ಕೇಂದ್ರ ಸರ್ಕಾರದ ವತಿಯಿಂದ ನಿಮ್ಮ ಖಾತೆಗೆ ನೀಡಲಾಗುತ್ತದೆ 10,000 ರೂಪಾಯಿ..! ನೀವು ಮಾಡಬೇಕಿರುವುದಿಷ್ಟೇ ..

ನವದೆಹಲಿ : ಕರೋನಾ ಕಾರಣದಿಂದ (Coronavirus) ಅತೀ ಹೆಚ್ಚು ತತ್ತರಿಸಿದ್ದು, ದಿನಗೂಲಿ ಕಾರ್ಮಿಕರು.   ಈಗ ಕ್ರಮೇಣ ಕೈಗಾರಿಕೆಗಳು ಮತ್ತೆ ಆರಂಭಗೊಂಡಿವೆ. ಆದರೆ ತಮ್ಮ ವ್ಯಾಪಾರದಿಂದಲೇ ಕುಟುಂಬ ನಿರ್ವಹಣೆಯ ಹೊಣೆ ಹೊತ್ತಿರುವ ಅದೆಷ್ಟೋ ಬೀದಿಬದಿ ವ್ಯಾಪಾರಿಗಳು ಇದ್ದಾರೆ. 

ಸರಕಾರ ನೀಡುತ್ತಿದೆ 10 ಸಾವಿರ  ರೂಪಾಯಿ :
ಬಂಡವಾಳದ ಕೊರತೆಯಿಂದ ಬೀದಿ ಬದಿ ವ್ಯಾಪಾರಗಳನ್ನು ಮಾಡುವುದು ಸಾಧ್ಯವಾಗದಿದ್ದರೆ, ಈ ಸುದ್ದಿ ನಿಮಗೆ ಸಹಾಯವಾಗಬಹುದು. 'ಪ್ರಧಾನಿ ಸ್ವಾನಿಧಿ ಯೋಜನೆ' (PM Svanidhi Yojana) ಅಡಿಯಲ್ಲಿ ಯಾವುದೇ ಖಾತರಿ ಇಲ್ಲದೆ, 10,000 ರೂ. ವರೆಗೆ ಸಾಲವನ್ನು ಪಡೆದುಕೊಳ್ಳಬಹುದು. ಹತ್ತಿರದ ಬ್ಯಾಂಕ್‌ಗೆ (Bank) ಹೋಗಿ,  ಈ ಯೋಜನೆಯಡಿ 10 ಸಾವಿರ ರೂಪಾಯಿ ಸಾಲ ಪಡೆದು ವ್ಯಾಪಾರ ಆರಂಭಿಸಬಹುದು. 

ಇದನ್ನೂ ಓದಿ : ಮೊಬೈಲ್ ನಂಬರ್ ನೊಂದಣಿಯಾಗದಿದ್ದರೂ ಡೌನ್‌ಲೋಡ್ ಮಾಡಬಹುದು ಆಧಾರ್ ಕಾರ್ಡ್..!

ಯೋಜನೆಯ ಮುಖ್ಯಾಂಶಗಳು :
-ಇದರ ಅಡಿಯಲ್ಲಿ, ಸಾಲಗಾರನ ಮೊಬೈಲ್ ಸಂಖ್ಯೆಯನ್ನು ಆಧಾರ್‌ನೊಂದಿಗೆ ಲಿಂಕ್ (Mobile Aadhaar link) ಮಾಡುವುದು ಅವಶ್ಯಕ.
-ನೆನಪಿರಲಿ  ಮಾರ್ಚ್ 24,  2020 ಅಥವಾ ಅದಕ್ಕೂ ಮೊದಲು ಈ ಕೆಲಸದಲ್ಲಿ ತೊಡಗಿರುವವರಿಗೆ ಮಾತ್ರ ಈ ಲೋನ್ (Loan) ಲಭ್ಯವಿರುತ್ತದೆ.
- ಈ ಸಾಲದ ಯೋಜನಾ ಅವಧಿಯು ಮಾರ್ಚ್ 2022 ರವರೆಗೆ ಮಾತ್ರ ಇರಲಿದೆ. ಆದ್ದರಿಂದ ಶೀಘ್ರದಲ್ಲೇ ಅದರ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕಾಗುತ್ತದೆ. 
- ನಗರ ಅಥವಾ ಅರೆ ನಗರ, ಗ್ರಾಮೀಣ ಪ್ರದೇಶಗಳ ಬೀದಿ ವ್ಯಾಪಾರಿಗಳು ಈ ಸಾಲವನ್ನು ಪಡೆಯಬಹುದು.
-ಈ ಸಾಲದ ಬಡ್ಡಿಯ ಮೇಲೆ ಸಬ್ಸಿಡಿ ಲಭ್ಯವಿದೆ ಮತ್ತು ಮೊತ್ತವನ್ನು ತ್ರೈಮಾಸಿಕ ಆಧಾರದ ಮೇಲೆ ಖಾತೆಗೆ ವರ್ಗಾಯಿಸಲಾಗುತ್ತದೆ.

