ಗೂಗಲ್ ಪೇ ಬಳಕೆದಾರರಿಗೊಂದು ಎಚ್ಚರಿಕೆ, ಯುಪಿಐ ಪೆಮೆಂಟ್ ಮಾಡುವ ಮುನ್ನ ಇದನ್ನು ಖಚಿತಪಡಿಸಿ!

Google Pay Alter! ಗೂಗಲ್ ಪೇ ತನ್ನ ಬಳಕೆದಾರರಿಗೆ ಅವರ ಫೋನ್‌ಗಳಿಂದ ಸ್ಕ್ರೀನ್ ಹಂಚಿಕೆ ಆಪ್ ಗಳನ್ನು ತೆಗೆದುಹಾಕಲು ಬಳಕೆದಾರರನ್ನು ಕೋರಿದೆ. ಈ ಆಪ್‌ಗಳ ಮೂಲಕ UPI ಪಾವತಿ ಮಾಡುವ ಮೂಲಕ ಹ್ಯಾಕರ್‌ಗಳು ಬಳಕೆದಾರರ ಖಾತೆಗಳಿಗೆ ಪ್ರವೇಶ ಪಡೆಯಬಹುದು ಎಂದು ಅದು ಎಚ್ಚರಿಕೆಯನ್ನು ನೀಡಿದೆ. (Technology News In Kannada)

ಬೆಂಗಳೂರು: ಯುಪಿಐ  ಪಾವತಿ ಮಾಡುವ ಬಳಕೆದಾರರಿಗೆ ಗೂಗಲ್ ಪೇ ಎಚ್ಚರಿಕೆ ನೀಡಿದೆ. ಈ ಆ್ಯಪ್ ಮೂಲಕ UPI ಪಾವತಿ ಮಾಡುವಾಗ, ಫೋನ್‌ನಲ್ಲಿ ಕೆಲವು ಆ್ಯಪ್‌ಗಳನ್ನು ಬಳಸದಂತೆ ಅದು ಬಳಕೆದಾರರಿಗೆ ಸೂಚಿಸಿದೆ. ಗೂಗಲ್ ಪೇ ಭಾರತದಲ್ಲಿ ಹೆಚ್ಚು ಬಳಸುವ UPI ಪ್ಲಾಟ್‌ಫಾರ್ಮ್‌ಗಳಲ್ಲಿ ಒಂದಾಗಿದೆ. ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವ ಸೈಬರ್ ವಂಚನೆಗಳನ್ನು ಗಮನದಲ್ಲಿಟ್ಟುಕೊಂಡು ಕಂಪನಿಯು ಬಳಕೆದಾರರಿಗೆ ಈ ಸಲಹೆಯನ್ನು ನೀಡಿದೆ. ಹೆಚ್ಚುತ್ತಿರುವ ಸೈಬರ್ ವಂಚನೆಗಳ ಮಧ್ಯೆ ಕೆಲವು ರಿಯಲ್ ಟೈಮ್ ವಂಚನೆಗಳನ್ನು ತಪ್ಪಿಸಲು ಗೂಗಲ್ ಬಳಕೆದಾರರಿಗೆ ಸಲಹೆ ನೀಡಿದೆ. ಸೈಬರ್ ಅಪರಾಧಿಗಳು ಕೃತಕ ಬುದ್ಧಿಮತ್ತೆ ಮತ್ತು ಹೊಸ ತಂತ್ರಜ್ಞಾನವನ್ನು ಬಳಸಿಕೊಂಡು ಹೊಸ ರೀತಿಯಲ್ಲಿ ಜನರನ್ನು ವಂಚಿಸುತ್ತಿದ್ದಾರೆ ಎಂದು ಅದು ಹೇಳಿದೆ. (Technology News In Kannada)

ಈ ಸಲಹೆ ನೀಡಿದ ಗೂಗಲ್
ಈ ಅಪ್ಲಿಕೇಶನ್‌ಗಳನ್ನು ತಪ್ಪಿಸಲು ಗೂಗಲ್ ಪ್ಲೇ ಹೆಲ್ಪ್  ತನ್ನ ಬ್ಲಾಗ್‌ನಲ್ಲಿ ಕೇಳಿದೆ. ಗೂಗಲ್ ಪೇ ಹೆಲ್ಪ್ ಬ್ಲಾಗ್‌ನ ಪ್ರಕಾರ, ಬಳಕೆದಾರರ ಫೋನ್‌ಗಳನ್ನು ರಿಮೋಟ್ ಆಗಿ ಪ್ರವೇಶಿಸಬಹುದಾದ ಅನೇಕ ಸ್ಕ್ರೀನ್ ಹಂಚಿಕೆ ಅಪ್ಲಿಕೇಶನ್‌ಗಳಿವೆ. ಅಂತಹ ಅಪ್ಲಿಕೇಶನ್‌ಗಳನ್ನು ಇನ್ಸ್ಟಾಲ್ ಮಾಡುವಾಗ, ಬಳಕೆದಾರರು ಪೂರ್ಣ ಪ್ರವೇಶವನ್ನು ನೀಡುತ್ತಾರೆ, ಇದರಿಂದಾಗಿ ಬಳಕೆದಾರರ ಫೋನ್‌ನಲ್ಲಿ ಮಾಡಿದ ಪ್ರತಿಯೊಂದು ಚಟುವಟಿಕೆಯನ್ನು ದೂರದಿಂದಲೇ ವೀಕ್ಷಿಸಬಹುದು. ಸೈಬರ್ ಕ್ರಿಮಿನಲ್‌ಗಳು ಇದರ ಲಾಭ ಪಡೆದು ಜನರನ್ನು ವಂಚಿಸುತ್ತಿದ್ದಾರೆ. ಗೂಗಲ್ ಪೇ ತನ್ನ ಬ್ಲಾಗ್‌ನಲ್ಲಿ ಸ್ಕ್ರೀನ್ ಶೇರ್, ಎನಿ ಡೆಸ್ಕ್  ಮತ್ತು ಟೀಮ್ ವ್ಹೀವರ್ ಅಪ್ಲಿಕೇಶನ್‌ಗಳನ್ನು ಇನ್ಸ್ಟಾಲ್ ಮಾಡಿದ್ದರೆ UPI ಅಪ್ಲಿಕೇಶನ್ ಅನ್ನು ಬಳಸದಂತೆ ಬಳಕೆದಾರರಿಗೆ ಸಲಹೆ ನೀಡಿದೆ. ಈ ಕುರಿತು ಕೋರಿಕೊಂಡಿರುವ ಗೂಗಲ್ ಪೇ, 

