Zomatoದಲ್ಲಿ `Girl Friend` ಸಿಗ್ತಾರಾ... ಹೊಸ ವರ್ಷದ ಹೊತ್ತಲ್ಲಿ ಆಗಿದ್ದೇನು...?

Zomato: ಇದು ಆನ್ಲೈನ್ ಜಮಾನ. ಆನ್ಲೈನ್ ನಲ್ಲಿ ಏನನ್ನು ಬೇಕಾದರೂ ಬುಕ್ ಮಾಡಿ ತರಿಸಿಕೊಳ್ಳಬಹುದು ಎನ್ನುವ ಕಾಲ. ಆದರೆ Zomotoದಲ್ಲಿ ಗರ್ಲ್ ಫ್ರೆಂಡ್ ಅನ್ನು ಬುಕ್ ಮಾಡಬಹುದಾ? ಬುಕ್ ಮಾಡಬಹುದೋ ಇಲ್ಲವೋ ಬೇರೆ ವಿಷಯ, ಆದರೆ ಜನ ಜೊಮ್ಯಾಟೋದಲ್ಲಿ ಗರ್ಲ್ ಫ್ರೆಂಡ್ ಬುಕ್ ಮಾಡೋಕೆ ಟ್ರೈ ಮಾಡಿದ್ದಾರೆ ಎನ್ನೋದು ಮಾತ್ರ ಶಾಕಿಂಗ್ ಸುದ್ದಿ.

ಇದು ಹೊಸವರ್ಷದ ಸಮಾಚಾರ. ಹೊಸ ವರ್ಷದ ವೇಳೆ ಜನ ಜೊಮ್ಯಾಟೊದಲ್ಲಿ ಕಂಡಕಂಡದ್ದನ್ನು ಆರ್ಡರ್ ಮಾಡಿ ಉಂಡು ಉರುಳಾಡಿದ್ದಾರೆ. ಆದರೆ ಅಷ್ಟಕ್ಕೇ ಬಿಟ್ಟಿಲ್ಲ. ಜೊಮ್ಯಾಟೊದಲ್ಲಿ ಗರ್ಲ್ ಫ್ರೆಂಡ್ ಕೂಡ ಸಿಗಬಹುದು ಅಂತಾ ಗುಮಾನಿ ಪಟ್ಟು ಗರ್ಲ್ ಫ್ರೆಂಡ್ ಗಾಗಿ ಹುಡುಕಾಡಿ ತಡಕಾಡಿದ್ದಾರೆ.

ಇದನ್ನೂ ಓದಿ- TDS ನಿಯಮದಲ್ಲಿ ಭಾರೀ ಬದಲಾವಣೆ: TAX ಪಾವತಿಸಿದ ಬಳಿಕವೂ ಖಾತೆಯಲ್ಲಿ ಉಳಿಯುತ್ತೆ ಹೆಚ್ಚು ಹಣ..!

ಜೊಮ್ಯಾಟೋ ಆಹಾರ ವಿತರಣಾ ಅಪ್ಲಿಕೇಷನ್ ಬಿಡುಗಡೆ ಮಾಡಿರುವ ಭಯಂಕರ ಮಾಹಿತಿಯ ಪ್ರಕಾರ 4,940 ಜನ ಗರ್ಲ್ ಫ್ರೆಂಡ್ ಸಿಗುತ್ತಾರಾ ಅಂತಾ ಸೈಲೆಂಟಾಗಿ ಸರ್ಚ್ ಮಾಡಿದ್ದಾರೆ. ಜೊಮ್ಯಾಟೊದಲ್ಲಿ ಗರ್ಲ್ ಫ್ರೆಂಡ್ ಸಿಗಬಹುದು ಎಂದುಕೊಂಡಿರುವುದೇ ಮಹಾನ್ ಯೋಚನೆಯಾಗಿರುವುದರಿಂದ ಸಿಗುವುದಾಗಿದ್ದರೆ ಖಂಡಿತಾ ಬಿಡುತ್ತಿರಲಿಲ್ಲ, ಬುಕ್ ಮಾಡಿಯೇ ಬಿಡುತ್ತಿದ್ದರು. ಈಗ ಸಿಗದೇ ಇರುವ ಕಾರಣಕ್ಕೆ ಅವರಿಗೆ ಬೇಸರವಾಗಿದೆ.

