ಅಕ್ರಮ ಸಂಬಂಧ ಪ್ರಶ್ನೆ ಮಾಡಿದ್ದಕ್ಕೆ ಪತ್ನಿ ಮೇಲೆ ಚಾಕುವಿನಿಂದ ಹಲ್ಲೆ

ದೇವನಹಳ್ಳಿ: ಅಕ್ರಮ ಸಂಬಂಧ ಪ್ರಶ್ನೆ ಮಾಡಿದ ಪತ್ನಿ ಮೇಲೆ ಪಾಪಿ ಪತಿ ಚಾಕುವಿನಿಂದ ಹಲ್ಲೆ ಮಾಡಿದ ಘಟನೆ ನಡೆದಿದೆ. ಅಪ್ಜಲ್ ಪಾಷ ಎಂಬ ವ್ಯಕ್ತಿ ಮದುವೆಯಾದ ಮೇಲೆಯೂ ಮತ್ತೊಬ್ಬಳ ಜೊತೆ ಅಕ್ರಮ ಸಂಬಂಧ ಇಟ್ಟುಕೊಂಡಿದ್ದ ಇದನ್ನು ಪ್ರಶ್ನೆ ಮಾಡಿದ್ದಕ್ಕೆ ತನ್ನ ಹೆಂಡತಿಗೆ ಚಾಕುವಿನಿಂದ ಇರಿದ ಘಟನೆ ದೊಡ್ಡಬಳ್ಳಾಪುರದಲ್ಲಿ ಜರುಗಿದೆ.

ಅಕ್ರಮ ಸಂಬಂಧ ಇರುವ ಮಹಿಳೆ ವಿಡಿಯೋ ಅಪ್ಜಲ್ ಪಾಷ ಮೊಬೈಲ್ ನಲ್ಲಿ ಇಟ್ಟುಕೊಂಡಿದ್ದ. ಇದನ್ನು ಕಂಡು ಹೆಂಡತಿ ಅಕ್ರಮ ಸಂಬಂಧದ ಬಗ್ಗೆ ಪ್ರೆಶ್ನೆ ಮಾಡಿದ್ದಾಳೆ. ಪತ್ನಿ ಎಡಗೈ ಹಾಗೂ ಕುತ್ತಿಗೆ, ಬೆನ್ನಿಗೆ ಚಾಕುವಿನಿಂದ ಇರಿದು ಹಲ್ಲೆ ಮಾಡಿದ್ದಾನೆ. 

ಇದನ್ನೂ ಓದಿ: Covid-19 JN.1: ಸಾರ್ವಜನಿಕ ಸ್ಥಳಗಳಲ್ಲಿ ಮಾಸ್ಕ್ ಕಡ್ಡಾಯ! ಆತಂಕ ಬೇಡ, ಎಚ್ಚರವಿರಲಿ ಎಂದ ಸಿಎಂ!

ಅಪ್ಜಲ್ ಪಾಷ ಮತ್ತು ಆತನ ಹೆಂಡತಿ ಪರಸ್ಪರ ಪ್ರೀತಿಸಿ ಮದುವೆಯಾಗಿದ್ದರು. ಕಳೆದ  9ವರ್ಷಗಳಿಂದ ಸಂಸಾರ ನಡೆಸುತ್ತಿದ್ದರು. ದೊಡ್ಡಬಳ್ಳಾಪುರ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಪತ್ನಿ ದೂರು ನೀಡಿದ್ದಾಳೆ. 

ಮಾರಣಾಂತಿಕ ಹಲ್ಲೆ ನಡೆಸಿದ ಗಂಡ ಮತ್ತು ಗಂಡನ ಕುಟುಂಬದ ವಿರುದ್ದ FIR ದಾಖಲಾಗಿದೆ. ಪೊಲೀಸರಿಗೆ ದೂರು ನೀಡ್ತಿದ್ದಂತೆ ಸಂಪರ್ಕಕ್ಕೆ ಸಿಗದೆ ಅಪ್ಜಲ್ ಪಾಷ ಪರಾರಿಯಾಗಿದ್ದಾನೆ. ಆರೋಪಿಗಾಗಿ ದೊಡ್ಡಬಳ್ಳಾಪುರ ನಗರ ಪೊಲೀಸರು ಬಲೆ ಬೀಸಿದ್ದಾರೆ. 

ಇದನ್ನೂ ಓದಿ: ಬಾಡಿಗೆ ಕೊಡದ ಏರಸೆಲ್ ಹಾಗೂ ಜಿ.ಟಿ.ಎಲ್ ಕಂಪನಿಗೆ ದಂಡದ ಜೊತೆ ಟಾವರ್ ಖಾಲಿ ಮಾಡಿಕೊಂಡು ಹೋಗಲು ಆದೇಶ