CBSE 10 ಮತ್ತು 12ನೇ ತರಗತಿ ಬೋರ್ಡ್ ಪರೀಕ್ಷೆ ದಿನಾಂಕ ಪ್ರಕಟ

CBSE Class 10 and 12 Board Exam: ಸೆಂಟ್ರಲ್ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಶನ್- ಸಿ‌ಬಿ‌ಎಸ್‌ಇ 2024-25ನೇ ಸಾಲಿನ 10ನೇ ತರಗತಿ ಮತ್ತು 12 ನೇ ತರಗತಿಗಳ ಬೋರ್ಡ್ ಪರೀಕ್ಷೆಗೆ ದಿನಾಂಕ ಪ್ರಕಟಿಸಿದೆ. ಸಿ‌ಬಿ‌ಎಸ್‌ಇ ಅಧಿಕೃತ ವೆಬ್‌ಸೈಟ್ cbse.gov.in ನಲ್ಲಿ ನವೆಂಬರ್ 20ರಂದು  ಅಧಿಸೂಚನೆ ಹೊರಡಿಸಲಾಗಿದ್ದು,10 ಮತ್ತು 12ನೇ ತರಗತಿಗಳ ಬೋರ್ಡ್ ಪರೀಕ್ಷೆಗೆ ಡೇಟ್‌ಶೀಟ್ ಬಿಡುಗಡೆ ಮಾಡಲಾಗಿದೆ. 

ಇದನ್ನೂ ಓದಿ- CBSE 10 ಮತ್ತು 12ನೇ ತರಗತಿ ಸಿಲೆಬಸ್ ಗೆ ಕತ್ತರಿ ವಿಚಾರದ ಬಗ್ಗೆ ಬೋರ್ಡ್ ಹೇಳಿದ್ದೇನು?

ಸಿ‌ಬಿ‌ಎಸ್‌ಇ ಅಧಿಕೃತ ವೆಬ್‌ಸೈಟ್ ಪ್ರಕಾರ, 2024-2025ನೇ ಸಾಲಿನ ಸಿ‌ಬಿ‌ಎಸ್‌ಇ 10ನೇ ಮತ್ತು 12ನೇ ತರಗತಿಗಳ ಬೋರ್ಡ್ ಪರೀಕ್ಷೆಗಳು 15 ಫೆಬ್ರವರಿ 2025ರಿಂದ ಆರಂಭವಾಗಲಿವೆ. 10 ನೇ ತರಗತಿ ಬೋರ್ಡ್ ಪರೀಕ್ಷೆಯು  ಮಾರ್ಚ್ 18, 2025 ರಂದು ಕೊನೆಗೊಳ್ಳುತ್ತದೆ ಮತ್ತು 12 ನೇ ತರಗತಿ ಬೋರ್ಡ್ ಪರೀಕ್ಷೆಯು  ಏಪ್ರಿಲ್ 4, 2025 ರಂದು ಕೊನೆಗೊಳ್ಳುತ್ತದೆ. 

ಇದನ್ನೂ ಓದಿ- ತೋಟಗಾರಿಕಾ ಬಿ.ಎಸ್.ಸಿ ಪದವಿಯಲ್ಲಿ 16 ಚಿನ್ನದ ಪದಕ‌ ಬಾಚಿದ ವಿದ್ಯಾರ್ಥಿನಿ

ಗಮನಾರ್ಹವಾಗಿ, ಇದೇ ಮೊದಲ ಬಾರಿಗೆ ಸಿಬಿ‌ಎಸ್‌ಇ ಪರೀಕ್ಷಾ ಮಂಡಳಿಯು ಪರೀಕ್ಷೆ ಆರಂಭವಾಗುವ ಕನಿಷ್ಠ 86ದಿನಗಳ ಮೊದಲು ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಇದರಿಂದಾಗಿ ವಿದ್ಯಾರ್ಥಿಗಳಿಗೆ ಪರೀಕ್ಷೆ ತಯಾರಿ ನಡೆಸಲು ಹೆಚ್ಚಿನ ಸಮಯಾವಕಾಶ ದೊರೆತಂತಾಗಿದೆ. 

2025 ರ ಬೋರ್ಡ್ ಪರೀಕ್ಷೆಗಳಲ್ಲಿ ಕಾಣಿಸಿಕೊಳ್ಳುವ ವಿದ್ಯಾರ್ಥಿಗಳು CBSE, cbse.gov.in ಮತ್ತು cbse.nic.in ನ ಅಧಿಕೃತ ವೆಬ್‌ಸೈಟ್‌ಗಳಲ್ಲಿ ಡೇಟ್‌ಶೀಟ್ ಪರಿಶೀಲಿಸಬಹುದು. 
CBSE 10 ಮತ್ತು 12ನೇ ತರಗತಿ ಬೋರ್ಡ್ ಪರೀಕ್ಷೆಗಳ ಡೇಟ್‌ಶೀಟ್ 2025 ಅನ್ನು ಡೌನ್‌ಲೋಡ್ ಮಾಡಲು ನೇರ ಲಿಂಕ್

ಈ ವರ್ಷ, ದೇಶಾದ್ಯಂತ ಮತ್ತು 26 ದೇಶಗಳ 8,000 ಶಾಲೆಗಳ 44 ಲಕ್ಷಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಸಿ‌ಬಿ‌ಎಸ್‌ಇ 10 ಮತ್ತು 12 ನೇ ಪರೀಕ್ಷೆಯಲ್ಲಿ ಹಾಜರಾಗಲಿದ್ದಾರೆ. 

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.