ದೇಶದ ಏಕೈಕ ಟ್ಯಾಕ್ಸ್ ಫ್ರೀ ರಾಜ್ಯ ಇದು !ಇಲ್ಲಿನ ನಿವಾಸಿಗಳು ಕೋಟಿಗಳಲ್ಲಿ ಸಂಪಾದಿಸಿದರೂ ಕಟ್ಟಬೇಕಿಲ್ಲ ಒಂದು ರೂಪಾಯಿ ತೆರಿಗೆ

Tax Free State in India : ಆದಾಯ ತೆರಿಗೆಯ ವ್ಯಾಪ್ತಿಯಲ್ಲಿ ಬಂದರೆ, ತೆರಿಗೆ ಸ್ಲ್ಯಾಬ್ ಪ್ರಕಾರ ನಿಮ್ಮ ಗಳಿಕೆಯ ಮೇಲೆ ಆದಾಯ ತೆರಿಗೆಯನ್ನು ಪಾವತಿಸಬೇಕಾಗುತ್ತದೆ. ಆದರೆ ನಮ್ಮ ದೇಶದ ಒಂದು ರಾಜ್ಯ ಈ ನಿಯಮದಿಂದ ಸಂಪೂರ್ಣ ವಿನಾಯಿತಿ ಪಡೆದಿದೆ. ಇದು ಭಾರತದ ಏಕೈಕ ತೆರಿಗೆ ಮುಕ್ತ ರಾಜ್ಯವಾಗಿದೆ. ಇಲ್ಲಿನ ಜನರು ಕೋಟ್ಯಂತರ ರೂಪಾಯಿ ಸಂಪಾದಿಸಿದರೂ ಆದಾಯ ತೆರಿಗೆ ಇಲಾಖೆ ಅವರಿಂದ ಆದಾಯ ತೆರಿಗೆ ಹೆಸರಿನಲ್ಲಿ  ಒಂದು ರೂಪಾಯಿ ಕೂಡಾ ಸಂಗ್ರಹಿಸುವಂತಿಲ್ಲ. ಸರ್ಕಾರದ ಈ ಕ್ರಮದ ಹಿಂದೆ ಕಾರಣವೂ ಇದೆ. 

ಈ ರಾಜ್ಯದಲ್ಲಿ ಕಟ್ಟಬೇಕಿಲ್ಲ ತೆರಿಗೆ :
ಸಿಕ್ಕಿಂ ಅನ್ನು ಭಾರತದಲ್ಲಿ ತೆರಿಗೆ ಮುಕ್ತ ರಾಜ್ಯ ಎಂದು ಕರೆಯಲಾಗುತ್ತದೆ. ದೇಶದಲ್ಲಿ ವಾಸಿಸುವ ಜನರನ್ನು ತೆರಿಗೆ ವ್ಯಾಪ್ತಿಯಿಂದ ಹೊರಗಿಡುವ ಏಕೈಕ ರಾಜ್ಯ ಇದಾಗಿದೆ. ಈ ವಿನಾಯಿತಿಯನ್ನು ವಿಭಾಗ 10 (26AAA) ಅಡಿಯಲ್ಲಿ ಇಲ್ಲಿನ ಜನರಿಗೆ ನೀಡಲಾಗಿದೆ. ಸಿಕ್ಕಿಂನ ಸ್ಥಳೀಯ ನಿವಾಸಿಗಳು ಆದಾಯ ತೆರಿಗೆ ಕಾಯಿದೆ, 1961 ರ ಸೆಕ್ಷನ್ 10 (26AAA) ಅಡಿಯಲ್ಲಿ ಆದಾಯ ತೆರಿಗೆಯಿಂದ ವಿನಾಯಿತಿ ಪಡೆಯುತ್ತಾರೆ. 

ಇದನ್ನೂ ಓದಿ : ಜನವರಿ 1 ರಿಂದ ಎಲ್ಲಾ ರಾಷ್ಟ್ರೀಕೃತ ಬ್ಯಾಂಕ್‌ಗಳ ಸಮಯದಲ್ಲಿ ಬದಲಾವಣೆ ! ಗ್ರಾಹಕರಿಗೆ ಆಗುವ ಲಾಭಗಳೇನು ?

