ಹೆಂಡತಿಯನ್ನು ಪ್ರೀತಿಸುವಂತೆ ಪೀಡಿಸುತ್ತಿದ್ದ ಪಾಗಲ್ ಪ್ರೇಮಿಯನ್ನು ಕೊಂದನಾ ಪತಿ..?

ಬೆಂಗಳೂರು: ಕತ್ತರಿಯಿಂದ ಕುತ್ತಿಗೆಗೆ ಇರಿದು ವ್ಯಕ್ತಿಯನ್ನು ಕೊಲೆ ಮಾಡಿರುವ ಘಟನೆ ನಗರದ ಶಿವಾಜಿನಗರದಲ್ಲಿ ನಡೆದಿದೆ.

25 ವರ್ಷದ ಜಾವದ್ ಕೊಲೆಯಾದ ಯುವಕ, ಪ್ರಾಥಮಿಕ ಮಾಹಿತಿ ಪ್ರಕಾರ ಯುವತಿಯ ವಿಚಾರಕ್ಕೆ ಕೊಲೆ ನಡೆದಿರುವ ಶಂಕೆ ವ್ಯಕ್ತವಾಗಿದೆ.

ಇದನ್ನೂ ಓದಿ: ದೇಶದಲ್ಲಿ ವೇಗವಾಗಿ ಹರಡುತ್ತಿದೆ ಕೋವಿಡ್‌: ಒಂದೇ ದಿನದಲ್ಲಿ 20ಸಾವಿರಕ್ಕೂ ಹೆಚ್ಚು ಕೇಸ್‌ ದಾಖಲು!

ಜಾವದ್ ಪ್ರೀತಿಸಿದ ಹುಡುಗಿಗೆ ಬೇರೆಯವನೊಂದಿಗೆ ಮದುವೆಯಾಗಿತ್ತು. ಆದರೆ ಜಾವದ್ ಮಾತ್ರ ಮಾಜಿ ಪ್ರೇಯಸಿಯ ಮನೆ ಬಳಿ ಪದೇ ಪದೇ ಹೋಗ್ತಿದ್ದ. ಇದರಿಂದ ಕುಪಿತಗೊಂಡಿದ್ದ ಯುವತಿಯ ಅನೇಕ ಬಾರಿ ಜಾವದ್ ಗೆ ಎಚ್ಚರಿಕೆ‌‌ ನೀಡಿದ್ದ. ಸದ್ಯ ಅದೇ ಪ್ರವೃತ್ತಿ ಮುಂದುವರೆಸಿದ್ದ ಜಾವದನನ್ನ ಯುವತಿಯ ಪತಿಯೇ ಕೊಲೆಗೈದಿರುವ ಶಂಕೆ ವ್ಯಕ್ತವಾಗಿದೆ.

ಇದನ್ನೂ ಓದಿ: Singapore Open 2022: ಫೈನಲ್‌ಗೆ ಲಗ್ಗೆಯಿಟ್ಟ ಪಿ.ವಿ ಸಿಂಧು

ಸಿಸಿಟಿವಿ ಬ್ಯಸಿನೆಸ್ ಮಾಡ್ತಿದ್ದ ಜಾವದ್, ತಡರಾತ್ರಿ ಕೂಡ ಪ್ರೇಯಸಿ ಮನೆ ಬಳಿ ಹೋಗಿದ್ದ.ಆ ವೇಳೆ ಗಂಡ ಹೆಂಡ್ತಿ ಇಬ್ಬರು ಸೇರಿ ಹತ್ತೆಗೈದಿರೋ ಶಂಕೆ ಕೂಡ ವ್ಯಕ್ತವಾಗಿದೆ. ಇನ್ನೂ ಕತ್ತರಿ ಇರಿದಾಗ ಜಾವದ್ ರಕ್ತ ಸ್ರಾವವಾದ್ರೂ ಆಸ್ಪತ್ರೆಯವರೆಗೆ ಓಡಿ ನನ್ನ ಜೀವ ಉಳಿಸಿ ಅಂತಾ ವೈದ್ಯರ ಬಳಿ ಕೇಳಿಕೊಂಡಿದ್ದಾನೆ ಎನ್ನಲಾಗಿದೆ.

ಆದರೆ ವೈದ್ಯರು ಚಿಕಿತ್ಸೆ ನೀಡುವ ಮೊದಲೇ ಜಾವದ್ ಮೃತಪಟ್ಟಿದ್ದಾನೆ.ಸದ್ಯ ಘಟನೆ ಸಂಬಂಧ ಶಿವಾಜಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ದಂಪತಿಯನ್ನು ವಶಕ್ಕೆ ಪಡೆದು ಪೊಲೀಸ್ರು ವಿಚಾರಣೆ ನಡೆಸುತ್ತಿದ್ದಾರೆ.