ಯುಪಿಐ ತಪ್ಪು ವಹಿವಾಟು ನಡೆದಾಗ ಏನು ಮಾಡಬೇಕು? ಚಿಟಿಕೆ ಹೊಡೆಯೋದ್ರಲ್ಲಿ ಈ ರೀತಿ ಹಣ ವಾಪಸ್ ಪಡೆಯಿರಿ!

ಬೆಂಗಳೂರು: ಯುಪಿಐ ಪಾವತಿಯೊಂದಿಗೆ ಹಣ ಪಾವತಿ ಪದ್ಧತಿ ಸಂಪೂರ್ಣವಾಗಿ ಬದಲಾಗಿದೆ. ಯಾವುದೇ ಬಿಲ್ ಪಾವತಿಸುವುದು ಮತ್ತು ಹಣ ವರ್ಗಾವಣೆ ಮಾಡುವುದು ತುಂಬಾ ಸುಲಭದ ಕೆಲಸವಾಗಿ ಮಾರ್ಪಟ್ಟಿದೆ. ನೀವು ಕೆಲವೇ ಸೆಕೆಂಡುಗಳಲ್ಲಿ ಯಾವ ಬೇಕಾದ  ಖಾತೆಗೆ ಹಣವನ್ನು ಕಳುಹಿಸಬಹುದು. ಆದರೆ ನೀವು ಯುಪಿಐ ಮೂಲಕ ತಪ್ಪು ವಹಿವಾಟು ಮಾಡಿದರೆ ಏನಾಗುತ್ತದೆ? ತಪ್ಪು ವಹಿವಾಟಿನ ನಂತರ ಅನೇಕ ಜನರು ಆತಂಕಕ್ಕೆ ಒಳಗಾಗುತ್ತಾರೆ. ಆದರೆ ಅಂತಹ ಸಮಯದಲ್ಲಿ ಗಾಬರಿಯಾಗುವ ಬದಲು ಕೆಲವು ಸರಳ ಹಂತಗಳನ್ನು ಅನುಸರಿಸುವ ಮೂಲಕ ನಿಮ್ಮ ಹಣವನ್ನು ಮರಳಿ ಪಡೆಯಬಹುದು.

ತಪ್ಪಾದ ಯುಪಿಐ ಪಾವತಿ ವಹಿವಾಟು ನಡೆದಾಗ ಏನು ಮಾಡಬೇಕು?
ನೀವು ತಪ್ಪಾದ ಯುಪಿಐ ಪಾವತಿಯನ್ನು ಮಾಡಿದ ತಕ್ಷಣ, ಬ್ಯಾಂಕಿನ ಗ್ರಾಹಕ ಸೇವಾ ಕೇಂದ್ರಕ್ಕೆ ಕರೆ ಮಾಡುವುದು ನಿಮ್ಮ ಮೊದಲ ಕೆಲಸವಾಗಿದೆ. ನೀವು ಬಯಸಿದರೆ, ನೀವು ಯುಪಿಐ ಸೇವಾ ಪೂರೈಕೆದಾರರನ್ನು ಸಹ ಸಂಪರ್ಕಿಸಬಹುದು. ಟೋಲ್ ಫ್ರೀ ಸಂಖ್ಯೆ 18001201740 ಗೆ ಕರೆ ಮಾಡುವ ಮೂಲಕವೂ ದೂರು ನೀಡಬಹುದು. ಇದರಲ್ಲಿ ನೀವು ಎಲ್ಲಾ ಪಾವತಿ ಮಾಹಿತಿಯನ್ನು ನೀಡಬೇಕು. ಆರ್‌ಬಿಐ ಕೂಡ ಈ ಬಗ್ಗೆ ಜನರಿಗೆ ಮಾಹಿತಿ ನೀಡಿದೆ. ಆಬಿಐ ನಿಯಮಗಳ ಪ್ರಕಾರ, ತಪ್ಪಾದ ಪಾವತಿಯ ಬಗ್ಗೆ ನಿಮ್ಮ ಪಾವತಿ ಸೇವಾ ಪೂರೈಕೆದಾರರಿಗೆ ಮೊದಲು ತಿಳಿಸುವ ಮೂಲಕ ನೀವು ತ್ವರಿತವಾಗಿ ಮರುಪಾವತಿಯನ್ನು ಪಡೆಯಬಹುದು.