ಆದಾಯ ತೆರಿಗೆ ವಿಚಾರದಲ್ಲಿ ಸಿಕ್ಕಿಂನ ಜನರಿಗೆ ಮಾತ್ರ ಇಷ್ಟೊಂದು ದೊಡ್ಡ ಪರಿಹಾರ ಏಕೆ ಎನ್ನುವ ಪ್ರಶ್ನೆ ಇದೀಗ ಮೂಡದೇ ಇರದು. ಸಿಕ್ಕಿಂ ಅನ್ನು 1975 ರಲ್ಲಿ ಭಾರತದೊಂದಿಗೆ ವಿಲೀನಗೊಳಿಸಲಾಯಿತು. ಆದರೆ ಸಿಕ್ಕಿಂ ತನ್ನ ಹಳೆಯ ಕಾನೂನುಗಳು ಮತ್ತು ವಿಶೇಷ ಸ್ಥಾನಮಾನವನ್ನು ಉಳಿಸಿಕೊಳ್ಳುವ ಷರತ್ತಿನ ಮೇಲೆಯೇ ಭಾರತದೊಂದಿಗೆ ವಿಲೀನಕ್ಕೆ ಒಪ್ಪಿಕೊಳ್ಳುತ್ತದೆ. ಹಾಗಾಗಿ ಆ ಸಂದರ್ಭದಲ್ಲಿ ಷರತ್ತನ್ನು ಅಂಗೀಕರಿಸಲಾಗಿತ್ತು. ಈ ಹಿನ್ನೆಲೆಯಲ್ಲಿ ಸಿಕ್ಕಿಂ ಸಂವಿಧಾನದ 371-ಎಫ್ ಅಡಿಯಲ್ಲಿ ವಿಶೇಷ ಸ್ಥಾನಮಾನವನ್ನು ಪಡೆದುಕೊಂಡಿದೆ.  

ಏನು ಹೇಳುತ್ತದೆ ವಿಭಾಗ 10 (26AAA): 
ಸೆಕ್ಷನ್ 10 (26AAA) ಅಡಿಯಲ್ಲಿ ಸಿಕ್ಕಿಂನ ಯಾವುದೇ ನಿವಾಸಿಯ ಆದಾಯವು ಯಾವುದೇ ರೀತಿಯ ಭದ್ರತೆಯಿಂದ ಪಡೆದ ಬಡ್ಡಿ ಅಥವಾ ಲಾಭಾಂಶದಿಂದ ಬಂದರೂ ತೆರಿಗೆ ನಿವ್ವಳದಿಂದ ಹೊರಗುಳಿಯುತ್ತದೆ. 

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ. 

ಸಿಕ್ಕಿಂ ವಿಲೀನದ ಮೊದಲು ನೆಲೆಸಿದವರಿಗೆ ವಿನಾಯಿತಿ :
ಸಿಕ್ಕಿಂ ವಿಲೀನದ ಮೊದಲಿನಿಂದಲೂ ಇಲ್ಲಿ ನೆಲೆಸಿರುವವರಿಗೆ ಈ ವಿನಾಯಿತಿ ಇದೆ.
ಸೆಕ್ಷನ್ 10 (26AAA) ಪ್ರಕಾರ, ಸಿಕ್ಕಿಂ ಅನ್ನು ಭಾರತದೊಂದಿಗೆ ವಿಲೀನಗೊಳಿಸುವ ಮೊದಲು ಅಲ್ಲಿ ನೆಲೆಸಿದ್ದ ಎಲ್ಲರಿಗೂ Sikkim Subjects Regulations ರಿಜಿಸ್ಟರ್‌ನಲ್ಲಿ ಅವರ ಹೆಸರುಗಳು ಇರಲಿ ಅಥವಾ ಇಲ್ಲದಿರಲಿ, ಸೆಕ್ಷನ್ 10 (26AAA) ಅಡಿಯಲ್ಲಿ ವಿನಾಯಿತಿ ನೀಡಲಾಗಿದೆ. ಆದಾಯ ತೆರಿಗೆ ಕಾಯಿದೆ ಲಭ್ಯವಿದೆ.