ಇದರ ಬಗೆಗಿನ ಪೋಸ್ಟ್ ಒಂದಕ್ಕೆ ಪ್ರತ್ರಿಕ್ರಿಯಿಸಿರುವ X ಬಳಕೆದಾರರಾದ ಮುಸ್ತಫಾ ಖುಂಡ್ಮಿರಿ ಎಂಬುವವರು, ಜನ ಅಷ್ಟು ದಡ್ಡರಲ್ಲ, ಅವರು ಗರ್ಲ್ ಫ್ರೆಂಡ್ ಎಂಬ ರೆಸ್ಟೋರೆಂಟ್ ಅನ್ನು ಹುಡುಕಿದ್ದಾರೆ ಅಂತಾ ಪೋಸ್ಟ್ ಮಾಡಿದ್ದಾರೆ. ಅದರಲ್ಲೂ ಹೈದರಾಬಾದಿನಲ್ಲೇ ಗರ್ಲ್ ಫ್ರೆಂಡ್ ಹೆಸರಿನಲ್ಲಿ ಎರಡೆರಡು ರೆಸ್ಟೋರೆಂಟ್ ಗಳಿವೆ. ಇದರಿಂದಾಗಿ ಗೊಂದಲಕ್ಕೊಳಕ್ಕಾಗಿ ಜನ ಗರ್ಲ್ ಫ್ರೆಂಡ್  ಹುಡುಕಿರಬಹುದು ಎನ್ನುವುದು ಅವರ ಒಂದು ಇದು… 

ಇದನ್ನೂ ಓದಿ- 7th Pay Commission: ಕೇಂದ್ರ ಸರ್ಕಾರಿ ನೌಕರರಿಗೆ ಹೊಸ ವರ್ಷದಲ್ಲಿ ಭರ್ಜರಿ ಗುಡ್ ನ್ಯೂಸ್

ಇಂಥ ಅವಕಾಶ ಸಿಕ್ಕಾಗ ಜನ ಮಜಾ ತೆಗೆದುಕೊಳ್ಳದೆ ಬಿಡುತ್ತಾರಾ? ಮಸ್ತ್ ಮಸ್ತ್ ಕಾಮೆಂಟ್ ಹಾಕಿದ್ದಾರೆ. ಒಬ್ಬರು ಭಾರತದಲ್ಲಿ ಮಾತ್ರ ಇಂಥವನ್ನು ಸಂಭ್ರಮಿಸಬಹುದು ಎಂದು ಕಿಸಕ್ ಅಂತಾ ನಕ್ಕಿದ್ದಾರೆ. ಇನ್ನೊಬ್ಬರು ಜೊಮ್ಯಾಟೋ ಮ್ಯಾಟ್ರಿಮೋನಿ ಕ್ಷೇತ್ರಕ್ಕೂ ಕಾಲಿಡಬಹುದು ಎಂದು ಕಾಲೆಳೆದಿದ್ದಾರೆ. ಮತ್ತೊಬ್ಬರು ಎಷ್ಟು ಜನ ಗರ್ಲ್ ಫ್ರೆಂಡ್ ಅನ್ನು ಆರ್ಡರ್ ಮಾಡಿದ್ದಾರೆ ಎನ್ನುವ ಕುತೂಹಲವನ್ನು ಹಂಚಿಕೊಂಡಿದ್ದಾರೆ. ಇನ್ನು ಜೊಮ್ಯಾಟೋದ ಈ ಘಟನೆಯನ್ನು ಕಂಡು ಮ್ಯೂಟ್ ಆಗಿ ಮುಸಿಮುಸಿ ನಗುತ್ತಿರುವವರು ಅದೆಷ್ಟೋ…

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.