ಈತನ ಮೇಲಿರೋದು ಕೊಲೆ ಕೇಸ್: ಕೊಡೋದು ಬೆಂಗಳೂರು ಇವಂದೇ ಅನ್ನೋ ತರ ಬಿಲ್ಡಪ್..!

ಬೆಂಗಳೂರು: ಶಿವಣ್ಣನ ಜೋಗಯ್ಯ ಸಿನಿಮಾ ನೋಡಿದವರಿಗೆ ಆ ಸಿನಿಮಾದ ಎಲ್ಲಾ ಡೈಲಾಗ್ ಗಳು ಸರಿಯಾಗಿ ನೆನಪಿರುತ್ತೆ. ಏಯ್ ಬರ್ಕೋ ಯಾ ಪೇಪರ್ ಮುಂದುಗಡೆ ಬರ್ಕೋ ಬೆಂಗ್ಳೂರ್ ನಂದು ಅನ್ನೋ ಡೈಲಾಗ್ ಪ್ರೇಕ್ಷರನ್ನು ದಂಗು ಬಡಿಸಿತ್ತು. ರೌಡಿಗಳಿಗೂ ಅಷ್ಟೇ ಈ ಡೈಲಾಗ್ ಒಂದು ರೀತಿ ಫೇವರೆಟ್.‌

ಕಳೆದ ಎರಡು ವರ್ಷದ ಹಿಂದೆ ಬನಶಂಕರಿ ದೇವಸ್ಥಾನ ಎದುರು ಉದ್ಯಮಿ ಮದನ್ ಕೊಲೆ ಮಾಡಿ ಜೈಲು ಸೇರಿದ್ದ ಸಿದ್ದಾಪುರ ಮಹೇಶ ಕಳೆದ ವಾರ ಜೈಲಿನಿಂದ ರಿಲೀಸ್ ಆಗಿದ್ದಾನೆ. ಹೀಗಾಗಿ ಈ ಮಹೇಶನ ಚೇಲಾಗಳು ಅವನಿಗೆ ಭರ್ಜರಿ ಬಿಲ್ಡಪ್ ಕೊಟ್ಟು ಇನ್ಸ್ಟಾಗ್ರಾಮ್ ನಲ್ಲಿ ವಿಡಿಯೋ ಮೇಲೆ ವಿಡಿಯೋ ಹಾಕುತ್ತಿದ್ದಾರೆ.

ಸದ್ಯ ಈ ವಿಡಿಯೋ ನಗರ ಪೊಲೀಸರ ಕಣ್ಣಿಗೆ ಬಿದ್ದಿದ್ದು, ಸೇರಿದ್ದು ಅಧಿಕಾರಿಗಳು ಫುಲ್ ಗರಂ ಆಗಿದ್ದಾರೆ. ಆದರೆ ಮಹೇಶ ಮಾತ್ರ ಪೊಲೀಸರ ಕೈಗೂ ಸಿಗದೇ  ತನ್ನ ಸಣ್ಣ ಸುಳಿವು ನೀಡದೆ ತಲೆಮರೆಸಿಕೊಂಡಿದ್ದಾನೆ.

ಇದನ್ನೂ ಓದಿ: ಹಾಲಿನ ಪ್ರೋತ್ಸಾಹ ಧನ ಲೀಟರ್ ಗೆ 1.50 ರೂ.ಕಡಿತ

ಈ ವಿಡಿಯೋವನ್ನು ಮಹೇಶನೇ ಮಾಡಿಸಿರುವ ಮಾಹಿತಿ ಇದೆ. ಬೇಲ್ ಮೇಲೆ ರಿಲೀಸ್ ಆಗಿರುವ ಈ ಮಹೇಶ ಠಾಣೆಗೆ ಬಂದು ಸೈನ್ ಹಾಕಬೇಕಿತ್ತು. ಅದನ್ನು ಸಹ ಮಾಡಿಲ್ಲ. ಮಹೇಶ ಈ ಹಿಂದೆ ಮರ್ಡರ್ ಆಗಿದ್ದ ಬಾಬ್ಲಿ ಬಾಮೈದ ಜಾರ್ಜ್ ಹಾಗೂ ಹೊಸೂರಿನ ತಳಿ ಗಜನ ಜೊತೆ ಸೇರಿ ಟೀಂ ಬಿಲ್ಡ್ ಮಾಡುತ್ತಿದ್ದಾನಂತೆ.

ಜೈಲಿನಿಂದ ಬಂದು ಹವಾ ಹೆಚ್ಚಿಸಿಕೊಳ್ಳುವ ಸಲುವಾಗಿ  ಕೊಲೆಗೆ ಸ್ಕೇಚ್ ರೆಡಿ ಮಾಡಿದ್ದಾನೆಂದು ಪೊಲೀಸರಿಗೆ ಮಾಹಿತಿ ಸಿಕ್ಕಿದೆ. ಇನ್ನೂ ಈ ರೀತಿ ರಾಜಾರೋಷವಾಗಿ ವಿಡಿಯೋ ಮಾಡಿ ಕುಕೃತ್ಯಕ್ಕೆ ಅಣಿಯಾಗುತ್ತಿರುವ ಮಹೇಶನ ಹಿಂದೆ ಸಿಸಿಬಿ ಪೊಲೀಸರು  ಬಿದ್ದಿದ್ದಾರೆ‌‌. ಸದ್ಯ ಈ ಮಹೇಶನ ಚೇಲಾಗಳಿಗೂ ಬಿಸಿ ಮುಟ್ಟಿಸುವ ಸಾಧ್ಯತೆ ಇದ್ದು, ಸಿಸಿಬಿ ಏನ್ ಕ್ರಮ ಕೈಗೊಳ್ಳುತ್ತೆ ಕಾದು ನೋಡಬೇಕಿದೆ.