ನಟಿ ದೀಪಿಕಾ ದಾಸ್ ಬರೀ ಫೋಟೋಶೂಟ್ನಲ್ಲಿ ಬ್ಯುಸಿ.. ಯಾಕೆ ಸಿನಿಮಾ, ಸೀರಿಯಲ್ ಮಾಡುತ್ತಿಲ್ಲ..?

Sandalwood : ದೀಪಿಕಾ ದಾಸ್‌ ಅವರಿಗೆ ಅವರ ಅಭಿಮಾನಿಗಳು ಓ ಚೆಲುವೆ ನಿನ್ನ ಮದುವೆ ಯಾವಾಗ,ಆ ಲಕ್ಕಿ ಬಾಯ್ ಯಾರು ಅನ್ನೋ ಪ್ರಶ್ನೆ ಸಹಜವಾಗಿ ಪದೇ ಪದೇ ಕೇಳುತ್ತಾರೆ. ಇದರ ಬೆನ್ನಲ್ಲಿ ಬಿಗ್ ಬಾಸ್ ಆದ ಬಳಿಕ ದೀಪಿಕಾ ದಾಸ್ ಹೆಚ್ಚಾಗಿ ಫೋಟೋಶೂಟ್ ಮಾಡುತ್ತಾ ಜಾಲಿ ಟ್ರಿಪ್ ನಲ್ಲಿ ತೊಡಗಿಕೊಂಡಿದ್ದಾರೆ. 

ಈ ಹಿನ್ನಲೆಯಲ್ಲಿ ದೀಪಿಕಾ ಅವರಿಗೆ ಅವರ ಫ್ಯಾನ್ಸ್‌ ಯಾವ ಸಿನಿಮಾ ಮಾಡ್ತೀರಾ ಅಥವಾ ಸೀರಿಯಲ್ ಮಾಡ್ತೀರಾ ಅಂತ ಕೇಳುತ್ತಿದ್ದಾರೆ. ಆದರೆ ದೀಪಿಕಾ ದಾಸ್ ಮಾತ್ರ ಯಾವುದಕ್ಕೂ ಇನ್ನೂ ಉತ್ತರಿಸಿಲ್ಲ.

ಇದನ್ನೂ ಓದಿ-ಜೂನ್ 5 ರಿಂದ ʼಸಿರಿಕನ್ನಡʼದಲ್ಲಿ ಎರಡು ಮೆಗಾ ಧಾರಾವಾಹಿಗಳ ಜೊತೆಗೆ ರಿಯಾಲಿಟಿ ಶೋ..!

ದೀಪಿಕಾ ದಾಸ್ ಕನ್ನಡ ಕಿರುತೆರೆ ಮತ್ತು ಚಿತ್ರರಂಗದಲ್ಲಿ ಸಕ್ರಿಯವಾಗಿರು ನಟಿ. ಇವರು ಕಿರುತೆರೆಯಲ್ಲೂ ಕೂಡ ನಟಿಸಿದ್ದಾರೆ. ಇವರು ರಾಕಿಂಗ್ ಸ್ಟಾರ್ ಯಶ್ ಸಹೋದರಿ. 1993 ಫೆಬ್ರವರಿ 23ರಂದು ಬೆಂಗಳೂರಿನಲ್ಲಿ ಜನಿಸಿದರು. 2014 ರಲ್ಲಿ ತೆರೆಕಂಡ ಸ್ಯಾಮುವೆಲ್ ಟೋನಿ ನಿರ್ದೇಶನದ `ದೂಧಸಾಗರ್' ಚಿತ್ರದಿಂದ ಸಿನಿಪಯಣ ಆರಂಭಿಸಿದರು. ನಂತರ ತೆಲುಗಿನ`ಈ ಮನಸೇ' ಚಿತ್ರದಲ್ಲಿ ನಟಿಸಿ, 2017 ರಲ್ಲಿ ತೆರೆಕಂಡ `ಡ್ರೀಮ್ ಗರ್ಲ್' ಚಿತ್ರದಲ್ಲಿ ಕೂಡ ನಾಯಕಿಯಾಗಿ ನಟಿಸಿದರು.

2016 ರಲ್ಲಿ ಜೀ ಕನ್ನಡದಲ್ಲಿ ಪ್ರಸಾರವಾದ `ನಾಗಿಣಿ' ಸೀರಿಯಲ್ ಮೂಲಕ ಕಿರುತೆರೆ ಪಯಣ ಆರಂಭಿಸಿದರು. ಈ ಧಾರಾವಾಹಿ ಸುಮಾರು 800ಕ್ಕೂ ಹೆಚ್ಚು ಸಂಚಿಕೆ ಮುಗಿಸಿ ದೀಪಿಕಾರವರಿಗೆ ಒಳ್ಳೆ ಖ್ಯಾತಿ ತಂದು ಕೊಟ್ಟಿತು. ಈ ಧಾರಾವಾಹಿಯಲ್ಲಿ ಅಮೃತಾ ಮತ್ತು ನಾಗಿಣಿ ಪಾತ್ರ ಮಾಡಿದ್ದಾರೆ.