದಿರುವ ಈ ಕಾರು ಬಿಡುಗಡೆಗೆ ಜನ ತುದಿಗಾಲಲ್ಲಿ ಕಾಯುತ್ತಿದ್ದಾರೆ, ಕಾರಣ ಗೊತ್ತಾ?


ಎಲೆಕ್ಟ್ರಿಕ್ ದ್ವಿಚಕ್ರ ವಾಹನದ ಸೆಗ್ಮೆಂಟ್ ನಲ್ಲಿ ಹೆಚ್ಚಿನ ಹೊಸ ವಾಹನಗಳ ವ್ಯಾಪ್ತಿ, ಗರಿಷ್ಠ ವೇಗ, ಕಾರ್ಯಕ್ಷಮತೆ, ವಿಶೇಷತೆ ಇತ್ಯಾದಿಗಳ ವಿಷಯದಲ್ಲಿ ತಮ್ಮ ಹತ್ತಿರದ ಪ್ರತಿಸ್ಪರ್ಧಿಗಳನ್ನು ಮೀರಿಸಲು ಹೊಂಡಾ ಉದ್ದೇಶಿಸಿದೆ. ಆದರೆ ಆಕ್ಟಿವಾ ಎಲೆಕ್ಟ್ರಿಕ್‌ಗಾಗಿ, ಕಂಪನಿಯು ಸಂಪೂರ್ಣವಾಗಿ ವಿಭಿನ್ನವಾದ ವಿಧಾನದೊಂದಿಗೆ ಮುಂದುವರಿಯಬಹುದು ಎನ್ನಲಾಗುತ್ತಿದೆ. ಆಕ್ಟಿವಾ ಎಲೆಕ್ಟ್ರಿಕ್‌ನಲ್ಲಿ ವಿಶ್ವಾಸಾರ್ಹತೆಯನ್ನು ಹೆಚ್ಚು ಕೇಂದ್ರೀಕರಿಸಬಹುದು. ಇದು 50 kmph ಗರಿಷ್ಟ ವೇಗ ಹೊಂದುವ ನಿರೀಕ್ಷೆಯಿದೆ, ಇದು ಚಾಲ್ತಿಯಲ್ಲಿರುವ ಉದ್ಯಮದ ಸರಾಸರಿ 80-100 kmph ಗಿಂತ ತುಂಬಾ ಕಡಿಮೆಯಾಗಿದೆ.


ಇದನ್ನೂ ಓದಿ-RX100 ಲುಕ್ ಇರುವ ಅಗ್ಗದ 150ಸಿಸಿ ಬೈಕ್ ಬಿಡುಗಡೆ ಮಾಡಿದ ಯಮಾಹಾ!


ಕೆಲವು ಪ್ರಮುಖ EV-ನಿರ್ದಿಷ್ಟ ಬದಲಾವಣೆಗಳನ್ನು ಹೊರತುಪಡಿಸಿ, ಸ್ಕೂಟರ್ ಪ್ರಸ್ತುತ ಮಾದರಿಯಂತೆಯೇ ಉಳಿಯುವ ಸಾಧ್ಯತೆಯಿದೆ. ಆಕ್ಟಿವಾ ಎಲೆಕ್ಟ್ರಿಕ್ ಸ್ಥಿರ ಬ್ಯಾಟರಿ ಸೆಟಪ್ ಅನ್ನು ಹೊಂದಿರಬಹುದು. ವಿಶೇಷವಾಗಿ 165 ಕಿಮೀ ರೇಂಜ್ ಹೊಂದಿರುವ ಹೀರೋ ವಿಡಾ ವಿ1 ಪ್ರೊಗೆ ಹೋಲಿಸಿದರೆ ಆಕ್ಟಿವಾ ಎಲೆಕ್ಟ್ರಿಕ್‌ನ ಶ್ರೇಣಿಯು ಸಾಕಷ್ಟು ಸಾಧಾರಣವಾಗಿರಬಹುದು. ಇದರ ಬೆಲೆ ಪ್ರಸ್ತುತ ಮಾರುಕಟ್ಟೆಯಲ್ಲಿರುವ ಪೆಟ್ರೋಲ್ ಆಕ್ಟಿವಾಕ್ಕಿಂತ ಸ್ವಲ್ಪ ಹೆಚ್ಚಾಗಿರುವ ಸಾಧ್ಯತೆ ಇದೆ.


ಇದನ್ನೂ ನೋಡಿ-


https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.