ಖಾತರಿಯಿಲ್ಲದೆ ಉಚಿತ ಸಾಲ  :
ಈ ಯೋಜನೆಯಡಿಯಲ್ಲಿ, ಬೀದಿ ವ್ಯಾಪಾರಿಗಳು ಒಂದು ವರ್ಷಕ್ಕೆ 10,000 ರೂ. ವರೆಗೆ  ಸಾಲವನ್ನು ಪಡೆಯಬಹುದು. ಅಂದರೆ, ಈ ಯೋಜನೆಯಲ್ಲಿ, ಸಾಲ ತೆಗೆದುಕೊಳ್ಳಲು ಯಾವುದೇ ರೀತಿಯ ಗ್ಯಾರಂಟಿ ನೀಡಬೇಕಾಗಿಲ್ಲ. ಪಡೆದಿರುವ ಸಾಲವನ್ನು ಮಾಸಿಕ ಕಂತುಗಳಲ್ಲಿ ಪಾವತಿಸಬಹುದು.

ಇದನ್ನೂ ಓದಿ  : ಹಿರಿಯ ನಾಗರಿಕರಿಗೆ ಸೂಪರ್‌ಹಿಟ್ ಪಿಂಚಣಿ ಯೋಜನೆ ಆರಂಭ, ಕೈ ಸೇರಲಿದೆ 1.1 ಲಕ್ಷ ರೂಪಾಯಿ

ಎಷ್ಟು ಸಬ್ಸಿಡಿ ಲಭ್ಯವಿದೆ ?
ಪಿಎಂ ಸ್ವಾನಿಧಿ ಯೋಜನೆಯಡಿಯಲ್ಲಿ (Pm Svanidhi Yojana) ಪಡೆದ ಸಾಲವನ್ನು ಮಾರಾಟಗಾರರು ನಿಯಮಿತವಾಗಿ ಮರುಪಾವತಿ ಮಾಡಿದರೆ, ಅವರಿಗೆ ವಾರ್ಷಿಕ ಶೇಕಡಾ 7 ರ ಬಡ್ಡಿ ದರದಲ್ಲಿ ಸಬ್ಸಿಡಿಯನ್ನು (Subsidy on interest) ನೀಡಲಾಗುತ್ತದೆ. ಬಡ್ಡಿ ಸಹಾಯಧನದ ಮೊತ್ತವನ್ನು ತ್ರೈಮಾಸಿಕ ಆಧಾರದ ಮೇಲೆ ಫಲಾನುಭವಿಯ ಬ್ಯಾಂಕ್ ಖಾತೆಗೆ ನೇರವಾಗಿ ಕಳುಹಿಸಲಾಗುತ್ತದೆ. ಸಮಯಕ್ಕೆ ಸರಿಯಾಗಿ ಸಾಲವನ್ನು ಪಾವತಿಸಿದರೆ, ಮಾತ್ರ ಸಬ್ಸಿಡಿಯನ್ನು ನಿಮ್ಮ ಖಾತೆಗೆ ಜಮಾ ಮಾಡಲಾಗುತ್ತದೆ.