ವಿಶ್ವಕಪ್‌ ಗೆಲುವಿನ ಸಂಭ್ರಮದಲ್ಲಿ ರೋಹಿತ್‌ ಧರಿಸಿದ್ದ ಕೈ ಗಡಿಯಾರದ ಬೆಲೆ ಎಷ್ಟು ಗೊತ್ತಾ..?

Rohit Sharma Watch: ವಿಶ್ವಕಪ್ ವಿಜೇತ ಭಾರತೀಯ ನಾಯಕರ ಪಟ್ಟಿಯಲ್ಲಿ ಕಪಿಲ್ ದೇವ್ ಮತ್ತು ಮಹೇಂದ್ರ ಸಿಂಗ್ ಧೋನಿ ಅವರನ್ನು ಸೇರಿಕೊಂಡ ರೋಹಿತ್ ಶರ್ಮಾ ಪ್ರಪಂಚದಾದ್ಯಂತದ ಕ್ರಿಕೆಟ್ ಅಭಿಮಾನಿಗಳನ್ನು ಹೊಂದಿದ್ದಾರೆ. ಅದರಲ್ಲಿ ಹಲವರು ರೋಹಿತ್ ಶರ್ಮಾ ಅವರ ಕೈಯಲ್ಲಿ ವಿಸ್ವಕಪ್‌ ಸಂಭ್ರದಲ್ಲಿ ಧರಿಸಿದ್ದ ಕೈ ಗಡಿಯಾರವನ್ನು ಗಮನಿಸಿದ್ದಾರೆ. ಅದಕ್ಕಾಗಿಯೇ ವೆಬ್‌ನಲ್ಲಿ ರೋಹಿತ್‌ ಧರಿಸಿರುವ ಕೈ ಗಡಿಯಾರ ಯಾವುದು ಎನ್ನುವ ಬಗ್ಗೆ ಬಹಳಷ್ಟು ಹುಡುಕಾಟ ನಡೆದಿದೆ.

ಜೂನ್ 29 ರಂದು ಬಾರ್ಬಡೋಸ್‌ನಲ್ಲಿ ನಡೆದ ಟಿ20 ವಿಶ್ವಕಪ್ ಫೈನಲ್‌ನಲ್ಲಿ ಭಾರತ ಗೆದ್ದ ನಂತರ ರೋಹಿತ್ ಶರ್ಮಾ ಅವರ ಟ್ರೋಫಿಯೊಂದಿಗೆ ಫೋಟೋ ಶೂಟ್ ಮಾಡಿಕೊಂಡರು. ಬಾರ್ಬಡೋಸ್ ತೀರದಲ್ಲಿ ಅಲೆಗಳ ನಡುವೆ ಭಾರತೀಯ ಜೆರ್ಸಿಯಲ್ಲಿ ರೋಹಿತ್ T20 ವಿಶ್ವಕಪ್‌ನೊಂದಿಗೆ ಫೋಟೋಗಳಿಗೆ ಪೋಸ್ ನೀಡಿದರು.

ಇದನ್ನೂ ಓದಿ: IND vs ZIM: ಜಿಂಬಾಬ್ವೆ ವಿರುದ್ಧ ಭಾರತಕ್ಕಿಂದು ಮಾಡು ಇಲ್ಲವೇ ಮಡಿ ಪಂದ್ಯ

ಆ ಸಮಯದಲ್ಲಿ, ಅವರು Audemars Piguet ರ ಅಪರೂಪದ ರಾಯಲ್ ಓಕ್ ಗಡಿಯಾರವನ್ನು ಧರಿಸಿದ್ದರು. ಇದರ ಮೌಲ್ಯ ಸುಮಾರು ಒಂದೂವರೆ ಕೋಟಿ ರೂಪಾಯಿ. ಈ ಮಾದರಿಯಲ್ಲಿ ಇದುವರೆಗೆ ಕೇವಲ 150 ವಾಚ್‌ಗಳನ್ನು ವಿನ್ಯಾಸಗೊಳಿಸಲಾಗಿದೆ.

