ಅಮ್ಮನ ಕೊನೆಯ ಆಸೆಯನ್ನು ಈಡೇರಿಸಲಾಗಲಿಲ್ಲ..! ಕಾರ್ಯಕ್ರಮದ ವೇಳೆ ಬಿಕ್ಕಿ ಬಿಕ್ಕಿ ಅತ್ತ ನಟಿ ಇಂದ್ರಜಾ

Indraja Sridevi drama company : 90ರ ದಶಕದ ಸ್ಟಾರ್ ಹೀರೋಗಳ ಪೈಕಿ ಇಂದ್ರಜಾ ಕೂಡ ಸಖತ್‌ ಕ್ರೇಜ್‌ ಹೊಂದಿದ್ದಾರೆ. ಪ್ರಸ್ತುತ ಅವರು ETV ಟಿವಿ ಶೋಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇತ್ತೀಚೆಗಷ್ಟೇ ಶ್ರೀದೇವಿಯವರ ನಾಟಕ ಕಂಪನಿ ರಿಯಾಲಿಟಿ ಶೋನ ತೀರ್ಪುಗಾರರಾಗಿ ಕಾರ್ಯನಿರ್ವಹಿಸುತ್ತಿರುವ ಇಂದ್ರಜಾ ಸಂಚಿಕೆಯೊಂದರಲ್ಲಿ ತಮ್ಮ ತಾಯಿಯನ್ನು ನೆನೆದು ಕಣ್ಣೀರಿಟ್ಟರು.

ಹೌದು.. ಒಂದು ಕಾಲದಲ್ಲಿ ಸ್ಟಾರ್‌ ನಟಿಯಾಗಿ ಸಿನಿರಸಿಕರ ಮನ ಕದ್ದಿದ್ದ ನಟಿ ಇಂದ್ರಜಾ ಈಗ ಜಬರ್ದಸ್ತ್, ಶ್ರೀದೇವಿ ಡ್ರಾಮಾ ಕಂಪನಿಯಂತಹ ಹಾಸ್ಯ ಕಾರ್ಯಕ್ರಮಗಳಿಗೆ ತೀರ್ಪುಗಾರರಾಗಿ ಕಾಣಿಸಿಕೊಂಡು ಎಲ್ಲರ ಮನಸೆಳೆಯುತ್ತಿದ್ದಾರೆ. ಸದಾ ನಗುನಗುತ್ತಾ ಎಲ್ಲರನ್ನೂ ನಗಿಸುತ್ತಿದ್ದ ಇಂದ್ರಜಾ ಇತ್ತೀಚಿಗೆ ಶ್ರೀದೇವಿ ಡ್ರಾಮಾ ಕಂಪನಿಯ ಲೇಟೆಸ್ಟ್ ಸಂಚಿಕೆಯಲ್ಲಿ ಕಣ್ಣೀರಿಟ್ಟರು.

ಇದನ್ನೂ ಓದಿ: ವಿಷ್ಣುವರ್ಧನ್ ಕೈಗೆ ಧರಿಸುತ್ತಿದ್ದ ಕಡಗ ನೀಡಿದ್ದು ಇವರೇ ! ಈಗ ಯಾರ ಬಳಿ ಇದೆ ಗೊತ್ತಾ ಅದು ?

ಮೇ 12 ರಂದು ತಾಯಂದಿರ ದಿನದ ಪ್ರಯುಕ್ತ ಶ್ರೀದೇವಿ ಡ್ರಾಮಾ ಕಂಪನಿ ಶೋನಲ್ಲಿ ವಿಶೇಷ ಪ್ರದರ್ಶನವನ್ನು ರಚಿಸಲಾಗಿತ್ತು. ಇದರ ಪ್ರೋಮೋ ಇತ್ತೀಚೆಗೆ ಬಿಡುಗಡೆಯಾಗಿದೆ. ಈ ಪ್ರೋಮೋ ಪೂರ್ಣ ಭಾವನಾತ್ಮಕವಾಗಿತ್ತು. ಫೈಮಾ, ಅಂಜಲಿ ಮತ್ತಿತರರು ತಮ್ಮ ತಾಯಂದಿರೊಂದಿಗೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. 

ಇನ್ನು ಕಾರ್ಯಕ್ರಮದಲ್ಲಿ ಎಲ್ಲರೂ ನಟಿ ಇಂದ್ರಜಾ ಅವರಿಗೆ ಉಡುಗೊರೆ ನೀಡಿದರು. ಅಷ್ಟರಲ್ಲಿ ನಟ ನೂಕರಾಜು ಅವರಿಗೆ ಒಂದು ಒಳ್ಳೆಯ ಸೀರೆಯನ್ನು ಉಡುಗೊರೆಯಾಗಿ ನೀಡಿದರು. ಅವರೆಲ್ಲರ ಪ್ರೀತಿಯನ್ನು ಕಂಡು ಇಂದ್ರಜಾ ಭಾವುಕರಾದರು. ಈ ವೇಳೆ ನಟಿ ತಮ್ಮ ತಾಯಿಯನ್ನು ನೆನೆದರು. ಜೀವನದಲ್ಲಿ ಎಷ್ಟೇ ಜನರಿದ್ದರೂ, ಎಷ್ಟೇ ಸಂಬಂಧಗಳಿದ್ದರೂ ತಾಯಿ, ತಂದೆ ಇಲ್ಲದಿದ್ದರೆ ಅನಾಥರಾಗುತ್ತೇವೆ ಅಂತ ಭಾವುಕರಾದರು.