Adipurush collection day 2: ಟೀಕೆಗಳ ನಡುವೆಯೂ ಭರ್ಜರಿ ಕಲೆಕ್ಷನ್‌ ಮಾಡಿದ ಆದಿಪುರುಷ.! ಎರಡನೇ ದಿನ ಗಳಿಸಿದ್ದೆಷ್ಟು?

Adipurush Box Office Collection Day 2: ಪ್ರಭಾಸ್‌ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಆದಿಪುರುಷ ಜೂನ್‌ 16 ರಂದು ಬಿಡುಗಡೆಯಾಗಿ, ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಬಿಡುಗಡೆಯಾದಾಗಿನಿಂದ ಹಲವು ವಿವಾದಗಳಲ್ಲಿ ಸಿಲುಕಿರುವ ಆದಿಪುರುಷ ಚಿತ್ರವು ಪ್ರೇಕ್ಷಕರನ್ನು ಥಿಯೇಟರ್‌ಗೆ ಕರೆತರುವಲ್ಲಿ ನಿರಂತರವಾಗಿ ಯಶಸ್ವಿಯಾಗುತ್ತಿದೆ. ಚಿತ್ರದ ಕೆಲವು ಸಂಭಾಷಣೆಗಳಿಗೆ ಸಂಬಂಧಿಸಿದಂತೆ ಪ್ರೇಕ್ಷಕರಿಂದ ತೀವ್ರ ಟೀಕೆಗಳು ಕೇಳಿಬರುತ್ತಿವೆ. ಬಿಡುಗಡೆಯಾದ ಎರಡು ದಿನಗಳಲ್ಲಿ ಚಿತ್ರವು ಭಾರತದಲ್ಲಿ 150 ಕೋಟಿ ರೂಪಾಯಿಗಳನ್ನು ಸಂಗ್ರಹಿಸಿದೆ. ಅದೇ ಸಮಯದಲ್ಲಿ, ಹಿಂದಿಯಲ್ಲೂ ಚಿತ್ರವು ತನ್ನ ಮೊದಲ ವಾರಾಂತ್ಯದಲ್ಲಿ 100 ಕೋಟಿ ರೂಪಾಯಿಗಳಿಗಿಂತ ಹೆಚ್ಚು ವ್ಯಾಪಾರ ಮಾಡುವ ನಿರೀಕ್ಷೆಯಿದೆ. ಅಭಿಮಾನಿಗಳ ಭಾವನೆಗಳನ್ನು ಗೌರವಿಸಿ, ಚಿತ್ರದ ನಿರ್ಮಾಪಕರು ಆದಿಪುರುಷನ ವಿವಾದಾತ್ಮಕ ಡೈಲಾಗ್‌ಗಳನ್ನು ತೆಗೆದುಹಾಕಲು ನಿರ್ಧರಿಸಿದ್ದಾರೆ.

ಆದಿಪುರುಷ ಎರಡನೇ ದಿನ ಗಳಿಸಿದ ಹಣವೆಷ್ಟು?

ಹಿಂದಿ ಭಾಷೆಯಲ್ಲಿ ಶನಿವಾರ ಆದಿಪುರುಷ 38 ಕೋಟಿ ರೂಪಾಯಿ ಕಬಳಿಸಿದೆ ಎಂದು ಚಲನಚಿತ್ರ ವ್ಯಾಪಾರ ವಿಶ್ಲೇಷಕ ಸುಮಿತ್ ಕಡೆಲ್ ಹೇಳಿದ್ದಾರೆ. ಈ ಚಿತ್ರ ಶುಕ್ರವಾರದಂದು 37.25 ಕೋಟಿ ರೂ. ಈ ಮೂಲಕ ಮೊದಲೆರಡು ದಿನದಲ್ಲಿ ಆದಿಪುರುಷ 75.25 ಕೋಟಿ ಬ್ಯುಸಿನೆಸ್ ಮಾಡಿದೆ.

ಇದನ್ನೂ ಓದಿ: ಪ್ರಭಾಸ್ ಅಭಿನಯದ ಆಧಿಪುರುಷ ಸಿನಿಮಾ ವಿರುದ್ಧ ಎಫ್ಐಆರ್ ದಾಖಲು 

ಭಾರತದಲ್ಲಿ 150 ಕೋಟಿಗೂ ಹೆಚ್ಚು ಕಲೆಕ್ಷನ್ 

ಆದಿಪುರುಷನ ಕುರಿತು ನಡೆಯುತ್ತಿರುವ ವಿವಾದಗಳ ನಡುವೆ, ಹಿಂದಿ ಹೊರತುಪಡಿಸಿ ಇತರ ಭಾಷೆಗಳಲ್ಲಿ ಚಿತ್ರವು ಎರಡನೇ ದಿನದಲ್ಲಿ 65 ಕೋಟಿ ರೂ. ಮತ್ತು ಶುಕ್ರವಾರ ಚಿತ್ರ 87 ಕೋಟಿ ಬ್ಯುಸಿನೆಸ್ ಮಾಡಿದೆ. ಈ ಮೂಲಕ ಚಿತ್ರ ಒಟ್ಟು 152 ಕೋಟಿ ಗಳಿಸಿದೆ. ಜಾಗತಿಕ ಕಲೆಕ್ಷನ್ ಬಗ್ಗೆ ಹೇಳುವುದಾದರೆ ಶುಕ್ರವಾರ 140 ಕೋಟಿ, ಶನಿವಾರ 100 ಕೋಟಿ ಗಳಿಕೆ ಮಾಡಿದೆ.