ಜಪಾನ್‌ನ ಟೋಕಿಯೊದಲ್ಲಿ ತಯಾರಿಸಲ್ಪಟ್ಟಿದೆ, ವಾಚ್‌ನ ಕೇಸ್ ಮತ್ತು ಬ್ಯಾಂಡ್ ಎರಡೂ ಪ್ಲಾಟಿನಂನಿಂದ ಮಾಡಲ್ಪಟ್ಟಿದೆ. ಇದು ತಿಂಗಳು, ವಾರ, ದಿನ, ದಿನಾಂಕ, ಖಗೋಳ, ಅಧಿಕ ವರ್ಷ ಇತ್ಯಾದಿ ಸೇರಿದಂತೆ ಕ್ಯಾಲೆಂಡರ್ ಅನ್ನು ಒಳಗೊಂಡಿದೆ. ಗಂಟೆ ಗುರುತುಗಳನ್ನು 18 ಕ್ಯಾರೆಟ್ ಚಿನ್ನದಿಂದ ಮಾಡಲಾಗಿದೆ. ವಿದ್ಯುತ್ ಮೀಸಲು ಹೊಂದಿರುವ ನಲವತ್ತು ಗಂಟೆಗಳಿಗಿಂತ ಹೆಚ್ಚು ಕಾಲ ಕಾರ್ಯನಿರ್ವಹಿಸಬಹುದು. ನೀರು ಬಿದ್ದರೂ ಈ ಗಡಿಯಾರಕ್ಕೆ  ಹಾನಿಯಾಗುವುದಿಲ್ಲ.

ಇದನ್ನೂ ಓದಿ: ಟೆನಿಸ್‌ ವೀಕ್ಷಿಸಲು ಸ್ಟೈಲಿಶ್‌ ಲುಕ್‌ನಲ್ಲಿ ವಿಂಬಲ್ಡನ್‌ಗೆ ಎಂಟ್ರಿ ಕೊಟ್ಟ ರೋಹಿತ್‌ ಶರ್ಮಾ

ಇದರ ಹೊರತಾಗಿ, ಹ್ಯೂಬ್ಲೋಟ್ ಬಿಗ್ ಬ್ಯಾಂಗ್‌ನ ಯುನಿಕೊ ಟೈಟಾನಿಯಂ ವಾಚ್ ಸಹ ರೋಹಿತ್ ಶರ್ಮಾ ಅಪೂರ್ವ ಹಾಗೂ ಲಕ್ಷುರಿ ವಾಚ್‌ಗಳಲ್ಲಿ ಒಂದಾಗಿದೆ. ಇದರ ಬೆಲೆ ಸುಮಾರು 19 ಲಕ್ಷ ರೂಪಾಯಿ.

ಐಷಾರಾಮಿ ಕೈಗಡಿಯಾರಗಳನ್ನು ಹೆಚ್ಚು ಇಷ್ಟಪಡುವ ವಿರಾಟ್ ಕೊಹ್ಲಿ ಸಾಕಷ್ಟು ದುಬಾರಿ ರೋಲೆಕ್ಸ್ ವಾಚ್‌ಗಳನ್ನು ಹೊಂದಿದ್ದಾರೆ. ಅದರಲ್ಲೂ 4 ಕೋಟಿ 60 ಲಕ್ಷ ರೂಪಾಯಿ ಮೌಲ್ಯದ ರೋಲೆಕ್ಸ್ ಡೇಟೋನಾ ವಾಚ್ ಅವರ ಅಭಿಮಾನಿಗಳ ಬೇಡಿಕೆಯ ವಾಚ್ ಆಗಿದೆ.

ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಧೋನಿ ಅವರು ಸುಮಾರು 10 ಲಕ್ಷ 36 ಸಾವಿರ ರೂಪಾಯಿ ಮೌಲ್ಯದ ಒಮೆಗಾ ಸ್ಪೀಡ್ ಮಾಸ್ಟರ್ ಸಿಲ್ವರ್ ಸ್ನೂಪಿ ವಾಚ್ ಬಳಸುತ್ತಿದ್ದಾರೆ.