ಇದನ್ನೂ ಓದಿ-ಸುಮಾರು 171 ಕಿ.ಮೀ ರೆಂಜ್ ಇರುವ ಈ ಅತ್ಯಂತ ಅಗ್ಗದ ಇ-ಬೈಕ್ ಭಾರತದಲ್ಲಿ ಬಿಡುಗಡೆ, ಬೆಲೆ ಕೇವಲ ಇಷ್ಟೇ!

- ವಂಚಕರು ನಿಮ್ಮ ಫೋನ್ ಅನ್ನು ನಿಯಂತ್ರಿಸಬಹುದು ಮತ್ತು ನಿಮ್ಮ ಖಾತೆಯಿಂದ ವಹಿವಾಟುಗಳನ್ನು ಮಾಡಬಹುದು.
- ಇದಲ್ಲದೆ, ಅವರು ನಿಮ್ಮ ಎಟಿಎಂ ಕಾರ್ಡ್‌ನ ವಿವರಗಳನ್ನು ಸಹ ನೋಡಬಹುದು.
– ಇದು ಮಾತ್ರವಲ್ಲದೆ, ಅವರು ನಿಮ್ಮ ಫೋನ್‌ನಲ್ಲಿ ಬರುವ ಓಟಿಪಿ ಹೊಂದಿರುವ ಎಸ್ಎಂಎಸ್ ಅನ್ನು ಸಹ ನೋಡಲು ಸಾಧ್ಯವಾಗಲಿದೆ.

ಇದನ್ನೂ ಓದಿ-ವಾಟ್ಸ್ ಆಪ್ ನಲ್ಲಿ ಸ್ಟೇಟಸ್ ಬಳಸುವವರಿಗೊಂದು ಮಹತ್ವದ ಮಾಹಿತಿ, ಈ ಹೊಸ ಅಪ್ಡೇಟ್ ನಿಮಗೆ ತಿಳಿದಿರಲಿ!

ಇಂತಹ ಥರ್ಡ್ ಪಾರ್ಟಿ ಸ್ಕ್ರೀನ್ ಶೇರಿಂಗ್ ಆಪ್ ಗಳನ್ನು ಫೋನ್ ನಲ್ಲಿ ಇನ್ ಸ್ಟಾಲ್ ಮಾಡದಂತೆ ಗೂಗಲ್ ಪೇ ಬಳಕೆದಾರರನ್ನು ಕೇಳಿಕೊಂಡಿದೆ. ಇದರ ಹೊರತಾಗಿ, ನಿಮ್ಮ ಫೋನ್‌ನಿಂದ ಈ ಅಪ್ಲಿಕೇಶನ್‌ಗಳನ್ನು ತಕ್ಷಣವೇ ಅನ್‌ಇನ್‌ಸ್ಟಾಲ್ ಮಾಡಲು ಸೂಚಿಸಲಾಗುತ್ತದೆ ಎಂದು ಹೇಳಿದೆ. ಇತ್ತೀಚಿನ ದಿನಗಳಲ್ಲಿ ಸೈಬರ್ ವಂಚನೆಯ ಘಟನೆಗಳು ಬೆಳಕಿಗೆ ಬರುತ್ತಿವೆ. ಇದರ ದೃಷ್ಟಿಯಿಂದ, ಬಳಕೆದಾರರು ಗೂಗಲ್ ನ ಈ ಸಲಹೆಯನ್ನು ಸ್ವೀಕರಿಸಬೇಕು ಮತ್ತು ತಮ್ಮ ಫೋನ್‌ಗಳಿಂದ ಈ ಸ್ಕ್ರೀನ್ ಹಂಚಿಕೆ ಅಪ್ಲಿಕೇಶನ್‌ಗಳನ್ನು ಅನ್‌ಇನ್‌ಸ್ಟಾಲ್ ಮಾಡಬೇಕು.

ಇದನ್ನೂ ನೋಡಿ-