ಕಾರಿನಲ್ಲಿ 15 ಕೆಜಿ‌ ತೂಕದ ಆನೆ ದಂತ ಸಾಗಾಟ, ಮೂವರ ಬಂಧನ

ಚಾಮರಾಜನಗರ: ಅಕ್ರಮವಾಗಿ ಆನೆದಂತ ಸಾಗಿಸುತ್ತಿದ್ದವರನ್ನು ಬಂಧಿಸಿರುವ ಘಟನೆ ಕೊಳ್ಳೇಗಾಲ ತಾಲೂಕಿನ‌ ಸತ್ತೇಗಾಲ ಹ್ಯಾಂಡ್ ಪೋಸ್ಟ್ ನಲ್ಲಿ‌ ನಡೆದಿದೆ.‌

ಇದನ್ನೂ ಓದಿ: ಬಿಹಾರದ ಕಿಶನ್‌ಗಂಜ್‌ನಲ್ಲಿ ಕನ್ನಡಿಗ ಯೋಧನ ಮೃತದೇಹ ಪತ್ತೆ!

ಚಿಕ್ಕಮಗಳೂರು ಮೂಲದ ಪ್ರೀತಮ್( 31), ಜಗದೀಶ್(21), ಪುನೀತ್(28) ಬಂಧಿತ ಆರೋಪಿಗಳಾಗಿದ್ದು ಹೇಮಂತ್(26) ಪರಾರಿಯಾಗಿದ್ದಾನೆ. ಅಲ್ಟೊ ಕಾರಿನಲ್ಲಿ ಬೆಡ್ ಶೀಟ್‌ನಲ್ಲಿ ಆನೆ ದಂತ ಸುತ್ತಿಕೊಂಡು ಸಾಗಿಸುತ್ತಿದ್ದ ಖಚಿತ ಮಾಹಿತಿ ಮೇರೆಗೆ ಕೊಳ್ಳೇಗಾಲ ಅರಣ್ಯ ಸಂಚಾರಿ ದಳದ ಪೊಲೀಸರು ದಾಳಿ ನಡೆಸಿ ಆರೋಪಿಗಳ ಹೆಡೆಮುರಿ ಕಟ್ಟಿದ್ದಾರೆ.

ಭಾರೀ ಗಾತ್ರದ ಆನೆ ದಂತಗಳಾಗಿದ್ದು, 15.9 ಕೆಜಿ ತೂಗಲಿದೆ. ಸದ್ಯ, ಆರೋಪಿಗಳಿಂದ ಆನೆ ದಂತ, ಆಲ್ಟೋ ಕಾರು, ಮೂರು ಮೊಬೈಲ್ ವಶಪಡಿಸಿಕೊಂಡು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ‌. ‌