ಜಾಹೀರಾತಿನಲ್ಲಿ ಕಾಣಿಸಿಕೊಂಡ ಡಿವೈನ್‌ ಸ್ಟಾರ್: ಪಂಚೆಯುಟ್ಟು ತುಳುನಾಡ ಸಂಸ್ಕೃತಿ ಬಿಂಬಿಸಿದ ರಿಷಬ್!

Rishab Shetty In Advertisement: ಚಂದನವನದಲ್ಲಿ ಡಿವೈನ್‌ ಸ್ಟಾರ್‌ ಎಂದೇ ಪ್ರಖ್ಯಾತಿ ಪಡೆದಿರುವ ನಟ ರಿಷಬ್ ಶೆಟ್ಟಿ, ಅಭಿನಯ ಹಾಗೂ ನಿರ್ದೇಶನದ ಬಳಿಕ, ಇದೀಗ  ಜಾಹೀರಾತಿಗೂ ಕಾಲಿಟ್ಟಿದ್ದಾರೆ. ರಿಷಬ್‌ ಶೆಟ್ಟಿ ಜಾಹಿರಾತಿನಲ್ಲಿ ತುಳುನಾಡ ಸಂಸ್ಕೃತಿ ಬಿಂಬಿಸೋ ಪಂಚೆಯನ್ನು ಉಟ್ಟುಕೊಂಡು ಎಲ್ಲೆಡೆ ಕಾಣಿಸಿಕೊಂಡು, ಕಲೆ-ಸಂಸ್ಕೃತಿ ಸೇರಿದಂತೆ ಭಾಷೆ ಹೀಗೆ ಹತ್ತು ಹಲವು ವಿಚಾರಗಳನ್ನ ನಿರೂಪಿಸುವುದರ ಜೊತೆಗೆ, ಹಲವು ವಿಶೇಷತೆಗಳನ್ನೂ ಕೂಡ ಈ ಜಾಹೀರಾತಿನಲ್ಲಿ ಹೇಳಿಕೊಂಡಿದ್ದಾರೆ. 

ರಿಷಬ್ ಶೆಟ್ಟಿ ಎಲ್ಲೆಡೆ ತಮ್ಮ ಕಾಂತಾರದ ಮೂಲಕ ತುಳುನಾಡಿನ ಸಂಸ್ಕೃತಿ ಬಿಂಬಿಸಿದ್ದು, ಅಲ್ಲಿಯ ಪ್ರದೇಶದಲ್ಲಿರೋ ಪಂಚೆ ಧರಿಸೋ ಪದ್ಧತಿಯನ್ನು ಸದಾ ಫಾಲಿಸಿಕೊಂಡು ಬಂದಿದ್ದಾರೆ. ಈ ಮೂಲಕ ತಮ್ಮ ಸಂಸ್ಕೃತಿಯನ್ನ ಎಲ್ಲೆಡೆ ಬಿಂಬಿಸುತ್ತಲೇ ಇದ್ದು, ಇದೀಗ ಈ ಒಂದು ಜಾಹೀರಾತಿನಲ್ಲಿ ಕಲೆ ಮತ್ತು ಸಂಸ್ಕೃತಿಯ ನಿರೂಪಣೆ ಮಾಡಿದ್ದಾರೆ. 

View this post on Instagram

A post shared by Rishab Shetty (@rishabshettyofficial)

ಇದನ್ನೂ ಓದಿ: Padma Awards 2024: ಒಂದಕ್ಕಿಂತ ಹೆಚ್ಚು 'ಪದ್ಮ' ಪ್ರಶಸ್ತಿಗಳನ್ನು ಪಡೆದ ಸೆಲೆಬ್ರಿಟಿಗಳು ಇವರೇ!

ಪ್ರತಿ ನೂರ ಕಿಲೋಮೀಟರ್‌ಗೆ ಭಾಷೆ ಬದಲಾಗುತ್ತದೆ, ಹಾಗೆ ಸಾಗಿದಂತೆ ಸಂಸ್ಕೃತಿ ಕೂಡ ಬದಲಾಗುತ್ತದೆ ಎಂದು ಹೇಳುತ್ತಾರೆ. ಹೀಗೆ ನಮ್ಮ ದೇಶದಲ್ಲಿರೋ ವಿವಿಧ ಭಾಷೆ ಮತ್ತು ಕಲ್ಚರ್ ಕುರಿತು ಡಿವೈನ್‌ ಸ್ಟಾರ್‌ ಹೇಳಿಕೊಂಡಿದ್ದಾರೆ. ಈ ಒಂದು ಜಾಹೀರಾತಿನಲ್ಲಿ ಮೊದಲು ರಾಕಿಂಗ್ ಸ್ಟಾರ್ ಯಶ್  ಮಾಡಿದ್ದು, ಬಳಿಕ ದರ್ಶನ್, ಕಿಚ್ಚ ಸುದೀಪ್, ಶ್ರೀಮುರಳಿ, ಪುನೀತ್ ರಾಜಕುಮಾರ್ ಹೀಗೆ ಎಲ್ಲರೂ  ಕಾಣಿಸಿಕೊಂಡಿದ್ದಾರೆ.

ಸ್ಯಾಂಡಲ್‌ವುಡ್‌ನ ಈ ಎಲ್ಲಾ ನಟರಾದಮೇಲೆ, ಇದೀಗ ರಿಷಬ್ ಶೆಟ್ಟಿ ಈ ಒಂದು ಜಾಹೀರಾತು ಮಾಡಿ, ತಮ್ಮ ಈ ಜಾಹೀರಾತಿನ ವಿಡಿಯೋವನ್ನ ಸೋಷಿಯಲ್ ಮೀಡಿಯಾದಲ್ಲೂ ಹಂಚಿಕೊಂಡು ಖುಷಿಪಟ್ಟಿದ್ದಾರೆ. ಸದ್ಯ ಈ ನಟ ಕಾಂತಾರ ಚಾಪ್ಟರ್-1 ಕೆಲಸದಲ್ಲಿಯೇ ಬ್ಯುಸಿ ಆಗಿದ್ದು, ಮೊನ್ನೆ ಅಯೋಧ್ಯೆಗೂ ಸಹ ಭೇಟಿ ನೀಡಿ, ಬಾಲ ರಾಮನ ಪ್ರಾಣ ಪ್ರತಿಷ್ಠಾಪಣೆಯನ್ನ ಕಣ್ತುಂಬಿಕೊಂಡು ಬಂದಿದ್ದಾರೆ.