ಇಲ್ಲಿಯೂ ದೂರು ನೀಡಬಹುದು
ಪರಿಹಾರದಿಂದ ನೀವು ತೃಪ್ತರಾಗದಿದ್ದರೆ, ನೀವು ಎನ್ಪಿಸಿಐ ಪೋರ್ಟಲ್ ಮೂಲಕವೂ ದೂರು ಸಲ್ಲಿಸಬಹುದು. ಪೋರ್ಟಲ್‌ಗೆ ಹೋಗುವ ಮೂಲಕ ವಾಟ್ ವಿ ಡೂ ಎಂಬ ಆಯ್ಕೆಯನ್ನು ಕ್ಲಿಕ್ ಮಾಡಬೇಕಾಗುತ್ತದೆ. ಅಲ್ಲಿ ನೀವು ಅನೇಕ ಆಯ್ಕೆಗಳನ್ನು ಪಡೆಯುತ್ತೀರಿ. ಅದರಲ್ಲಿ ಯುಪಿಐ ಆಯ್ಕೆಯನ್ನು ಆರಿಸಿಕೊಳ್ಳಿ. ಈಗ ದೂರು ವಿಭಾಗಕ್ಕೆ ಹೋಗಿ ಮತ್ತು ಎಲ್ಲಾ ಮಾಹಿತಿಯನ್ನು ನಮೂದಿಸಿ. ಇದರಲ್ಲಿ ನೀವು ಬ್ಯಾಂಕ್ ಹೆಸರು, ಯುಪಿಐ ಐಡಿ, ಫೋನ್ ಸಂಖ್ಯೆ, ಇಮೇಲ್ ಐಡಿಯಂತಹ ನಿಮ್ಮ ಮಾಹಿತಿಯನ್ನು ಭರ್ತಿ ಮಾಡಬೇಕಾಗುತ್ತದೆ.

ಇದನ್ನೂ ಓದಿ-ಸರ್ಕಾರಿ ನೌಕರರಿಗೊಂದು ಸಂತಸದ ಸುದ್ದಿ, ಈ ಜನರಿಗೆ ಸಿಗಲಿದೆ ಶೇ 15ರಷ್ಟು ಡಿಎ ಹೆಚ್ಚಳದ ಲಾಭ!

ಬ್ಯಾಂಕಿಂಗ್ ಒಂಬುಡ್ಸ್‌ಮನ್‌ ಗೂ ದೂರು ನೀಡಬಹುದು
ನಿಮ್ಮ ದೂರಿನ 30 ದಿನಗಳ ನಂತರವೂ ನೀವು ಹಣವನ್ನು ಮರಳಿ ಪಡೆಯದಿದ್ದರೆ, ಬ್ಯಾಂಕಿಂಗ್ ಒಂಬುಡ್ಸ್‌ಮನ್‌ಗೆ ದೂರು ಸಲ್ಲಿಸುವ ಮೂಲಕ ನೀವು ಹಣವನ್ನು ಮರಳಿ ಪಡೆಯಬಹುದು.

ಇದನ್ನೂ ಓದಿ-ಗೂಗಲ್ ಪೇ ಬಳಕೆದಾರರಿಗೊಂದು ಎಚ್ಚರಿಕೆ, ಯುಪಿಐ ಪೆಮೆಂಟ್ ಮಾಡುವ ಮುನ್ನ ಇದನ್ನು ಖಚಿತಪಡಿಸಿ!

ಯಾವಾಗ ದೂರು ನೀಡಬೇಕು?
ತಪ್ಪಾದ ವಹಿವಾಟು ಸಂಭವಿಸಿದಾಗ, ತಕ್ಷಣ ಅದನ್ನು ವರದಿ ಮಾಡಿ. ವಹಿವಾಟಿನ ಮೂರು ದಿನಗಳಲ್ಲಿ ದೂರು ನೀಡುವುದು ಕಡ್ಡಾಯವಾಗಿದೆ. ಇದಾದ ನಂತರ ದೂರು ನೀಡಿದರೆ ಹಣ ವಾಪಸ್ ಸಿಗುವ ಗ್ಯಾರಂಟಿ ಇರುವುದಿಲ್ಲ.

ಇದನ್ನೂ ನೋಡಿ-