ಹುಟ್ಟು ಹಬ್ಬಕ್ಕೂ ಮುನ್ನವೇ ನ್ಯೂಯಾರ್ಕ್ ಟೈಮ್ಸ್ ಸ್ಕ್ವೇರ್‌ನಲ್ಲಿ ದಳಪತಿ ವಿಜಯ್ ಅಬ್ಬರ..! ವಿಡಿಯೋ ನೋಡಿ

Thalapathy Vijay : ನಾಳೆ (ಜೂನ್ 22) ನಟ ವಿಜಯ್ ಅವರ ಹುಟ್ಟುಹಬ್ಬ. ಇಂದಿನಿಂದಲೇ ಅವರ ಬರ್ತ್‌ಡೇ ಸಂಭ್ರಮಾಚರಣೆ ಶುರುವಾಗಿದೆ. ಅಲ್ಲದೆ, ವಿಜಯ್ ಪೀಪಲ್ಸ್ ಮೂವ್ ಮೆಂಟ್ ವತಿಯಿಂದ ವಿವಿಧ ಊರುಗಳಲ್ಲಿ ಸಮಾಜಮುಖಿ ಕೆಲಸಗಳನ್ನು ಮಾಡಲಾಗುತ್ತಿದೆ. ಇದಲ್ಲದೇ ಬಡವರ ಹಸಿವು ನೀಗಿಸುವ ನಿಟ್ಟಿನಲ್ಲಿ ಅನ್ನದಾನವನ್ನು ಸಹ ಆಯೋಜಿಸಲಾಗಿದೆ.

ಹೌದು.. ನಾಳೆ ತಮಿಳು ಸೂಪರ್‌ ಸ್ಟಾರ್‌ ವಿಜಯ್‌ ಹುಟ್ಟು ಹಬ್ಬ. ಒಂದು ದಿನ ಬಾಕಿ ಇರುವಾಗಲೇ ದಳಪತಿ ಬರ್ತ್‌ಡೇ ಸಂಭ್ರಮ ಶುರುವಾಗಿದೆ. ವಿಜಯ್ ಅವರ ಅಭಿಮಾನಿಗಳು ತಮಿಳುನಾಡಿನಾದ್ಯಂತ ಪೋಸ್ಟರ್‌ಗಳನ್ನು ಹಾಕಿ ಸಂಭ್ರಮಿಸುತ್ತಿದ್ದಾರೆ. ಅಲ್ಲದೆ, ರಕ್ತದಾನ ಶಿಬಿರದಂತಹ ಕಾರ್ಯಕ್ರಮಗಳನ್ನು ಆಯೋಜನೆ ಮಾಡುತ್ತಿದ್ದಾರೆ. ಅದರಲ್ಲೂ ಭಾವಿ ಮುಖ್ಯಮಂತ್ರಿ ಎಂಬ ಪೋಸ್ಟರ್‌ಗಳು ರಾರಾಜಿಸುತ್ತಿದ್ದು, ರಾಜಕೀಯ ವಲಯದಲ್ಲಿ ಸಂಚಲನ ಮೂಡಿಸಿವೆ. 

ಇನ್ನು ವಿದೇಶದಲ್ಲಿರುವ ವಿಜಯ್ ಅಭಿಮಾನಿಗಳು ಈ ಬಾರಿ ಕೊಂಚ ಡಿಫ್ರೆಂಟ್‌ ಆಗಿ ವಿಜಯ್‌ಗೆ ವಿಶ್‌ ಮಾಡಿದ್ದಾರೆ. ಕೆನಡಾದ ವಿಜಯ್ ಅಭಿಮಾನಿಗಳು ಅವರ ಹುಟ್ಟುಹಬ್ಬಕ್ಕೆ ಶುಭಕೋರಲು ನ್ಯೂಯಾರ್ಕ್ ಟೈಮ್ಸ್ ಸ್ಕ್ವೇರ್ ನ ಖ್ಯಾತ ಬಿಲ್ ಬೋರ್ಡ್ ನಲ್ಲಿ ನಟ ವಿಜಯ್ ಅವರ ಪೋಸ್ಟರ್‌ಗಳನ್ನು ಹಾಕಿಸಿದ್ದಾರೆ. ಈ ಕುರಿತು ವಿಡಿಯೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿವೆ.