Budget 2024: ಈ ಬಾರಿಯ ಬಜೆಟ್ ನಲ್ಲಿ ಯಾವುದೂ ಅಗ್ಗವೂ ಅಲ್ಲ, ಯಾವುದೂ ದುಬಾರಿಯಲ್ಲ ! ಕಾರಣ ಇದೇ

Budget 2024 : ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಇಂದು ದೇಶದ ಮುಂದೆ ಮೋದಿ ಸರ್ಕಾರದ ಎರಡನೇ ಅವಧಿಯ ಕೊನೆಯ ಬಜೆಟ್ ಅನ್ನು ಮಂಡಿಸಿದ್ದಾರೆ. ಚುನಾವಣಾ ವರ್ಷವಾಗಿದ್ದರಿಂದ ಇದು ಮಧ್ಯಂತರ ಬಜೆಟ್ ಆಗಿತ್ತು. ಹೀಗಿದ್ದರೂ ಈ ಬಾರಿಯ ಬಜೆಟ್‌ ಬಗ್ಗೆ ಜನರು ಸಾಕಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದರು. ಸಾಮಾನ್ಯವಾಗಿ, ಯಾವುದೇ ಬಜೆಟ್‌ನ ನಂತರ ಜನರು ಹೆಚ್ಚು ಆಸಕ್ತಿ ಹೊಂದಿರುವ ವಿಷಯವೆಂದರೆ ಯಾವುದು ಅಗ್ಗವಾಯಿತು ಮತ್ತು ಯಾವುದು ದುಬಾರಿಯಾಯಿತು ಎನ್ನುವುದು. 

ಬಜೆಟ್‌ನಲ್ಲಿ ಯಾವುದೂ ದುಬಾರಿ ಅಥವಾ ಅಗ್ಗ ಆಗಿಲ್ಲ : 
ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಈ ಮಧ್ಯಂತರ ಬಜೆಟ್‌ನಲ್ಲಿ ರೈತರು, ಮಹಿಳೆಯರು ಮತ್ತು ಮೂಲಸೌಕರ್ಯ ಸೇರಿದಂತೆ ಹಲವು ಕ್ಷೇತ್ರಗಳಿಗೆ ಹಲವು ಘೋಷಣೆಗಳನ್ನು ಮಾಡಿದ್ದಾರೆ. ಆದರೆ ಇದರ ಹೊರತಾಗಿಯೂ, ಮಧ್ಯಂತರ ಬಜೆಟ್ ನಂತರ ಯಾವುದೂ ದುಬಾರಿ ಅಥವಾ ಅಗ್ಗವಾಗುವುದಿಲ್ಲ. ಹೌದು, ಈ ಬಜೆಟ್‌ನಲ್ಲಿ ಅಂತಹ ಯಾವುದೇ ಘೋಷಣೆಯಾಗಿಲ್ಲ, ಆಗುವುದೂ ಇಲ್ಲ. 

ಇದನ್ನೂ ಓದಿ : Union Budget 2024: ದೇಶದ ಒಂದು ಕೋಟಿ ತೆರಿಗೆ ಪಾವತಿದಾರರಿಗೆ ಭಾರಿ ನೆಮ್ಮದಿಯ ಸುದ್ದಿ

ದುಬಾರಿ ಅಥವಾ ಅಗ್ಗವಾಗದಿರುವ ಕಾರಣ ?
ಜುಲೈ 1, 2017 ರಂದು ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಅನುಷ್ಠಾನದ ನಂತರ, ಬಜೆಟ್‌ನಲ್ಲಿ  ಕಸ್ಟಮ್ ಸುಂಕ ಅಥವಾ ಅಬಕಾರಿ ಸುಂಕದಲ್ಲಿನ ಯಾವುದೇ ಬದಲಾವಣೆಯಾದಾಗ ಮಾತ್ರ ಯಾವುದೇ ವಸ್ತುವಿನ ಬೆಲೆಯಲ್ಲಿ ಬದಲಾವಣೆ ಕಂಡು ಬರುತ್ತದೆ. ಈ ಮಧ್ಯಂತರ ಬಜೆಟ್‌ನಲ್ಲಿ ಹಣಕಾಸು ಸಚಿವರು ಅಬಕಾರಿ ಅಥವಾ ಕಸ್ಟಮ್ ಸುಂಕದ ಬಗ್ಗೆ ಯಾವ ಘೋಷಣೆಯನ್ನೂ ಮಾಡಿಲ್ಲ. ಇದರಿಂದಾಗಿ ಯಾವುದೂ ನೇರವಾಗಿ ದುಬಾರಿಯೂ ಆಗಿಲ್ಲ ಅಗ್ಗವೂ ಆಗಿಲ್ಲ. 

ಇದನ್ನೂ ಓದಿ : Interim Budget 2024: ಸ್ಟಾರ್ಟಪ್‌ಗಳಿಗೆ ವಿಶೇಷ ಲಾಭ ಘೋಷಿಸಿದ ನಿರ್ಮಲಾ ಸೀತಾರಾಮನ್